Тармақ 1. Патологиялық-анатомиялық ашу өлiмнiң себептерiн анықтау мен аурудың диагнозын нақтылау мақсатында жүргiзiледi.
Тармақ 2. Зорлықпен өлтiрiлгендiгiне күмән болмаған және жұбайының (зайыбының), жақын туыстарының немесе заңды өкiлдерiнiң жазбаша өтiнiшi болған кезде не өлген адамның өзiнiң тiрi кезiнде бiлдiрген еркiне сәйкес ашу жүргiзiлмей-ақ мәйiттi беруге рұқсат етiледi.
Тармақ 3. Өлген адамның жақын туыстарының немесе заңды өкiлiнiң талап етуi бойынша патологиялық-анатомиялық ашуды уәкiлеттi орган белгiлеген тәртiппен тәуелсiз денсаулық сақтау ұйымдары жүргiзуi мүмкін.