Осы баптың үшінші бөлігінде көзделген іс-әрекеттерді (әрекетсіздікті) қоспағанда, жұмыс берушінің немесе лауазымды адамның Қазақстан Республикасының еңбек заңнамасын бұзуы - айлық есептік көрсеткіштің оннан отызға дейінгі мөлшерінде айыппұл салуға әкеп соғады. 2. Осы баптың бірінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекет (әрекетсіздік) - айлық есептік көрсеткіштің жүзден екі жүзге дейінгі мөлшерінде айыппұл салуға әкеп соғады. 3. Жұмыс берушінің жалақыны толық көлемде және Қазақстан Республикасының еңбек заңнамасында белгіленген мерзімдерде төлемеуі, сол сияқты төлемді кідірту кезеңіне өсімақыны есептемеуі және төлемеуі - айлық есептік көрсеткіштің жиырмадан елуге дейінгі мөлшерінде айыппұл салуға әкеп соғады. 4. Осы баптың үшінші бөлігінде көзделген, әкімшілік жаза қолданылғаннан кейін бір жыл ішінде қайталап жасалған іс-әрекет (әрекетсіздік) - айлық есептік көрсеткіштің жүзден екі жүзге дейінгі мөлшерінде айыппұл салуға әкеп соғады. Ескертулер. 1. Осы Кодексте жұмыс беруші деп басшысы (әкімшілігі) өкілдік ететін заңды тұлға не қызметкермен еңбек қатынастарында тұратын жеке тұлға танылады. 2. Егер атқарушы органдардың және өзге де ұйымдардың басшылары басқаратын ұйымдар жалақыны төлеуге қаражат беруді (аударуды) кідіртсе, оларды осы баптың бірінші және екінші бөліктерінде аталған лауазымды адамдар деп түсіну керек.";
- 2) 89-баптың бірінші және үшінші бөліктеріндегі "еңбек қауіпсіздігі мен еңбекті қорғау туралы заңнаманы", "еңбек қауіпсіздігі мен еңбекті қорғау туралы заңнаманың" деген сөздер "Қазақстан Республикасының еңбек заңнамасын", "Қазақстан Республикасының еңбек заңнамасының" деген сөздермен ауыстырылсын;
- 3) 90-баптың екінші абзацындағы "бестен жиырмаға дейінгі" деген сөздер "екі жүзден бес жүзге дейінгі" деген сөздермен ауыстырылсын;
- 4) 91-баптың екінші абзацындағы "оннан жиырма беске дейінгі" деген сөздер "екі жүзден бес жүзге дейінгі" деген сөздермен ауыстырылсын;
- 5) 92-баптың екінші абзацындағы "оннан жиырма беске дейінгі" деген сөздер "екі жүзден бес жүзге дейінгі" деген сөздермен ауыстырылсын;
- 6) 93-баптың екінші абзацындағы "бестен онға дейінгі" деген сөздер "елуден жүзге дейінгі" деген сөздермен ауыстырылсын.