Бап 2-1 О проектном финансировании и секьюритизации

Тармақ 1. Қазақстан Республикасында жобалық қаржыландыру мен секьюритилендірудің құқықтық негіздері мен шарттарын анықтау, жобалық қаржыландыру мен секьюритилендіру кезінде талап ету құқықтарын басқаға беруді жүзеге асыру мен мүліктің құқықтық режимінің ерекшеліктерін, арнаулы қаржы компаниясының құқықтық жағдайын, сондай-ақ синдикатталған қаржыландырудың құқықтық негіздері мен шарттарын айқындау жобалық қаржыландыру мен секьюритилендiру саласындағы мемлекеттік реттеудің негізгі мақсаттары болып табылады.

Тармақ 2. Жобалық қаржыландыру мен секьюритилендiру саласындағы мемлекеттік реттеудің негізгі міндеттері:

• 1) арнаулы қаржы компанияларын құру, олардың қызметі, қайта ұйымдастыру және тарату тәртібін айқындау;
• 2) реттелуі уәкілетті органның құзыретіне кіретін мәселелер бойынша арнаулы қаржы компанияларының қызметін мониторингтеу;
• 3) кредиторлардың құқықтары мен заңды мүдделерін қорғаудың тиісті деңгейін қамтамасыз ету.

Тармақ 3. Жобалық қаржыландыру мен секьюритилендiру саласындағы мемлекеттік реттеудің негізгі қағидаттары:

• 1) арнаулы қаржы компаниялары қызметінің ашықтығын қамтамасыз ету;
• 2) арнаулы қаржы компанияларының жауапкершілігі.