"Инвестициялық қорлар туралы" 2004 жылғы 7 шiлдедегi Қазақстан Республикасының Заңына (Қазақстан Республикасы Парламентiнiң Жаршысы, 2004 ж., N 16, 90-құжат): 1) 1-бап мынадай мазмұндағы 20) тармақшамен толықтырылсын: "20) жылжымайтын мүлiк қоры - қызметiнiң айрықша түрi осы Заңда белгiленген талаптарға және өзiнiң инвестициялық декларациясына сәйкес, осы қоғамның акционерлерi оның акцияларын төлеу үшiн қосқан ақшаны, сондай-ақ осындай инвестициялау нәтижесiнде алынған активтердi жылжымайтын мүлiкке және осы Заңмен өзге де рұқсат берiлген мүлiкке жинақтау мен инвестициялау болып табылатын акционерлiк инвестициялық қор.";
- 2) 4-бапта: мынадай мазмұндағы 1-1-тармақпен толықтырылсын: "1-1. Жылжымайтын мүлiк қоры оның акцияларын ұстаушысына жылына кемiнде бiр рет акциялар бойынша дивидендтер алуға құқық бередi. Дивидендтердi төлеуге жiберiлетiн ақшаның ең аз мөлшерi қордың таза кiрiсiнiң кемiнде тоқсан процентiн құрауға тиiс."; 6-тармақ мынадай мазмұндағы екiншi сөйлеммен толықтырылсын: "Жылжымайтын мүлiк қоры тәуекелмен инвестицияланатын қорлар бола алмайды.";
- 3) 5-бап мынадай мазмұндағы 1-1-тармақпен толықтырылсын: "1-1. Жылжымайтын мүлiк қоры болып әрекет ететiн акционерлiк инвестициялық қордың атауында "жылжымайтын мүлiк қоры" деген сөздер болуға тиiс.";
- 4) 9-баптың 1-тармағы мынадай мазмұндағы екiншi, үшiншi және төртiншi бөлiктермен толықтырылсын: "Осы баптың 1-тармағының 3) тармақшасында белгiленген тыйым салу тәуекелмен инвестицияланатын акционерлiк инвестициялық қорларға және жылжымайтын мүлiк қорларына қолданылмайды. Негiзгi қызмет түрi жылжымайтын мүлiк қорларының активтерi есебiнен сатып алынған жылжымайтын мүлiкке қызмет көрсету болып табылатын жылжымайтын мүлiк қорлары еншiлес ұйымдар құруға құқылы. Жылжымайтын мүлiк қорлары қордың активтерi есебiнен сатып алынған жылжымайтын мүлiктi жалға беруге құқылы.";
- 5) 37-бапта: 2-тармақтың бiрiншi бөлiгi "Акционерлiк" деген сөзден кейiн "(жылжымайтын мүлiк қорларынан басқа)" деген сөздермен толықтырылсын; мынадай мазмұндағы 2-1-тармақпен толықтырылсын: "2-1. Жылжымайтын мүлiк қорларының активтерiн: 1) үйлер мен ғимараттар, сондай-ақ осы үйлер мен ғимараттар орналасқан жер учаскелерi; 2) үйлер мен ғимараттарға қызмет көрсетуге қажеттi өндiрiстiк құрал-саймандар мен негiзгі құралдар; 3) тiзбесiн уәкiлеттi орган белгiлейтiн ақша және қаржы құралдары құрайды. Жылжымайтын мүлiк қорлары активтерiнiң құрамында жылжымайтын мүлiктiң салынып жатқан және қайта жаңартылып жатқан объектiлерi, жобалық-сметалық құжаттама болмауға тиiс. Жылжымайтын мүлiк қорының активтерiн мүлiкке инвестициялау кезiнде (бағалы қағаздар мен ақшаны қоспағанда) тәуелсiз бағалаушы мiндеттi түрде оны бағалауға тиiс."; 3-тармақтың бiрiншi бөлiгi "Акционерлiк" деген сөз "Жылжымайтын мүлiк қорларын қоспағанда, акционерлiк" деген сөздермен ауыстырылсын; мынадай мазмұндағы 3-1 және 3-2-тармақтармен толықтырылсын: "3-1. Жылжымайтын мүлiк қорының таза активтерi құнының кемiнде сексен процентiн жылжымайтын мүлiк құрауға тиiс. Жылжымайтын мүлiк қоры активтерiнiң құрамына кiретiн мүлiк сақтандырылуға және (немесе) жылжымайтын мүлiк қоры осы активтердiң мөлшерiндей резервтiк қор құруға тиiс. 3-2. Жылжымайтын мүлiк қорының инвестициялық кiрiсiнiң кемiнде елу процентiн жылжымайтын мүлiктi жалға беру нәтижесiнде алынған кiрiстер құрауға тиiс."; мынадай мазмұндағы 5-1-тармақпен толықтырылсын: "5-1. Жылжымайтын мүлiк қоры активтерiнiң құрамы жылжымайтын мүлiк қоры акцияларының шығарылымы тiркелген күннен бастап он екi ай iшiнде осы баптың талаптарына сәйкес келтiрiлуге тиiс. Егер жылжымайтын мүлiк қорының активтерiмен қандай да бiр мәмiлелердi жүзеге асыру нәтижесiнде жылжымайтын мүлiк қоры активтерiнiң құрамына қойылатын талаптар және (немесе) шектеулер бұзылған жағдайда, жылжымайтын мүлiк қоры осындай оқиға болған күннен кейiнгi бiр күн iшiнде уәкiлеттi органды хабардар етуге және активтердiң құрамын жылжымайтын мүлiк қоры активтерiнiң құрамына осындай өзгерiстер болған күннен бастап алты ай iшiнде осы баптың талаптарына сәйкес келтiруге мiндеттi."; 7-тармақтың 1) тармақшасы "пай қоры" деген сөздерден кейiн "не жылжымайтын мүлiк қоры" деген сөздермен толықтырылсын;
- 6) 39-баптың 1-тармағының 6) тармақшасындағы "нұсқаулар болуға тиiс." деген сөздер "нұсқаулар;" деген сөзбен ауыстырылып, тармақ мынадай мазмұндағы 7) тармақшамен толықтырылсын: "7) жылжымайтын мүлiк қоры үшiн - қордың активтерiн мүлiкке инвестициялау кезiнде туындайтын тәуекелдердiң сипаттамасы, сондай-ақ оларды азайтуға бағытталған iс-шаралар болуға тиiс.";
- 7) 41-бапта: 1-тармақ мынадай мазмұндағы екiншi бөлiкпен толықтырылсын: "Осы баптың 2-тармағының төртiншi бөлiгiнде көзделген шарттар сақталған жағдайда, осы тармақтың 6) тармақшасының талабы жылжымайтын мүлiк қорларына қолданылмайды."; 2-тармақ мынадай мазмұндағы төртiншi бөлiкпен толықтырылсын: "Жылжымайтын мүлiк қоры активтерiнiң есебiнен өтелуге жататын қарыздың кез келген түрi бойынша берешектiң жиынтық көлемi жылжымайтын мүлiк қорының активтерi құнының алпыс процентiнен аспауға тиiс.".