Тармақ 1. Егер кәсіпорын басқа Уағдаласушы Мемлекетте орналасқан тұрақты мекемесі арқылы кәсіпкерлік қызметті жүзеге асырмайтын болса, Уағдаласушы Мемлекеттің кәсіпорны алған пайдаға тек осы Мемлекетте ғана салық салынады. Егер кәсіпорын жоғарыда айтылғанындай, кәсіпкерлік қызметпен айналысатын болса, онда басқа Мемлекетте кәсіпорынның табысына тек мыналарға: а) осындай тұрақты мекемеге; b) осындай тұрақты мекеме арқылы сатылатын тауарларға немесе бұйымдарға сай келетін тауарлардың немесе бұйымдардың осы басқа Мемлекетте сатылуына; және с) осындай тұрақты кәсіпорын арқылы жүзеге асырылатын, өзінің сипаты бойынша кәсіпкерлік қызметпен сай келетін, осы Уағдаласушы Мемлекетте жүзеге асырылатын басқа кәсіпкерлік қызметке қатысты салық салынуы мүмкін. 2. 3-тармақтың ережелерін ескере отырып, егер Уағдаласушы Мемлекеттің кәсіпорны басқа Уағдаласушы Мемлекетте кәсіпкерлік қызметін сонда орналасқан тұрақты мекеме арқылы жүзеге асыратын болса, онда ол осы тұрақты мекеме нақ осындай не осыған ұқсас жағдайларда дәл осындай немесе соған ұқсас қызметпен айналысатын оқшауланған және жеке кәсіпорын болса, өзі тұрақты мекемесі болып табылатын кәсіпорыннан толық тәуелсіз жұмыс істегенде ала алатын пайдасы әрбір Уағдаласушы Мемлекеттегі осы тұрақты мекемеге жатқызылады. 3. Тұрақты мекеменің пайдасын айқындау кезінде шығыстар басқару және жалпы әкімшілік шығыстарын қоса алғанда, тұрақты мекеме орналасқан Мемлекетте немесе басқа жерде жұмсалғанына қарамастан, тұрақты мекеменің мақсаттары үшін жұмсалған шығыстарды шегеруге жол беріледі. Басқа офистерінің кез келгеніне роялти, қаламақылар немесе патенттерді немесе басқа құқықтарды пайдаланғаны үшін өтеу ретінде басқа ұқсас төлемдерді төлеу жолымен немесе арнайы (нақты) қызметтер көрсеткені үшін немесе менеджмент үшін комиссиялық ақы түрінде немесе тұрақты мекемеге кредит - берілген сомаға проценттер төлеу жолымен төленген сомаларды шегеріп тастауға жол берілмейді. 4. Бұл әдетте Уағдаласушы Мемлекетте тұрақты мекемеге қатысты пайданы айқындау кәсіпорын пайдасының жалпы сомасын әртүрлі бөлімшелері бойынша оның мөлшерлес бөлу негізінде айқындау бұл әдетте қалай қабылданғанына қарай, 2-тармақта ешбір нәрсе де осы Уағдаласушы Мемлекетте әдетте қабылданғанындай, осылай бөлу арқылы айқындауға тыйым салмайды; алайда мөлшерлес бөлудің таңдап алынған әдісі осы Бапта айтылған қағидаттарға сәйкес келетін нәтижелер беруге тиіс. 5. Осы тұрақты мекемеге кәсіпорын үшін тауарларды немесе бұйымдарды сатып алуы негізінде тұрақты мекемеге қандай да болмасын пайда есептелмейді. 6. Егер Уағдаласушы Мемлекеттің құзыретті органы үшін қол жетіп және оңай алынатын ақпарат тұрақты мекеменің пайдасын немесе шығыстарын айқындау үшін жеткіліксіз болып табылса, пайда осы Мемлекеттің салық заңдарына сәйкес есептелуі мүмкін. Осы тармақтың мақсаттары үшін, егер құзыретті орган мұндай ақпаратты жазбаша сұратқан күннен бастап 91 күннің ішінде салық төлеуші сұратып отырған құзыретті органға ақпаратты берсе, ақпарат жеңіл алынған болып саналады. 7. Мұның алдындағы тармақтардың мақсаттары үшін тұрақты мекемеге жататын пайда, егер мұндай тәртіпті өзгерту үшін жеткілікті және дәлелді себептері болмаса жылдан жылға біркелкі тәсілмен айқындала береді. 8. Егер пайда осы Конвенцияның басқа баптарында ол туралы жеке-жеке айтылған табыстардың түрлерін қамтитын болса, осы баптың ережелері. Бұл баптардың ережелерін қозғамайды.