Бап 4 О ратификации Соглашения между Правительством РК и Правительством Грузии о международном автомобильном сообщении

Тармақ 1. Тұрақты жолаушылар мен багаж тасымалдары рұқсаттар негізінде жүзеге асырылады.

Тармақ 2. Тұрақты жолаушылар мен багаждың транзиттік тасымалдарына рұқсат талап етілмейді.

Тармақ 3. Тұрақты жолаушылар тасымалдарына рұқсаттар, тасымалдаушы өзі тіркелген елдің құзыретті органына елдің қолданыстағы ұлттық заңнамасына сәйкес құжаттарды және мынадай құжаттарды қоса бере отырып жіберетін өтінім негізінде беріледі:

• 1) а) тұрақты бағыт схемалары;
• 2) b) тұрақты бағыт бойынша автобус(тар) қозғалысының кестелерін мыналарды көрсете отырып;
• 3) b-а) бастапқы, аралық және соңғы аялдама пункттерін, сондай-ақ автобустың(тардың) жүру бағыты бойынша мемлекет шекарасындағы автомобильдік өткізу пункттерін;
• 4) b-b) аялдама пункттері мен Тараптар мемлекеттерінің шекаралары арқылы өтетін автомобильдік өткізу пункттері бойынша автобустың(тардың) келетін, тұратын және жөнелтілетін уақыттарын;
• 5) b-с) тура бағыттағы тұрақты бағыттың бастапқы пункттен соңғы пунктке дейінгі ара қашықтығын;
• 6) b-d) тасымалдаушы орындайтын рейстердің мерзімділігі мен тұрақтылығын;
• 7) b-е) тасымалдаушылардың құрылтайшылары мемлекеттерінің ұлттық валютасындағы жолаушылар тасымалына арналған тарифтерді.

Тармақ 4. Өтінім қанағаттандырылған жағдайда Тараптардың бірінің құзыретті органы 10 күн мерзімде екінші Тараптың құзыретті органына тиісті рұқсат беру құжаттарын жібереді.

Тармақ 5. Егер мұндай рұқсат беру Тараптардың бірі мемлекетінің ұлттық заңнамасына қайшы келген жағдайда, 10 күн мерзімде өтінім берушіге рұқсат беруден жазбаша нысанда бас тартылуы мүмкін.

Тармақ 6. Қызмет көрсетуге сұраныс болмаған немесе жеткіліксіз болған жағдайда тасымалдаушы өз мемлекетінің құзыретті органына қызметі аяқталғанға дейін бір ай бұрын тасымалдарды тоқтату туралы жазбаша түрде хабарлайды.

Тармақ 7. Тасымалдауды жүзеге асырудан бас тартқан тасымалдаушының құрылтайшы мемлекетінің құзыретті органы бір ай ішінде екінші Тараптың құзыретті органына тиісті ақпарат береді.

Тармақ 8. Рұқсат дербес болып табылады және оны басқа тасымалдаушыға немесе үшінші тарапқа беруге тыйым салынады.