Бап 19 О культуре

Тармақ 1. Мәдениет ұйымдары мәдениет саласындағы өз қызметін Қазақстан Республикасының заңнамасына сәйкес жүзеге асырады.

Тармақ 2. Мәдениет ұйымдарын құру, қайта ұйымдастыру және тарату Қазақстан Республикасының азаматтық заңнамасында белгіленген тәртіппен жүргізіледі.

Тармақ 3. Мәдениет ұйымдары қызметінің түрлерін өз құрылтайшылары айқындайды және олардың жарғыларында көрсетіледі.

Тармақ 4. Мәдениет ұйымдары мемлекеттік және мемлекеттік емес болуы мүмкін.

Тармақ 5. Мәдениет ұйымдарына мыналар жатады:

• 1) концерттік ұйымдар (филармониялар);
• 2) кинематографиялық ұйымдар;
• 3) кітапханалар;
• 4) мәдени-демалыс ұйымдары;
• 5) көркемөнер галереялары (салондар);
• 6) шеберханалар;
• 7) мәдени-тарихи орталықтар;
• 8) тарихи-мәдени мұра объектілерін қорғау және пайдалану жөніндегі ұйымдар;
• 9) Қазақстан Республикасының шет елдегі мәдениет орталықтары;
• 10) мәдениет саласындағы зерттеу орталықтары (зерттеу институттары);
• 11) реставрациялау орталықтары;
• 12) музей-қорықтар;
• 13) Қазақстан Республикасының Ұлттық мемлекеттік кітап палатасы;
• 14) мәдениет саласындағы қызметті жүзеге асыратын басқа да мәдениет ұйымдары.

Тармақ 6. Мәдениетті дамыту үшін Қазақстан Республикасының заңнамасына сәйкес өз қызметін жүзеге асыратын мәдениетті дамыту қорлары құрылуы мүмкін.

Тармақ 7. Мәдениет ұйымдары өздерінің қорларындағы мәдени құндылықтар туралы ақпаратты, сондай-ақ ағымдағы репертуардан алып тасталған театрлық қойылымдардың және (немесе) шығармашылық бағдарламалардың дыбыс-бейне жазбаларын электрондық ақпараттық ресурстарда орналастыру үшін жағдай жасайды.

Тармақ 8. Мәдениет ұйымдары мемлекеттік шығармашылық тапсырысты іске асыру бойынша көрсетілетін қызметтерді ұсынуға құқылы.