және 8-тармақтар мынадай редакцияда жазылсын: "7. Бюджеттiк бағдарлама паспортының жобасы бюджеттiк бағдарламаның мақсаттарын, нормативтiк-құқықтық негiзiн, мiндеттерiн, iс-шараларын, жауапты орындаушыларын, орындалу мерзiмдерiн, ұлттық валютамен көрсетiлген құнын, қаржыландыру көздерiн, күтiлетiн нәтижелердi, индикаторларды айқындайтын құжат болып табылады. 8. Субсидиялауға жiберiлетiн шығындарды қоспағанда, бюджеттiк бағдарлама (iшкi бағдарлама) бойынша шығыстардың есебi бюджеттiк бағдарламалардың нормативтiк, сандық, құндық көрсеткiштерi және бекiтiлген заттай нормалар негiзiнде жүзеге асырылады. Бюджеттiк субсидиялардың мөлшерi жеке, заңды тұлғалар және шаруа (фермер) қожалықтары өз қаражаты есебiнен жабатын құнды алып тастағанда, жеке, заңды тұлғалардың және шаруа (фермер) қожалықтары қызметiнiң құнын жабуға бағытталатын сома ретiнде айқындалды. Бюджеттiк бағдарламалардың әкiмшiсi бюджеттiк өтiнiмнiң есептеулер негiзiнде жасалуына және олардың дұрыстығына жауапты болады.";
- 53) 75-баптың 1-тармағы мынадай редакцияда жазылсын: "1. Бюджеттiк жоспарлау жөнiндегi орталық және жергiлiктi уәкiлеттi органдар бюджеттiк өтiнiмдердi қарап, оларға осы Кодекстiң 35-бабының 3-тармағына сәйкес бағалау жүргiзедi және солар бойынша тиiстi қорытынды дайындайды. Бюджеттiк бағдарламаның әкiмшiсi бюджеттiк өтiнiмдi қағазға түсiрiп және бюджеттiк жоспарлау жөнiндегi орталық уәкiлеттi органның ақпараттық жүйесiн пайдалану арқылы электрондық құжат түрiнде енгiзуге мiндеттi. Бюджеттiк өтiнiм Қазақстан Республикасының бюджет заңнамасының оны жасау және табыс ету жөнiндегi талаптарына сәйкес келмеген жағдайда, бюджеттiк жоспарлау жөнiндегi орталық және жергiлiктi уәкiлеттi органдар бюджеттiк өтiнiмдi бюджеттiк бағдарламаның әкiмшiсiне қайтарады. Бюджеттiк өтiнiм бюджеттiк жоспарлау жөнiндегi орталық уәкiлеттi органның ақпараттық жүйесiнде болмаған және қағазға түсiрiп берiлген бюджеттiк өтiнiммен сәйкес келмеген жағдайда, бюджеттiк жоспарлау жөнiндегi орталық уәкiлеттi орган оны қарамастан бюджеттiк бағдарламалардың әкiмшiсiне қайтарады.";
- 54) 76-бапта: 3-тармақта: 2) тармақшада: ", айлық есептiк көрсеткiштiң ең төменгi мөлшерi" деген сөздер "ең төменгi мөлшерi, ең төменгi күнкөрiс деңгейi және мемлекеттiк базалық зейнетақы төлемiнiң мөлшерi" деген сөздермен ауыстырылсын; мынадай мазмұндағы 7-1) тармақшамен толықтырылсын: "7-1) мемлекет кепiлгерлiгiн беру лимитi;"; 4-тармақтың 2) және 3) тармақшалары мынадай редакцияда жазылсын: "2) Қазақстан Республикасының Ұлттық қорына жiберiлетiн бюджет түсiмдерiнiң көлемi; 3) тiкелей салықтары (жергiлiктi бюджеттердiң есебiне жатқызылатын салықтарды қоспағанда) Қазақстан Республикасының Ұлттық қорының есебiне жатқызылатын шикi мұнай және газ конденсатын өндiрумен және (немесе) өткiзумен айналысатын мұнай секторы кәсiпорындарының тiзбесi;";
- 55) 79-баптың 1-тармағының екiншi бөлiгi мынадай мазмұндағы 2-1) тармақшамен толықтырылсын: "2-1) шоғырландырылған бюджеттi;";
- 56) 86-бапта: 3-тармақтағы "Осы Кодексте көзделген жағдайларды қоспағанда, бюджеттiң" деген сөздер "Бюджеттiң" деген сөзбен ауыстырылсын; 5-тармақтағы "атқарылуына қызмет көрсетудi" деген сөздер "атқарылуы бойынша рәсiмдердi" деген сөздермен ауыстырылсын;
- 57) 87-бапта: 1-тармақтағы "ic-шараларға" деген сөздер "iс-шаралардың өткiзiлуiне, күтiлетiн нәтижелер мен индикаторларға қол жеткiзуге" деген сөздермен ауыстырылсын; 2 және 4-тармақтар мынадай редакцияда жазылсын: "2. Уақтылылық принципi - түсiмдердi республикалық және жергiлiктi бюджеттердiң есебiне жатқызу және бюджет қаражатын жеке қаржыландыру жоспарларына, төлемдер бойынша қаржыландыру жоспарларына сәйкес пайдалану және бюджетке түсiмдердi, сондай-ақ бюджет қаражатын Қазақстан Республикасының Үкiметi айқындаған мерзiмде және тәртiппен оларды алушылар шоттарының есебiне жатқызу."; "4. Кассаның бiрыңғайлық принципi - барлық бюджет түсiмдерiн бiрыңғай қазынашылық шот есебiне жатқызу және барлық көзделген шығыстарды бiрыңғай қазынашылық шоттан ұлттық валютамен жүзеге асыру. Қазақстан Республикасының Ұлттық Банкiнде ашылған банк шоттарынан шетелдiк валютаның түрлерi бойынша бюджетке түсетiн түсiмдер бюджеттi атқару жөнiндегi орталық уәкiлеттi орган Қазақстан Республикасы Ұлттық Банкiне қайта айырбастауға өтiнiм берген күннен бастап үш жұмыс күнiнен кешiктiрiлмей қайта айырбасталуға және бiрыңғай қазынашылық шот есебiне жатқызылуға тиiс. Бюджет жүйесiнiң барлық деңгейдегi бюджеттерi кассаның бiрыңғайлығы принципi негiзiнде атқарылады.";
- 58) 88-бап мынадай редакцияда жазылсын: