Тармақ 1. Өкiлдiгiн берген мемлекеттiң елтаңбасы бейнеленген және өкiлдiгiн берген мемлекет тiлi мен консулдық орналасқан мемлекет тiлiнде консулдық мекеменiң атауы жазылған консулдық тақта консулдық мекеме ғимаратына және консулдық мекеме басшысының резиденциясына бекiтiлiп қойылуы мүмкiн. 2. Консулдық мекеме ғимаратына және консулдық мекеме басшысының резиденциясына өкiлдiгiн берген мемлекеттiң мемлекеттiк жалауы iлiнiп қойылуы мүмкiн. 3. Консулдық мекеменiң басшысы көлiк құралдарына, оларды қызмет бабында пайдаланған кезде, өкiлдiгiн берген мемлекеттiң жалаушасын iлiп қоя алады.