Бап 14 Об особо охраняемых природных территориях

Тармақ 1. Ерекше қорғалатын табиғи аумақтар мемлекеттiк табиғи-қорық қоры объектiлерiнiң маңыздылығына байланысты республикалық немесе жергiлiктi маңызы бар санаттарға жатқызылады.

Тармақ 2. Республикалық маңызы бар ерекше қорғалатын табиғи аумақтар құрылу мақсаттарына және қорғалу режимiнiң түрлерiне байланысты мынадай түрлерге бөлiнедi:

• 1) мемлекеттiк табиғи қорықтар;
• 2) мемлекеттiк ұлттық табиғи парктер;
• 3) мемлекеттiк табиғи резерваттар;
• 4) мемлекеттiк зоологиялық парктер;
• 5) мемлекеттiк ботаникалық бақтар;
• 6) мемлекеттiк дендрологиялық парктер;
• 7) мемлекеттiк табиғат ескерткiштерi;
• 8) мемлекеттiк табиғи қаумалдар;
• 9) мемлекеттiк қорық аймақтары.

Тармақ 3. Жергiлiктi маңызы бар ерекше қорғалатын табиғи аумақтар құрылу мақсаттарына және қорғалу режимiнiң түрлерiне байланысты мынадай түрлерге бөлiнедi:

• 1) мемлекеттiк өңiрлiк табиғи парктер;
• 2) мемлекеттiк зоологиялық парктер;
• 4) мемлекеттiк дендрологиялық парктер;
• 5) мемлекеттiк табиғат ескерткiштерi;
• 6) мемлекеттiк табиғи қаумалдар.

Тармақ 4. Қазақстан Республикасының заңнамалық актiлерiмен ерекше қорғалатын табиғи аумақтардың өзге де түрлерi көзделуi мүмкiн.

Тармақ 5. Ерекше қорғалатын табиғи аумақтарды республикалық маңызы бар санатқа жатқызуды - уәкiлеттi органның ұсынуы бойынша Қазақстан Республикасының Yкiметi, жергiлiктi маңызы бар санатқа жатқызуды - уәкiлеттi органмен келiсе отырып, облыстардың, республикалық маңызы бар қаланың, астананың жергілікті атқарушы органдары жүргiзедi.

Тармақ 6. Заңды тұлға мәртебесi бар ерекше қорғалатын табиғи аумақты оның мәртебесiн төмендетуге әкеп соғатын бiр түрден басқа түрге ауыстыру, табиғи және (немесе) техногендiк сипаттағы төтенше жағдайлардың салдарынан оның ерекше құндылығы мен бiрегейлiгi сипатының iшiнара немесе толық жоғалуына байланысты жүргiзiледi.

• 1) республикалық маңызы бар ерекше қорғалатын табиғи аумақтар бойынша - уәкiлеттi органның ұсынуы бойынша Қазақстан Республикасының Үкiметi;
• 2) жергiлiктi маңызы бар ерекше қорғалатын табиғи аумақтар бойынша - уәкiлеттi органмен келiсе отырып, облыстардың, республикалық маңызы бар қаланың, астананың жергілікті атқарушы органы қабылдайды.