2007 жылғы 15 мамырдағы Қазақстан Республикасының Еңбек кодексіне (Қазақстан Республикасы Парламентінің Жаршысы, 2007 ж., N 9, 65-құжат): 1) 30-баптың 2-тармағының 1) тармақшасында: "жалпы білім беретін оқу орнында орта білім" деген сөздер "орта білім беру ұйымында негізгі орта, жалпы орта білім" деген сөздермен ауыстырылсын;
- 2) 36-баптың 5-тармағының үшінші абзацындағы "орта және жоғары кәсіптік білім беру мекемелерін" деген сөздер "орта білімнен кейінгі және жоғары білім беру ұйымын" деген сөздермен ауыстырылсын;
- 3) 140-баптың 2-тармағының 2) тармақшасында: "бастауыш, орта" деген сөздер "техникалық және кәсіптік, орта білімнен кейінгі" деген сөздермен ауыстырылсын; "кәсіптік" деген сөз алып тасталсын;
- 4) 182-баптың 3-тармағындағы "Жалпы білім беру ұйымдарын және бастауыш кәсіптік білім берудің білім беру ұйымдарын" деген сөздер "Орта, техникалық және кәсіптік білім беру ұйымдарын" деген сөздермен ауыстырылсын;
- 5) 322-баптың 1-тармағының 1) тармақшасы мынадай редакцияда жазылсын: "1) техникалық және кәсіптік, орта оқу орнынан кейінгі, жоғары және жоғары оқу орнынан кейінгі білім берудің білім беру бағдарламаларын іске асыратын оқу орындарында оқитын, кәсіптік практикадан өтіп жүрген адамдардың;".