Тармақ 1. Осы Келісім Тараптар бір-бірін дипломатиялық арналар арқылы жазбаша нысанда Келісімнің олардың елдерінде күшіне енуі үшін қажетті мемлекетішілік рәсімдерді орындағаны туралы хабарлаған күннен бастап екінші айдың бірінші күні күшіне енеді. 2. Тараптар кез-келген уақытта екінші Тарапқа өзінің Келісімнің қолданылуын тоқтату ниеті туралы осыған дейін алты ай бұрын, жазбаша хабарлама жібере отырып, оның қолданылуын тоқтата алады. 2006 жылғы 5 желтоқсанда Брюссель қаласында әрқайсысы ағылшын, голланд, қазақ, орыс және француз тілдерінде екі түпнұсқа данада жасалды. Осы Келісімнің ережелерін түсіндіруде келіспеушіліктер туындаған жағдайда Тараптар ағылшын тіліндегі мәтінге жүгінетін болады. Осыны куәландыру үшін осыған тиісті түрде өкілеттік ала отырып, төменде қол қоюшылар осы Келісімге қол қойды.