"Қазақстан Республикасында мүгедектiгi бойынша, асыраушысынан айырылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы" 1997 жылғы 16 маусымдағы Қазақстан Республикасының Заңына (Қазақстан Республикасы Парламентiнiң Жаршысы, 1997 ж., N 11, 154-құжат; 1999 ж., N 8, 239-құжат; N 23, 925-құжат; 2002 ж., N 6, 71-құжат; 2003 ж., N 1-2, 13-құжат; 2004 ж., N 23, 142-құжат; N 24, 157-құжат; 2005 ж., N 23, 98-құжат):
- 1) 1-1-баптың 1-тармағы мынадай редакцияда жазылсын: "1. Орталық атқарушы орган - халықты әлеуметтiк қорғау саласында реттеудi жүзеге асыратын мемлекеттiк орган.";
- 2) 3-бапта: 2-тармақтағы "уәкілеттi мемлекеттiк орган" деген сөздер "Қазақстан Республикасының Үкiметi" деген сөздермен ауыстырылсын;
- 3) 4-тармақта: бiрiншi бөлiктегi "он күн мерзiмнен" деген сөздер "он жұмыс күнiнен" деген сөздермен ауыстырылсын; екiншi бөлiктегi "бес күннен" деген сөздер "бес жұмыс күнiнен" деген сөздермен ауыстырылсын;
- 3) 6-бапта: 1-тармақ мынадай редакцияда жазылсын: "1. Жәрдемақы төлеу ағымдағы ай үшiн жүргiзіледi. Жәрдемақы алушы қайтыс болған жағдайда жәрдемақы қайтыс болған айына қоса төленедi.";
- 5) 4-тармақ мынадай редакцияда жазылсын: "4. Жәрдемақы төлеу Қазақстан Республикасының Үкiметi белгiлеген тәртiппен жүзеге асырылады.";
- 4) 9-баптың үшiншi абзацы мынадай редакцияда жазылсын: "Мүгедектiктi куәландыру, оның себептерiн, топтарын және еңбекке қабiлетiн жоғалту дәрежесiн анықтау ережесiн Қазақстан Pecпубликасының заңнамасына сәйкес, денсаулық сақтау саласындағы уәкiлеттi органмен келiсiм бойынша орталық атқарушы орган әзiрлейдi.".