Судья сот орындаушысының атқару санкциясын өндiрiп алу және атқарушылық iс-әрекеттi жасау жөнiндегi шығыстарды өтеткiзу туралы ұсынысын сотқа келiп түскен күннен бастап он күн iшiнде шешедi. Сот борышкердi және өндiрiп алушыны сот орындаушысының ұсынысы келiп түскенi туралы хабардар етедi, сот отырысының өткiзiлетiн уақыты мен орнын хабарлайды. Сот отырысының өткiзiлетiн уақыты мен орны туралы тиiсiнше хабардар етiлген борышкердiң немесе өндiрiп алушының келмей қалуы iстi қарауға кедергi болмайды. Судья сот орындаушысының ұсынысын қарап, ұйғарым шығарады. Сот ұйғарымының көшiрмесi борышкер мен өндiрiп алушыға үш күн мерзiмде жiберiледi. 2. Соттың атқару санкциясын өндiрiп алу және атқарушылық iс-әрекеттi жасау жөнiндегi шығыстарды өтеткiзу мәселесi жөнiндегi ұйғарымына жеке шағым жасалуы және наразылық бiлдiрiлуi мүмкiн. 3. Соттың атқару санкциясын өндiрiп алу және атқарушылық iс-әрекеттер жасау жөнiндегi шығыстарды өтеткiзу туралы ұйғарымы негiзiнде атқару парағы жазылады. 4. Атқару санкциясын өндiрiп алу туралы және атқарушылық iс-әрекеттер жасау жөнiндегi шығыстарды өтеткiзу туралы ұйғарым сот шешiмдерiн орындау үшiн белгiленген тәртiппен орындалатын болады.