Осы Келісім белгіленбеген мерзімге жасалады және Тараптардың оның күшіне енуі үшін қажетті мемлекетішілік рәсімдерді орындағаны туралы дипломатиялық арналар бойынша соңғы жазбаша хабарлама алынған күннен бастап отызыншы күні күшіне енеді. 2. Осы Келісім Тараптардың бірі өзінің осы Келісімнің қолданысын тоқтату ниеті туралы екінші Тарапқа жазбаша хабарлаған күннен бастап алты ай өткенге дейін күшінде қалады. Осыны растау үшін, өз Тараптары осыған тиісті түрде өкілеттік берген төменде қол қоюшылар, осы Келісімге қол қойды. 2006 жылғы 22 қарашада Лондон қаласында, әрқайсысы қазақ, ағылшын және орыс тілдерінде екі данада жасалды әрі барлық мәтіндердің күші бірдей. Осы Келісімнің ережелерін түсіндіру кезінде келіспеушіліктер туындаған жағдайда Тараптар ағылшын тіліндегі мәтінге жүгінетін болады.