Бап 15 О безопасности химической продукции

Тармақ 1. Химиялық өнімді нарықта орналастыру үшін беретін өтінім беруші (өндіруші, өнім беруші, импорттаушы) оған қауіпсіздік паспортын қоса беруге міндетті.

Тармақ 2. Химиялық өнімнің қауіпсіздік паспортында химиялық өнім туралы мынадай ақпарат болуға тиіс:

• 1) химиялық өнімнің (заттың, препараттың және өндірушінің) айқындамасы;
• 2) қатердің (қатерлердің) айқындамасы;
• 3) құрамы, химиялық заттар туралы ақпарат;
• 4) алғашқы көмек көрсету шаралары;
• 5) өртке қарсы шаралар;
• 6) төтенше жағдайлар кезіндегі шаралар;
• 7) айналысы және сақталуы;
• 8) сәулеленуден қорғау, жеке қорғану;
• 9) физикалық және химиялық қасиеттері;
• 10) тұрақтылық және реактивтілік;
• 11) уыттылық туралы ақпарат;
• 12) экологиялық ақпарат;
• 13) қалдықтарды меңгеру;
• 14) тасымалдау туралы ақпарат;
• 15) химиялық өнімнің қауіпсіздігі саласындағы техникалық регламенттерде белгіленген химиялық өнімнің жекелеген түрлері туралы ақпарат.

Тармақ 3. Тұтынушының сұратуы бойынша оған химиялық өнім және оның адамның өмірі мен денсаулығына, қоршаған ортаға қауіпті қасиеттерінің әсерінен қорғану шаралары туралы қосымша ақпарат беріледі.

Тармақ 4. Химиялық өнімге ілеспе құжаттарда қауіптілік қатерін азайту үшін жіктеме және алдын ала сақтық шаралары туралы ақпарат болуға тиіс.