Егер бір Тараптың мемлекетінде тіркелген тасымалдаушы екінші Тарап мемлекетінің аумағында бола тұрып, осы Келісімнің қандай да бір ережесін бұзса, ол туралы аумағында бұзушылық жасалған Тарап мемлекетінің құзыретті органы оның мемлекетінің аумағында қолданылатын қандай да бір заңнамалық санкцияға залал келтірместен оның мемлекетінің ұлттық заңнамасында көзделетіндей шаралар қабылдайтын екінші Тарап мемлекетінің құзыретті органына хабарлауы тиіс. Тараптар мемлекеттерінің құзыретті органдары қолданылған санкциялар туралы бір-бірін хабардар етеді.