Тармақ 1. Банк өзiнің мақсаты мен функцияларына қандай да болмасын жолдармен зиян келтiретiн, олардан бас тартуға немесе басқа түрде өзгертуге әкеп соқтыратын арнайы қорларды немесе басқа кредиттердi болмаса көмектi қабылдамайды.
Тармақ 2. Банк, оның Президентi, вице-президент(тер)i, лауазымды тұлғалары және қызметкерлерi өз шешiмдерiнде осы Келiсiмде айқындалған Банктің мақсатын, оның функциялары мен операцияларын басшылыққа алады. Мұндай шешiм Банктің мақсаты мен функцияларына қол жеткiзу және жүзеге асыру тұрғысынан әділдiкпен бағаланады.
Тармақ 3. Банктің Президентi, вице-президент(тер)i, лауазымды тұлғалары және қызметкерлерi өзiнің лауазымдық мiндеттерiн атқару кезiнде тек Банкке қызмет етедi және басқа ешқандай билiкке бағынбайды. Банктің әрбiр мүшесi оның халықаралық мәртебесiн мойындайды және өзiнің мiндеттерiн орындау кезiнде бiреуге ықпал етуге құқылы емес .