Бап 47 Об особо охраняемых природных территориях

Тармақ 1. Шектеулi шаруашылық қызметi аймағында мемлекеттiк ұлттық табиғи парктер мынадай қызмет түрлерiне рұқсат етедi:

• 1) жанама орман пайдалану (шектеулi мал жаю, марал өсiру, шөп шабу, саңырауқұлақтарды, жемiстер мен жидектердi әуесқойлық мақсатта жинау, бақ шаруашылығы);
• 2) шектеулi дәстүрлi пайдалану алаңдарында ағаш және бұта тұқымдарының екпе материалдарын, дәрi-дәрмектiк шөптер және басқа да өсiмдiктер өсiру;
• 3) өтпелi ағаш кесудi қоспағанда, санитарлық мақсатта ағаш кесудi, күтiм жасау мақсатында ағаш кесудi жүргiзу және бұл ретте алынған сүректi өңдеу;
• 4) кәдесыйлар, шағын және халықтық кәсiпшiлiктер өнiмдерiн өндiру;
• 5) балық шабақтарын және тауарлы балықты өсiру;
• 6) көшпелі және стационарлық омарталар пайдаланыла отырып, бал ара шаруашылығы;
• 7-1) жануарлар дүниесін ортақ пайдалану;
• 8) әуесқойлық (спорттық) балық аулау;
• 9) мелиорациялық аулау;
• 10) ғылыми-зерттеу мақсатында аулау;
• 11) өсімін молайту мақсатында аулау.

Тармақ 2. Мемлекеттiк ұлттық табиғи парктердiң шектеулi шаруашылық қызметi мемлекеттiк табиғи-қорық қорының объектiлерiн сақтау мен қалпына келтiрудi ескере отырып және өздерiнiң қарауындағы мемлекеттiк органдардың тиiстi рұқсаттары бойынша жүзеге асырылады.