Тармақ 1. Жобалау компаниясы үлескердiң салынған тұрғын үйдегі (тұрғын жайдағы) үлесiн оған шартта көзделген мерзiмiнен кешiктiрмей беруге мiндеттi.
Тармақ 2. Жобалау компаниясы үлескерге оның тұрғын үйдегі (тұрғын жайдағы) үлесiн берудi өзi тұрғын жайды пайдалануға беруге рұқсат алғаннан ерте жүзеге асырылмайды.
Тармақ 3. Бүкiл тұрғын жайды пайдалануға беруге рұқсат алғаннан кейiн жобалау компаниясы тиiстi үлескерлерге тұрғын үйдегі (тұрғын жайдағы) үлестерiн беру жөнiндегi мiндеттемелерiн мерзiмiнен бұрын орындауға құқылы.
Тармақ 4. Жобалау компаниясынан құрылыстың аяқталғаны және тұрғын үйдегі (тұрғын жайдағы) үлестi беруге дайын екендiгi туралы жазбаша хабарлама алған үлескер оны шартта көзделген мерзiмде немесе егер, мұндай мерзiм белгiленбесе, аталған хабарлама алынған күннен бастап жетi жұмыс күнi iшiнде қабылдауға кiрiсуге мiндеттi.
Тармақ 5. Үлескер оған өзінің тұрғын үйдегі (тұрғын жайдағы) үлесiн беру туралы актiге қол қойылғанға дейiн жобалау компаниясынан өзінің тұрғын үйдегі (тұрғын жайдағы) үлесiнiң осы Заңда немесе шартта аталған талаптарға сәйкес келмейтiндiгiн беру актiсiнде көрсетудi талап етуге, не беру актiсiне қол қоюдан бас тартуға құқылы. Бұл ретте жобалау компаниясы осы мәлiметтердi беру актiсiне енгiзуге мiндеттi.
Тармақ 6. Егер, шартта өзгеше көзделмесе, үлескер осы баптың 4-тармағында көзделген мерзiмде тұрғын үйдегі (тұрғын жайдағы) өз үлесiн қабылдаудан жалтарған немесе үлескер оны қабылдаудан бас тартқан жағдайда (осы баптың 5-тармағында аталған жағдайды қоспағанда), жобалау компаниясы тұрғын үйдегі (тұрғын жайдағы) тиiстi үлестi беру үшiн шартта көзделген күннен бастап он төрт жұмыс күнi өткеннен кейiн шартты бұзуға құқылы.