Тармақ 1. Осы Конвенцияның мақсаттары үшін "тұрақты мекеме" термині кәсіпорынның тұрақты қызмет орнын білдіреді, кәсіпорын ол арқылы толық немесе ішінара түрде кәсіпкерлік қызметпен айналысады. 2. "Тұрақты мекеме" термині, атап айтқанда, мыналарды қамтиды: а) басқару орыны; b) бөлімше; с) кеңсе; d) фабрика; е) шеберхана; және g) шахта, мұнай немесе газ үңғыма, карьер немесе табиғи ресурстар өндірілетін кез келген басқа кен орны. 3. "Тұрақты мекеме" термині, сондай-ақ мыналарды қамтиды: а) құрылыс алаңы немесе құрылыс, монтаждау немесе құрастыру объектісі, немесе соларға байланысты байқау қызметтері, тек бұл үшін осындай алаң не объект 12 айдан астам уақыт бой жұмыс істеуі немесе осындай қызметтер 12 айдан астам уақыт бойы көрсетілуі қажет; b) табиғи ресурстарды барлау үшін пайдаланылған қондырғы немесе ғимарат, немесе соларға байланысты байқау қызметтері, немесе бұрғылау қондырғы, тек бұл үшін осындай пайдалану 6 айдан астам уақыт бойы созылса немесе мұндай қызметтер 6 айдан астам уақыт бойы көрсетілуі қажет; с) қызметшілер немесе басқа осындай мақсаттар үшін жалдап алынған қызметкерлер арқылы, консультациялық қызметтерді қоса алғанда, қызметтер көрсету, бірақ тек бұл үшін осындай сипаттағы қызмет (осындай немесе оған байланысты жоба үшін) ел шегінде 12 айдан астам уақытқа жалғасуы қажет. 4. Бұл баптың осының алдыңғы ережелеріне қарамастан "тұрақты мекеме" термині мыналарды: а) ғимараттарды, кәсіпорынға тиесілі тауарларды немесе бұйымдарды сақтау, көрсету не жіберіп тұру мақсаттары үшін ғана пайдалануды; b) кәсіпорынға тиесілі тауарлар немесе бұйымдар қорын тек сақтау, көрсету немесе жіберіп тұру мақсаттары үшін ғана ұстауды; с) кәсіпорынға тиесілі тауарлар немесе бұйымдар қорын тек өзге кәсіпорынның ұқсату мақсаттары үшін ғана ұстауды; d) тұрақты қызмет орнын тек тауарлар немесе бұйымдар сатып алу мақсаттары үшін немесе кәсіпорынға арналған ақпарат жинау үшін ғана ұстауды; е) тұрақты қызмет орнын тек кәсіпорын үшін әзірлік немесе көмекші сипаттағы кез келген басқа қызметті жүзеге асыру үшін ғана ұстауды; f) осындай амал нәтижесінде туындаған, тұрақты қызмет орнының жиынтық қызметі даярлық немесе көмекші сипатта болған жағдайда, тұрақты қызмет орнын а) тармақшасынан е) тармақшасына дейін көрсетілген қызмет түрлерінің кез келген амалын жүзеге асыру үшін ұстау қамтиды деп қарастырылмайды. 5. Осы баптың 1 және 2-тармақтарының ережелеріне қарамастан, егер осы баптың 6-тармағы қолданылатын тәуелсіз мәртебесі бар агенттен өзге тұлға кәсіпорынның атынан іс-әрекет етсе және кәсіпорын атынан келісім-шарттар жасау өкілеттігіне ие болса және оны әдетте Уағдаласушы Мемлекетте пайдаланса, онда бұл кәсіпорын осындай тұлғаның әрекеті 4-тармақта айтылған ережелермен шектелмей, осы тұлға кәсіпорын үшін атқаратын, тұрақты қызмет орны арқылы жүзеге асырылып, бұл тұрақты қызмет орнын осы тармақтың ережелеріне сәйкес тұрақты мекемеге айналдырмайтын кез келген әрекетіне қатысты осы Мемлекетте тұрақты мекемесі бар кәсіпорын ретінде қарастырылады. 6. Делдал, комиссионер немесе тәуелсіз мәртебесі бар кез келген басқа агент өздерінің әдеттегі қызметі шеңберінде әрекет жасаған жағдайда, кәсіпорын осы Мемлекетте осындай тұлғалар арқылы кәсіпкерлік қызмет жүзеге асырылатындықтан ғана, Уағдаласушы Мемлекетте тұрақты мекемесі бар кәсіпорын ретінде қарастырылмайды. 7. Уағдаласушы Мемлекеттің резиденті болып табылатын компанияның басқа Уағдаласушы Мемлекеттің резиденті болып табылатын немесе осы басқа Мемлекетте кәсіпкерлік қызметпен айналысатын (не тұрақты мекеме арқылы не басқа жолмен) компанияны бақылауы немесе бақылап отыруы фактісінің өздігінен осы компаниялардың бірін екіншісінің тұрақты мекемесіне айналдыра алмайды.