Тармақ 1. Халықтың санитарлық-эпидемиологиялық, экологиялық салауаттылығы және радиациялық қауiпсiздiгi мемлекеттiк органдар мен жұмыс берушiлердiң Қазақстан Республикасының заңнамасына сәйкес iс-шаралар жүргiзуi арқылы қамтамасыз етiледi.
Тармақ 2. Мемлекет бүгiнгi және келешек ұрпақтардың денсаулық жай-күйiне терiс әсер етпейтiн қолайлы қоршаған ортаның сақталуын қамтамасыз етедi.
Тармақ 3. Қазақстан Республикасы облысының (республикалық маңызы бар қаланың, астананың) жергiлiктi атқарушы органдары аурулардың профилактикасы мақсатында, медициналық-санитарлық, экологиялық, табиғи, техногендiк, өндiрiстiк сипаттағы анықталған факторлардың адамдардың өмiрi мен денсаулығына әсерi жөнiнде халықты бұқаралық ақпарат құралдары арқылы уақтылы хабардар етудi қамтамасыз етедi.
Тармақ 4. Әскери-медициналық және басқа да медициналық қызметтер уәкiлеттi органды және облыстың (республикалық маңызы бар қаланың, астананың) жергiлiктi атқарушы органдарын осы баптың 3-тармағында санамаланған, анықталған факторлар туралы хабардар етiп отырады.