Тармақ 1. Тергеу монополияға қарсы орган тергеу туралы шешiм шығарғаннан кейiн жүргiзiледi. Монополияға қарсы органның тергеу туралы шешiмiнде:
Тармақ 2. Тергеу туралы шешiмге монополияға қарсы органның басшысы не ол уәкiлеттiк берген өзге тұлға қол қояды, монополияға қарсы органның мөрiмен куәландырылады және Қазақстан Республикасының заңнамасында көзделген талаптар ескерiле отырып, арнайы журналда тiркеледi.
Тармақ 3. Монополияға қарсы орган бiрнеше тексеру барысында анықталған фактiлер бойынша бiр тергеу жүргiзу туралы не бiрнеше тергеудi бiреуiне бiрiктiру туралы шешiм қабылдауға құқылы.
Тармақ 4. Монополияға қарсы орган тергеу жүргiзу үшiн негiз пайда болған күннен бастап он бес күннен кешiктiрмей тергеу туралы шешiм қабылдайды.
Тармақ 5. Монополияға қарсы орган тергеу жүргiзу үшiн Қазақстан Республикасының басқа да мемлекеттiк органдарының мамандарын, сондай-ақ ғалымдар мен сарапшыларды тартуға құқылы.
Тармақ 6. Монополияға қарсы органның лауазымды адамы үш жұмыс күнi iшiнде тергеу жүргiзiлетiн нарық субъектiсiне, мемлекеттiк органға тергеу туралы шешiмдi және қызметтiк куәлiктi көрсетуге не монополияға қарсы орган осы шешiмдi нарық субъектiсi басшысының, мемлекеттiк органның лауазымды адамының атына хабарлама берiлетiн тапсырыс хатпен почта байланысы арқылы жiберуге мiндеттi.
Тармақ 7. Тергеу туралы шешiмдi және қызметтiк куәлiгiн көрсеткен кезде тергеу жүргiзiлетiн нарық субъектiлерi, мемлекеттiк органдар монополияға қарсы органның лауазымды адамын аумаққа немесе үй-жайға кiргiзуге, тергеу жүргiзуге қажеттi ақпарат алу мүмкiндiгiн қамтамасыз етуге мiндеттi.
Тармақ 8. Тергеу жүргiзетiн монополияға қарсы органның лауазымды адамының аталған аумаққа немесе үй-жайға кiруiне кедергi келтiрiлген жағдайда хаттама жасалады. Хаттамаға тергеу жүргiзген монополияға қарсы органның лауазымды адамы және нарық субъектiсiнiң басшысы, мемлекеттiк органның лауазымды адамы қол қояды. Аталған хаттамаға қол қоюдан бас тартқан жағдайда нарық субъектiсiнiң басшысы, мемлекеттiк органның лауазымды адамы бас тарту себептерiнiң жазбаша түсiнiктерiн беруге мiндеттi.
Тармақ 9. Тергеу оның нәтижелерi туралы қорытынды жасаумен аяқталады. Тергеу нәтижелерi туралы қорытындыда осы Заңның тиiстi нормаларына сiлтеме жасала отырып, Қазақстан Республикасының монополияға қарсы заңнамасын бұзушылықтың сипаттамасы қамтылуға тиiс. Егер, тергеуде Қазақстан Республикасының монополияға қарсы заңнамасын бұзушылық фактiсi расталмаса, тергеу нәтижелерi туралы қорытындыда бұл жөнiнде тиiстi жазба жасалады.
Тармақ 10. Тиiстi құжаттармен расталатын, тексерiлген деректер мен фактiлер осы Заңның бұзылуы фактiсiнiң дәлелдерi болып табылады.
Тармақ 11. Қорытынды екi дана етiп жасалады және оның бiреуi оған қатысты тергеу жүргiзiлген нарық субъектiсiнiң басшысына немесе мемлекеттiк органның лауазымды адамына тапсырылады.
Тармақ 12. Тергеу тергеу туралы шешiм қабылданған күннен бастап екi ай мерзiмнен кешiктiрiлмей аяқталуға тиiс. Қосымша тергеу қажет болған жағдайда, тергеу жүргiзуге жауапты монополияға қарсы органның лауазымды адамы монополияға қарсы органның басшысына атқарылған жұмыс нәтижесi баяндалған және тергеу мерзiмiн ұзарту қажеттiгiнiң негiздемесi келтiрiлген қызметтiк жазба табыс етедi.
Тармақ 13. Монополияға қарсы органның басшысы тергеу мерзiмiн ұзарту туралы шешiм қабылдауға құқылы. Тергеу мерзiмiн ұзарту күнтiзбелiк отыз күннен аспауға тиiс.
Тармақ 14. Тергеу мерзiмiн ұзарту туралы шешiмнiң көшiрмесi оған қатысты тергеу жүргiзiлген нарық субъектiсi басшысының немесе мемлекеттiк органның лауазымды адамының атына хабарлама берiлетiн тапсырыс хатпен почта байланысы арқылы жiберiледi не нарық субъектiсi басшысына немесе мемлекеттiк органның лауазымды адамына табыс етiледi.
Тармақ 15. Өзiне қатысты тергеу жүргiзiлген нарық субъектiсiне, мемлекеттiк органға тергеудiң нәтижесi туралы қорытынды тапсырылған күн тергеудiң аяқталған мерзiмi болып есептеледi.
Тармақ 16. Тергеу жүргiзу тәртiбiн Қазақстан Республикасының Үкiметi белгiлейдi .