Бап 1 — О ратификации Соглашения между Правительством РК и Секретариатом Совещания по взаимодействию и мерам доверия в Азии об условиях пребывания Секретариата на территории РК

Тармақ 2. Осы Келісімнің мақсаттары үшін төменде келтірілетін анықтамалар мыналарды білдіреді:

1) (а) "Үкімет" - Қазақстан Республикасының Үкіметі;
2) (b) "Кеңес" - Азиядағы өзара іс-қимыл және сенім шаралары жөніндегі кеңес;
3) (с) "Хатшылық" - Кеңес Хатшылығы;
4) (d) "Кеңестің штаб-пәтері" - Үкімет Кеңеске беретін Хатшылықтың үй-жайлары (меншік құқығы кімге тиесілі екеніне қарамастан, осы ғимаратқа немесе ғимараттың бір бөлігіне қызмет көрсететін жер учаскесін қоса алғанда, қабылдаушы тараптағы ғимараттар немесе ғимараттардың бір бөлігі);
5) (е) "мүше мемлекет" - Кеңеске мүше мемлекет;
6) (f) "қабылдаушы тарап" - Қазақстан Республикасы;
7) (g) "Бас хатшы" - Кеңестің бас лауазымды адамы;
8) (һ) "кәсіби персонал мүшелері" - Бас хатшы мен Бас хатшының орынбасарынан басқа мүше мемлекеттер Хатшылыққа жұмысқа жіберілетін адамдар;
9) (і) "жалпы/көмекші персонал мүшелері" - белгілі бір қызметтерді көрсету үшін уақытша жалданғандарды қоспағанда, мүше мемлекеттердің азаматтары арасынан келісімшарттық негізде Хатшылыққа жұмысқа қабылданған адамдар;
10) (j) "Хатшылықтың персонал мүшелері" - Бас хатшы, Бас хатшының орынбасары, кәсіби персонал мүшелері және жалпы/көмекші персонал мүшелері;
11) (k) "отбасы мүшелері" - қабылдаушы тарап аумағында Хатшылықтың персонал мүшесімен тұрақты түрде бірге тұратын отбасы мүшелері (жұбайы/зайыбы, ата-анасы және 18 жасқа дейінгі балалары).