2007 жылғы 15 мамырдағы Қазақстан Республикасының Еңбек кодексіне (Қазақстан Республикасы Парламентінің Жаршысы, 2007 ж., N 9, 65-құжат; N 19, 147-құжат; N 20, 152-құжат):
- 1) мазмұнындағы "ақылы демалыс" деген сөздер "демалыс" деген сөзбен ауыстырылсын;
- 2) 15-баптың 6) тармақшасы мынадай редакцияда жазылсын: "6) еңбекке уақытша қабілетсіздігі бойынша әлеуметтік жәрдемақының мөлшерін, оны тағайындау және төлеу тәртібін айқындайды;";
- 3) 50-баптың 3-тармағындағы "жүктілігі мен босануына байланысты берілетін жәрдемақыларды қоспағанда," деген сөздер алып тасталсын;
- 4) 113-бапта: 1-тармақтың 1), 2) тармақшаларындағы "ақылы" деген сөз алып тасталсын;
- 5) 3-тармақ алып тасталсын;
- 5) 159-бапта: тақырыптағы "жәрдемақылар" деген сөз "жәрдемақы" деген сөзбен ауыстырылсын;
- 7) 1-тармақта: "жәрдемақылар" деген сөз "жәрдемақы" деген сөзбен ауыстырылсын;
- 8) ", жүктілікке және босануға байланысты, жаңа туған баланы асырап алған әйелдерге (еркектерге) демалыста болу уақыты үшін" деген сөздер алып тасталсын;
- 6) 193, 194-баптарда: тақырыптардағы "ақылы" деген сөз алып тасталсын;
- 10) мәтіндердегі "ақылы" деген сөз алып тасталсын;
- 7) 317-баптың 1-тармағының 6) тармақшасы мынадай редакцияда жазылсын: "6) қызметкерлерге қажетті санитарлық-гигиеналық жағдайлар жасауға, қызметкерлердің арнаулы киімі мен аяқ киімін беруді және жөндеуді, еңбек жөніндегі уәкілетті мемлекеттік орган белгілеген нормаларға сәйкес қызметкерлерді профилактикалық өңдеу, жуу және зарарсыздандыру құралдарымен, медициналық қобдишамен, сүтпен, емдеу-профилактикалық тағамдармен жабдықтауды қамтамасыз етуге;";
- 8) 328-бап мынадай мазмұндағы 5-тармақпен толықтырылсын: "5. Өңірлік қаржы орталығы қатысушыларының Қазақстан Республикасының еңбек туралы заңнамасын сақтауына мемлекеттік бақылауды Алматы қаласы өңірлік қаржы орталығының қызметін реттеу жөніндегі уәкілетті мемлекеттік орган жүзеге асырады. Алматы қаласы өңірлік қаржы орталығының қызметін реттеу жөніндегі уәкілетті мемлекеттік орган: 1) еңбек жөніндегі уәкілетті мемлекеттік органды Қазақстан Республикасы еңбек заңнамасының бұзылу фактілері туралы өз құзыреті шегінде хабардар етуге; 2) Қазақстан Республикасы еңбек заңнамасы талаптарының орындалу жай-күйі туралы ақпаратты еңбек жөніндегі уәкілетті мемлекеттік орган белгілеген нысанға сәйкес еңбек жөніндегі уәкілетті мемлекеттік органға тоқсан сайын беріп отыруға міндетті.".