Тармақ 1. Осы Келiсiмдi түсiндiруге немесе қолдануға қатысты Уағдаласушы Тараптардың арасындағы кез келген дау, егер мүмкiн болса, Уағдаласушы Тараптар арасындағы келiссөздер жолымен реттелуi тиiс. 2. Егер, дау келiссөздердi кез келген Уағдаласушы Тарап сұрау салған күнiнен кейiн алты ай iшiнде, осындай түрде реттелмейтiн болса, ол кез келген Уағдаласушы Тараптың өтiнiшi бойынша төрелiк сотқа берiледi. 3. Төрелiк сот әрбiр жағдай бойынша жеке құрылуы тиiс, әрбiр Уағдаласушы Тарап бiр мүшеден тағайындайды. Бұл екi мүше одан кейiн екi Тарап тағайындайтын олардың төрағасы ретiндегi үшiншi Мемлекеттiң азаматын келiсуi тиiс. Мүшелер Уағдаласушы Тараптардың кез келгенi басқа Уағдаласушы Тарапты төрелiк трибуналға дауды беру ниетi туралы хабарландырған күнiнен бастап екi ай iшiнде, ал төраға төрт айдың iшiнде тағайындалуы тиiс. 4. Егер, осы баптың 3-тармағында аталған мерзiм сақталмаса, екiншi Уағдаласушы Тарап кез келген басқа тиiстi уағдаластық жоқ болғанда, Халықаралық Соттың Төрағасын қажеттi тағайындауларды жасауға шақыра алады. 5. Егер, Халықаралық Сот Төрағасының осы баптың 4-тармағында көзделген функцияларды жүзеге асыруына шек қойылған немесе екiншi Уағдаласушы Тараптың азаматы болып табылса, қажеттi тағайындауларды жасау үшiн вице-президент шақырылуы тиiс. Егер вице-президенттiң аталған функцияны жүзеге асыруына шек қойылса немесе Уағдаласушы Тараптардың бiрiнiң мемлекетiнiң азаматы болып табылса, құқығына шек қойылмаған немесе кез келген Уағдаласушы Тараптың азаматы болып табылмайтын Соттың дәрежесi бойынша ең жоғары мүшесi қажеттi тағайындауларды жүзеге асыруға шақырылатын болады. 6. Төрелiк сот шешiмдi көпшiлiк дауыспен қабылдайды, шешiм Уағдаласушы Тараптар үшiн түпкiлiктi және мiндеттi болып табылады. Әрбiр Уағдаласушы Тарап осы Уағдаласушы Тарап тағайындаған мүшенiң шығыстарын, сондай-ақ төрелiк тыңдауларда оның өкiлдiгi бойынша шығындарды да мойнына алады; төрағаның шығыстарын басқа да шығыстар сияқты екi Уағдаласушы Тарап тең бөлiкте мойнына алуы тиiс. Төрелiк сот, алайда, өзiнiң шешiмiнде, шығыстардың көпшiлiк бөлiгiн Уағдаласушы Тараптардың бiреуi көтеретiнiн көрсете алады. Қалған барлық басқа қарым-қатынастарда төрелiк сот рәсiмiн соттың өзi тiкелей айқындауы тиiс.