1) Қазақстан Республикасының Yкiметi бекiтетiн тiзбеге сәйкес тегiн медициналық көмектiң кепiлдi көлемiн алуға;
2) өздерiнiң жеке қаражаты, ұйымдардың, ерiктi медициналық сақтандыру жүйесiнiң қаражаты және Қазақстан Республикасының заңнамасымен тыйым салынбаған өзге де қаражат көздерi есебiнен тегiн медициналық көмектiң кепiлдi көлемiнен тыс қосымша медициналық қызметтерге;
3) тегiн медициналық көмектiң кепiлдi көлемi шеңберiнде дәрiлiк заттармен қамтамасыз етiлуге;
4) бюджет қаражаты есебiнен шетелде медициналық көмек алуға;
5) уақытша еңбекке жарамсыздық фактiсiн куәландыруға;
6) санитарлық-эпидемиологиялық, экологиялық салауаттылыққа және радиациялық қауiпсiздiкке;
7) сапалы әрi уақтылы медициналық көмек алуға;
8) медициналық көмек көрсетiлуiнiң барлық кезеңiнде оның сабақтастығына құқығы бар.
9) Қазақстан Республикасының Үкiметi бекiтетiн тегiн медициналық көмектiң кепiлдi көлемiнiң тiзбесi бұқаралық ақпарат құралдарында мiндеттi түрде жариялануға тиiс.
Тармақ 2. Азаматтар жедел медициналық көмекпен тегiн қамтамасыз eтiледi.
Тармақ 3. Денсаулық сақтау субъектiлерiнен ақылы медициналық көмек алу Қазақстан Республикасының Үкiметi белгiлеген негiздерде және тәртiппен жүргiзiледi.
Тармақ 4. Уақытша еңбекке жарамсыздық фактiсi құжатпен - уақытша еңбекке жарамсыздық туралы парақпен немесе анықтамамен куәландырылады. Уақытша еңбекке жарамсыздық туралы парақ азаматтарға жұмыстан босауға және уақытша еңбекке жарамсыздық бойынша жәрдемақы алуға құқық бередi. Уақытша еңбекке жарамсыздық туралы анықтама азаматтарға жәрдемақы алмай жұмыстан босауға құқық бередi.
Тармақ 5. Психикалық аурулары бар адамдардан басқа, жыныстық сәйкестiгiнде ауытқушылық бар адамдар жынысын ауыстыруға құқылы.
Тармақ 6. Азаматтардың ұрпақты болу денсаулығын қорғау саласындағы құқықтары арнаулы заңмен реттеледi.