Тармақ 1. Басқарушылар кеңесi жыл сайынғы мәжiлiстердi, сондай-ақ Кеңестің бастамасы немесе Директорлар кеңесiнің талабы бойынша басқа мәжiлiстердi өткiзедi. Басқарушылар кеңесiнің мәжiлiсiн Банктің кемiнде бес (5) мүшесiнің немесе дауыс беруге құқығы бар мүшелердің жалпы санының кемiнде төрттен бiрiн құрайтын мүшелердің талабы бойынша Директорлар кеңесi шақыртады.
Тармақ 2. Басқарушылардың үштен екiсi осындай көпшiлiк мүшелердің құқығы бар жалпы дауыс санының кемiнде үштен екiсiн құраған жағдайда Басқарушылар кеңесiнiң кез келген мәжiлiсiнде кворумды құрайды.
Тармақ 3. Басқарушылар кеңесi өз өкiмiмен дауыс беру рәсiмiн белгiлейдi, оған сәйкес Директорлар кеңесi тиiмдi деп тапқан жағдайда Басқарушылар кеңесiнің мәжiлiсiн шақыртпай, қандай да бiр нақты мәселе бойынша басқарушыларға сауалнама жүргізу арқылы дауысқа салады.
Тармақ 4. Басқарушылар кеңесi және Директорлар кеңесi өз өкiлеттiктерi шегiнде Банктің қызметiн жүзеге асыру үшiн тиiмдi немесе қажеттi тәртіптер мен ережелер қабылдауға және қосалқы органдар құруға құқылы.