"Темекi өнiмдерiнiң өндiрiлуi мен айналымын мемлекеттiк реттеу туралы" 2003 жылғы 12 маусымдағы Қазақстан Республикасының Заңына (Қазақстан Республикасы Парламентiнiң Жаршысы, 2003 ж., N 12, 88-құжат; 2004 ж., N 23, 142-құжат):
- 1) 1-бапта: 1) тармақшадағы "акциздiк алым маркасы" деген сөздер "акциз маркасы" деген сөздермен ауыстырылсын;
- 2) мынадай мазмұндағы 1-1), 1-2), 1-3), 1-4) және 1-5) тармақшалармен толықтырылсын: "1-1) есепке алу-бақылау маркасы - темекi өнiмдерiн есепке алу және олардың айналымын бақылауды жүзеге асыру мақсатында темекi өнiмдерiн бiрдейлендiруге арналған қажеттi қорғау дәрежелерi бар арнаулы бiржолғы жапсырма қағаз; 1-2) бiрдейлендiру - белгiлi бiр өнiмдi өндiру, айналымға шығару (айналысы), пайдалану саласында оны өзiне ұқсас өнiмнiң арасында айырым белгілерi бойынша ауыстырмай тануды қамтамасыз ететiн рәсiм; 1-3) таңбалау - тұтынушыға арналған ақпаратты құрайтын және қорабы мен орамындағы мәтiн, шартты белгi және суреттер; 1-4) қорап - картоннан немесе қағаздан немесе өзге де материалдан жасалған, темекi өнiмiнiң белгiлi саны бар тұтыну ыдысының бiрлiгi; 1-5) орам - белгiлi қорап саны бар топтап тұтыну ыдысының бiрлiгi;";
- 7) тармақша мынадай редакцияда жазылсын: "7) темекi өнiмдерi - никотинi бар фармацевтикалық өнiмдi қоспағанда, тұтыну ыдысына салынған және түпкiлiктi тұтынуға арналған, құрамында темекi бар кез келген өнiмдер;";
- 4) мынадай мазмұндағы 7-1) және 7-2) тармақшалармен толықтырылсын: "7-1) фильтрлi сигареттер - кесiлген темекiден жасалған, фильтр қолданыла отырып, сигарет қағазымен оралған, шегуге арналған темекi өнiмдерiнiң бiр түрi; 7-2) фильтрсiз сигареттер - кесiлген темекiден жасалған, фильтрдiң қолданылуынсыз сигарет қағазымен оралған, шегуге арналған темекi өнiмдерiнiң бiр түрi;";
- 2) 3-баптың 2-тармағының 3) тармақшасындағы "жасауды қамтиды." деген сөздер "жасауды;" деген сөзбен ауыстырылып, мынадай мазмұндағы 4) тармақшамен толықтырылсын: "4) фильтрлі сигареттерге ең төменгi бөлшек сауда бағаларын белгiлеудi қамтиды.";
- 3) 4-бап мынадай мазмұндағы 4-1) және 4-2) тармақшалармен толықтырылсын: "4-1) темекi өнiмдерiн акциз маркаларымен немесе есепке алу-бақылау маркаларымен таңбалаудың тәртiбiн белгiлейдi; 4-2) фильтрлi сигареттерге ең төменгi бөлшек сауда бағаларын белгiлейдi;";
- 4) 10-баптың 1-тармағының 5) тармақшасындағы "акциздiк алым маркаларымен маркалау" деген сөздер "акциз маркаларымен немесе есепке алу-бақылау маркаларымен таңбалау" деген сөздермен ауыстырылсын;
- 5) 13-баптың 2-тармағындағы "акциздiк алым маркаларынсыз" деген сөздер "акциз маркаларынсыз немесе есепке алу-бақылау маркаларынсыз" деген сөздермен ауыстырылсын.