Бап 24-3 О культуре

Тармақ 1. Қазақстанның ұлттық электрондық кітапханасы Қазақстан халқының мәдени мұрасын сақтау мақсатында құрылады.

Тармақ 2. Қазақстанның ұлттық электрондық кітапханасының міндеттері:

• 1) Қазақстанның ұлттық электрондық кітапханасына енгізу үшін құжаттарды іріктеу;
• 2) Қазақстанның ұлттық электрондық кітапханасының кітапханалар қорларында бар объектілерінің жиынтығын қалыптастыру;
• 3) пайдаланушылардың Қазақстанның ұлттық электрондық кітапханасы объектілеріне қолжетімділігін қамтамасыз ету болып табылады.

Тармақ 3. Авторлық құқықтың сақталуын қамтамасыз ететін шарттар негізінде жасалған:

• 1) мерзімді басылымдардың міндетті тегін даналарын қоспағанда, баспа өнімінің;
• 2) жеке алғанда немесе коллекцияда ерекше құндылығы бар (тарихи, көркем, ғылыми, әдеби) сирек кездесетін кітаптар мен қолжазбалардың, құжаттар мен басылымдардың;
• 3) мемлекеттік бағдарламалар шеңберінде шығарылған қоғамдық маңызы бар әдебиеттер мен басылымдардың;
• 4) басылымның міндетті тегін даналарының;
• 5) ғылыми-зерттеу жұмыстары есептерінің, авторефераттардың, диссертациялардың;
• 6) өлкетану әдебиеттерінің;
• 7) зағип және нашар көретін азаматтарға арналған арнайы басылымдардың;
• 8) Қазақстан Республикасының авторлық құқық және сабақтас құқықтар туралы заңнамасымен қорғалатын құжаттардың электрондық нысандағы көшірмелері Қазақстан ұлттық электрондық кітапханасы қорының объектілері болып табылады.

Тармақ 4. Қазақстанның ұлттық электрондық кітапханасының қорларына – Қазақстан кітапханаларының жиынтық электрондық каталогы және бірыңғай электрондық оқырман билеті арқылы, Қазақстан Республикасының авторлық құқық және сабақтас құқықтар туралы заңнамасымен қорғалатын құжаттарға биллинг жүйесі қолданыла отырып қолжетімділікті қамтамасыз ету жүзеге асырылады.