Тармақ 1. Заңсыз еңбектенуге көшiп келушiлердi жария етудi осы Заңның 1-бабының 1-тармағында аталған шетелдiктердiң еңбегiн пайдаланатын жұмыс берушi оларды iшкi iстер органдарында еңбектенуге көшiп келушiлер ретiнде тiркеу жолымен жүргiзедi.
Тармақ 2. Заңсыз еңбектенуге көшiп келушiлердi жария ету үшiн жұмыс берушiлер еңбек қызметiн жүзеге асыратын жерi бойынша iшкi iстер органдарына еңбектенуге көшiп келушiлердi тiркеу туралы өтiнiш бередi.
Тармақ 3. Тiркеу туралы өтiнiш берiлген күнiнен бастап бес жұмыс күнi iшiнде қаралады.
Тармақ 4. Осы Заңда белгiленген талаптар сақталған кезде iшкi iстер органдары ерекше үлгідегі көшi-қон карточкасын беpe отырып, шетелдiктi тiркеудi жүргiзедi.
Тармақ 5. Жұмыс берушiлер және еңбектенуге көшiп келушiлер ретiнде тiркелген шетелдiктер туралы мәлiметтердi тiркеудi жүзеге асырған аумақтық iшкi iстер органы жария етілген еңбектенуге көшiп келушiлер тiзiлiмiне енгiзедi.
Тармақ 6. Осы Заңда белгіленген талаптар сақталмаған жағдайда, тіркеуден бас тарту себептерi көрсетiле отырып, өтiнiш қайтарылуға тиiс.
Тармақ 7. Жұмыс берушілер осы Заңның 1-бабының 1-тармағында аталған адамдардың еңбегiн олар iшкi iстер органдарында тiркелген күннен бастап пайдалана алады.
Тармақ 8. Осы Заңның 1-бабының 1-тармағында аталған адамдар тiркелген күнiнен бастап тiркеу үшiн ұсынылған жеке еңбек шартының қолданылу мерзiмi iшiнде, бiрақ ол жасасылған күннен бастап үш жылдан аспайтын мерзiмде Қазақстан Республикасының аумағында еңбек қызметiн жүзеге асыра алады.