Тармақ 1. Тараптар мемлекеттерінің азаматтары осы Келісім ұғымында мынадай құжаттар бойынша Тараптар мемлекеттерінің аумақтарына келе алады, кете алады, жүре алады және транзитпен өте алады:
- 1) а) Қазақстан Республикасының азаматтары үшін: дипломаттық паспорт; қызметтік паспорт; Қазақстан Республикасы азаматының паспорты; теңізшінің паспорты (кеме журналында жазба немесе одан көшірме болған жағдайда); Қазақстан Республикасына қайта оралуына арналған куәлік (Қазақстан Республикасына қайта оралу үшін ғана);
- 2) б) Армения Республикасының азаматтары үшін: дипломаттық паспорт; Армения Республикасы азаматының паспорты (шет мемлекеттерде жарамдылық мерзімі туралы белгісі бар); Армения Республикасына қайта оралуына арналған куәлік (Армения Республикасына қайта оралу үшін ғана).
Тармақ 2. Тараптар шетелге жол жүру үшін жарамды жаңа құжаттардың енгізілуі туралы, сондай-ақ бұрыннан бар құжаттарға өзгерістер енгізу туралы бір-біріне дипломатиялық арналар арқылы ноталар алмасу жолымен алдын ала хабарлайтын болады және олардың үлгілерімен алмасады.