Тармақ 1. Жіберуші Тараптың әскери корабльдер мен қосалқы кемелерінің қабылдаушы Тараптың аумақтық теңізіне, ішкі сулары мен ішкі су жолдарына кіруі Тараптар қатысушысы болып табылатын халықаралық шарттарға және қабылдаушы Тараптың заңнамасына сәйкес жүзеге асырылады.
Тармақ 2. Қабылдаушы Тараптың жіберуші Тараптың әскери корабльдері мен қосалқы кемелеріне лоцмандық жол көрсетуді, буксирлерді, порттық қызметтерді ұсынуы Тараптардың құзыретті органдары арасындағы келісім бойынша жүзеге асырылады.
Тармақ 3. Төтенше жағдайлар (табиғи апаттар, ұшудың қолайсыз метеорологиялық жағдайы, әуе кораблінің немесе қосалқы кеменің бортындағы ақау және т.б.) туындаған кезде Тараптардың әрқайсысының теңіз (өзен) қозғалысын басқару органдары тиісті Тараптардың өтініші бойынша әскери корабльдер мен қосалқы кемелерге көмек көрсетеді. Іздеу-құтқаруды қамтамасыз ету Тараптардың күшімен және қаражатымен өтеусіз негізде ұйымдастырылады.