Тармақ 1. Экономикалық шоғырлануға рұқсат беру туралы өтiнiштi қарау нәтижелерi бойынша монополияға қарсы орган:
Тармақ 2. Монополияға қарсы органның экономикалық шоғырлануға рұқсат беру туралы шешiмi экономикалық шоғырлануға қатысушылардың экономикалық шоғырланудың бәсекеге терiс әсерiн жоятын немесе жұмсартатын белгiлi талаптар мен мiндеттемелердi орындауымен байланыстырылуы мүмкiн. Мұндай шарттар мен мiндеттемелер, атап айтқанда, мүлiктi басқару, пайдалану немесе оған билiк ету жөнiндегi шектеулерге қатысты болуы мүмкiн.
Тармақ 3. Егер монополияға қарсы органның шешiмiнде өзгеше белгiленбесе, экономикалық шоғырлану монополияға қарсы орган экономикалық шоғырлануға рұқсат беру туралы шешiм қабылдаған күннен бастап бiр жыл iшiнде жүзеге асырылуға тиiс. Егер экономикалық шоғырлану белгiленген мерзiмде жүзеге асырылмаса, экономикалық шоғырлануға қатысушылар экономикалық шоғырлануға рұқсат беру туралы жаңа өтiнiш бередi.
Тармақ 4. Өтiнiш берушiге - шешiм не шешiмде қызметтiк, коммерциялық немесе заңмен қорғалатын өзге де құпияны құрайтын мәлiметтер болған жағдайда монополияға қарсы орган шешiмiнiң үзiндi көшiрмесi жiберiледi.