Тармақ 1. Клиникаға дейiнгi зерттеулер және медициналық-биологиялық эксперименттер жануарларға жүргiзiледi.
Тармақ 2. Адамға клиникалық сынау жасау жануарларға жасалған клиникаға дейiнгi зерттеулер мен медициналық-биологиялық эксперименттердiң оң нәтижелерi алынған жағдайда, оның хабардар етiлген жазбаша келiсiмiмен ғана не адам мен денсаулық сақтау ұйымының арасындағы шарт бойынша жасалады. Клиникалық сынаулар сыналатын адамның талап етуi бойынша кез келген кезеңде, сондай-ақ оның өмiрiне, денсаулығына қауiп төнген жағдайда тоқтатылады.
Тармақ 3. Профилактиканың, диагностиканың, емдеу мен медициналық оңалтудың жаңа әдiстерi мен құралдары клиникалық сынаулардың оң нәтижелерi алынған жағдайда қолданылуы мүмкiн.