Тармақ 1. Айналасындағыларға қауiп төндiретiн аурулары бар азаматтар медициналық ұйымдардың талап етуi бойынша тексерiлуден өтуге және емделуге мiндеттi.
Тармақ 2. Айналасындағыларға қауiп төндiретiн аурулары бар азаматтар тексерiлуден және емделуден жалтарған жағдайда, Қазақстан Республикасының заңнамасына сәйкес мәжбүрлеу тәртiбiмен куәландыруға және емдеуге тартылады.
Тармақ 3. Айналасындағыларға қауiп төндiретiн аурулардан зардап шегетiн азаматтарды мәжбүрлеп емдеуге жiберудiң негiздерi мен тәртiбi Қазақстан Республикасының заңнамасымен реттеледi.
Тармақ 4. Айналасындағыларға қауiп төндiретiн аурулары бар және бұл ауруынан хабардар азаматтар медициналық көмек алуға барған кезде медицина персоналын өзiнiң ауруы туралы хабардар етуге мiндеттi.