Тармақ 1. Білікке түсетін жүктеме мен көлемді қоса алғандағы көлік құралының салмағы көлік құралының ресми тіркелген көрсеткішіне сәйкес болуы тиіс және қабылдаушы Тараптың ұлттық заңнамасында көзделген шектеулерден аспауы тиіс.
Тармақ 2. Қабылдаушы Тараптың ұлттық заңнамасында көзделген салмақтық және/немесе көлемдік шектеулерден асқан жағдайда, тасымалдаушыда осы Тараптың тиісті ведомствосы берген арнайы рұқсат немесе ұсыным болуы қажет.
Тармақ 3. Егер осы баптың 2-тармағында көрсетілген арнайы рұқсат белгілі бір маршрут бойынша автокөлік құралының жүруін көздесе, тасымалдау осы маршрут бойынша жүзеге асырылуға тиіс.