Тармақ 1. Егер мәтіннің толық мәнінен өзгедей мағына туындамаса, осы Конвенцияның мақсаттары үшін: а) (і) "Қазақстан" термині Қазақстан Республикасын білдіреді. Географиялық мағынада қолданған кезде "Қазақстан" термині халықаралық құқыққа сәйкес Қазақстан белгілі бір мақсаттары үшін егемендік құқықтары мен заңдарын жүзеге асыра алатын және Қазақстанның салықтарын реттейтін заңдар қолданылатын аумақтық суларды, сондай-ақ айрықша экономикалық аймақ пен құрлықтық қайраңды қамтиды; (іі) "Норвегия" термині Норвегия Корольдігін білдіреді. Норвегияның заңдарына сәйкес және халықаралық құқықтарға сәйкес Норвегия Корольдігі теңіз табанына және оның қойнауы мен олардың табиғи ресурстарына қатысты өзінің құқықтарын жүзеге асыра алатын, Норвегия Корольдігінің аумақтық суларының шегінен тысқары жердегі кез келген аумақты қамтиды термин Свалбардты, Жан Майенді және Антарктидадағы норвегиялық аумақтарды ("biland") қамтымайды; b) "тұлға" термині жеке тұлғаны, компанияны және тұлғалардың кез келген басқа бірлестігін қамтиды; с) "компания" термині салық мақсаттары үшін корпорациялық бірлестік ретінде қарастырылатын келген корпорациялық бірлестікті немесе кез келген экономикалық бірлікті білдіреді және Қазақстан жағдайында корпорациялық бірлестік ретінде салық салуға жататын, акционерлік компанияны, жауапкершілігі шектеулі компанияны кез келген заңды тұлғаны қамтиды; d) "Уағдаласушы Мемлекет" және "басқа Уағдаласушы Мемлекет" терминдері мәтіннің толық мәніне қарай, Қазақстанды немесе Норвегияны білдіреді; е) "Уағдаласушы Мемлекеттің кәсіпорны" және "бір Уағдаласушы Мемлекеттің кәсіпорны" терминдері тиісінше Уағдаласушы Мемлекеттің резиденті басқаратын кәсіпорынды және екінші Уағдаласушы Мемлекеттің резиденті басқаратын кәсіпорынды білдіреді; f) "халықаралық тасымал" термині теңіз немесе әуе кемесі тек екінші Уағдаласушы Мемлекеттің пункттері арасында ғана пайдаланылатынынан басқа жағдайларды қоспағанда, Уағдаласушы Мемлекеттің кәсіпорны пайдаланатын кез келген теңіз немесе әуе көлігімен жасалатын тасымалды білдіреді; g) "құзыретті орган" термині: (і) Қазақстанда: Қаржы министрлігін немесе оның уәкілетті өкілін; (іі) Норвегияда: Қаржы және кеден министрі немесе оның уәкілетті өкілін білдіреді; h) "ұлттық тұлға" термині: (і) Уағдаласушы Мемлекеттің азаматтығы бар кез келген жеке тұлғаны; (іі) Уағдаласушы Мемлекеттің қолданылып жүрген заңдары негізінде өз мәртебесін алған кез келген заңды тұлғаны, әріптестікті немесе қауымдастықты білдіреді. 2. Уағдаласушы Мемлекет кез келген уақытта осы Конвенцияны қолданған кезде, онда айқындалмаған кез келген термин, егер мәтіннің толық мәнінен өзгедей мағына туындамаса, осы Конвенция қолданылатын салықтарға қатысты осы Мемлекеттің заңдары бойынша ол қандай мағынасы болса, сондай мағынаға ие болады және оның осы Мемлекеттің салық заңдарына қолдану жөніндегі кез келген мағынасы осы Мемлекеттің басқа заңдары бойынша терминге берілетін мағынадан басым болады.