Тармақ 1. Жүргізушінің алкогольден, есірткіден және (немесе) уытқұмарлықтан мас күйінде көлік құралын жүргізуі, не көлік құралын жүргізуді алкогольден, есірткіден және (немесе) уытқұмарлықтан мас күйдегі адамға беру - екі жыл мерзімге көлік құралын жүргізу құқығынан айыруға әкеп соғады. 2. Авариялық ахуал туғызуға әкеп соқтырған нақ сол іс-әрекеттер - үш жыл мерзімге көлік құралын жүргізу құқығынан айыруға әкеп соғады. 3. Осы баптың бірінші бөлігінде көзделген, жәбірленушінің денсаулығына қылмыстық жазалау әрекетінің белгілері жоқ зақым келтіруге немесе көлік құралдарын, жүктерді, жол құрылыстары мен өзге де құрылыстарды не өзге мүлікті бүлдіруге әкеп соқтырған іс-әрекеттер - төрт жыл мерзімге көлік құралын жүргізу құқығынан айыруға әкеп соғады. 4. Осы баптың бірінші, екінші және үшінші бөліктерінде көзделген, әкімшілік жазаның мерзімі аяқталғаннан кейін бір жыл ішінде қайталап жасалған іс-әрекеттер - он тәулікке әкімшілік қамауға және бес жыл мерзімге көлік құралын жүргізу құқығынан айыруға әкеп соғады. 5. Осы баптың төртінші бөлігінде көзделген әкімшілік жазаның мерзімі аяқталғаннан кейін бір жыл ішінде қайталап жасалған нақ сол іс-әрекеттер - он бес тәулікке әкімшілік қамауға және он жыл мерзімге көлік құралын жүргізу құқығынан айыруға әкеп соғады. 6. Осы баптың бірінші, екінші және үшінші бөліктерінде көзделген, көлік құралын жүргізу құқығынан айырылған адам жасаған іс-әрекеттер - он тәулікке әкімшілік қамауға әкеп соғады. 7. Осы баптың алтыншы бөлігінде көзделген әкімшілік жазаның мерзімі аяқталғаннан кейін бір жыл ішінде қайталап жасалған нақ сол іс-әрекеттер - он бес тәулікке әкімшілік қамауға әкеп соғады. 8. Осы баптың бірінші, екінші, үшінші бөліктерінде көзделген, көлік құралын жүргізу құқығы жоқ адамдар жасаған іс-әрекеттер - он тәулікке әкімшілік қамауға әкеп соғады. 9. Осы баптың сегізінші бөлігінде көзделген әкімшілік жазаның мерзімі аяқталғаннан кейін бір жыл ішінде қайталап жасалған нақ сол іс-әрекеттер - он бес тәулікке әкімшілік қамауға әкеп соғады. 10. Осы баптың алтыншы, жетінші, сегізінші және тоғызыншы бөліктерінде көзделген, осы Кодекстің 55-бабының үшінші бөлігіне сәйкес әкімшілік қамау қолданылмайтын адамдар жасаған іс-әрекеттер - жүз айлық есептік көрсеткіш мөлшерінде айыппұл салуға әкеп соғады. Ескерту. Жүргізушінің мас күйде (алкогольден, есірткіден, уытқұмарлықтан) болуы осы Кодекстің 629-бабының үшінші бөлігінде белгіленген тәртіппен айқындалады.";
- 12) 468-бапта: бірінші бөліктің екінші абзацы мынадай редакцияда жазылсын: "он айлық есептік көрсеткіш мөлшерінде айыппұл салуға немесе тоғыз ай мерзімге көлік құралын жүргізу құқығынан айыруға әкеп соғады.";
- 13) 469-баптың екінші абзацы мынадай редакцияда жазылсын: "бір жыл мерзімге көлік құралын жүргізу құқығынан айыруға әкеп соғады.";
- 14) 470-бапта: бірінші бөлікте: бірінші абзац "орнына берілген" деген сөздерден кейін "уақытша" деген сөзбен толықтырылсын;
- 15) 471-бапта: тақырыптағы "масаң күйін" деген сөздер "алкогольден, есірткіден және (немесе) уытқұмарлықтан мас күйін" деген сөздермен ауыстырылсын;
- 16) 473-бапта: бірінші бөліктің екінші абзацы мынадай редакцияда жазылсын: "бес айлық есептік көрсеткіш мөлшерінде айыппұл салуға әкеп соғады.";
- 17) 484-бапта: бірінші бөлікте: бірінші абзацта: "468, 470" деген цифрлар алып тасталсын;
- 18) 541-баптың бірінші бөлігіндегі "461 (үшінші бөлігінде), 462 (екінші және үшінші бөліктерінде), 463 (1-1-бөлігінде), 464 (екінші бөлігінде), 465, 466, 467 (бірінші-үшінші, бесінші бөліктерінде), 468 (бірінші және екінші бөліктерінде), 469, 471" деген сөздер "461 (3-1-бөлігінде), 463-3 (бесінші бөлігінде), 464-1 (бірінші және екінші бөліктерінде), 465 (екінші бөлігінде), 466 (екінші бөлігінде), 467, 468 (бірінші және екінші бөліктерінде), 469, 471 (1-1, 1-2 және екінші бөліктерінде), 473 (үшінші бөлігінде)" деген сөздермен ауыстырылсын;
- 19) 543-бапта: бірінші бөліктегі "461 (бірінші, екінші, төртінші-алтыншы бөліктерінде), 462 (бірінші және екінші бөліктерінде), 463 (бірінші бөлігінде), 464 (бірінші бөлігінде), 467 (төртінші, алтыншы бөліктерінде), 468 (үшінші бөлігінде), 470, 472-476," деген сөздер "461 (бірінші-үшінші, төртінші-сегізінші бөліктерінде), 461-1, 462, 463 (бірінші және төртінші бөліктерінде), 463-1, 463-2, 463-3 (бірінші-төртінші бөліктерінде)-463-8, 464, 464-1 (үшінші бөлігінде), 465 (бірінші бөлігінде), 466 (бірінші бөлігінде), 468 (үшінші бөлігінде), 470, 471 (бірінші бөлігінде), 472, 473 (бірінші және екінші бөліктерінде), 474-476," деген сөздермен ауыстырылсын;
- 20) 604-баптың екінші бөлігінде: бірінші абзацтағы "құқық бұзушылықты байқау мен тіркеудің метрологиялық тексеруден өткен" деген сөздер алып тасталсын;
- 21) 628-бапта: жетінші бөлік мынадай мазмұндағы екінші сөйлеммен толықтырылсын: "Жол жүрісі саласындағы әкімшілік құқық бұзушылық туралы істер бойынша алып қойылған құжаттар іс бойынша қабылданған қаулы орындалғанға дейін сақталады.";
- 22) 630-баптың бірінші бөлігінің бірінші абзацы мынадай редакцияда жазылсын: "1. Осы Кодекстің 283-285, 287, 289, 297, 298, 298-1, 302-306, 447, 447-1, 447-2, 447-3, 447-4, 451, 453, 457, 460, 461 (екінші, үшінші және 3-1-бөліктерінде), 463 (екінші және үшінші бөліктерінде), 463-4 (үшінші, төртінші бөліктерінде), 467, 470 (бірінші, екінші, төртінші, бесінші бөліктерінде), 471 (екінші бөлігінде), 514 (461-471-баптарда көзделген құқық бұзушылықтар бөлігінде), 524 (461-471-баптарда көзделген құқық бұзушылықтар бөлігінде)-баптарында аталған бұзушылықтар жасалған кезде, осы баптың екінші бөлігінде аталған уәкілетті лауазымды адам көлік құралдарын, шағын көлемді кемені уақытша сақтау үшін оларды арнаулы алаңдарға немесе тұрақтарға, оның ішінде басқа көлік құралын (эвакуаторды), шағын көлемді кемені пайдалана отырып жеткізу арқылы ұстау себептері жойылғанға дейін ұстауға, жеткізуге және пайдалануға тыйым салуға құқылы; осы Кодекстің 461 (бірінші, төртінші - сегізінші бөліктерінде), 463-4 (бірінші және екінші бөліктерінде), 468, 469-баптарында аталған бұзушылықтар жасалған кезде, осы баптың екінші бөлігінде аталған уәкілетті лауазымды адам көлік құралын пайдалануға тыйым салу себептері жойылғанға дейін мемлекеттік тіркеу нөмірінің белгілерін алып қою арқылы көлік құралдарын пайдалануға тыйым салуға құқылы.";
- 23) 634-баптың бірінші бөлігінің 4) тармақшасы мынадай редакцияда жазылсын: "4) сертификатталған арнайы бақылау-өлшеу техникалық құралдары мен аспаптарының көрсеткіштері себеп болып табылады.";
- 24) 635-бап мынадай мазмұндағы ескертумен толықтырылсын: "Ескерту. Жол жүрісінің қауіпсіздігі саласында әкімшілік құқық бұзушылық жасаған адамға қатысты хаттама жасау кезінде салық төлеушінің тіркеу нөмірі болса, ол көрсетіледі.";
- 25) 636-баптың бірінші бөлігі 1) тармақшасының екінші абзацындағы "461 (үшінші бөлігі), 462 (екінші және үшінші бөліктері), 463 (1-1-бөлігі), 464 (екінші бөлігі), 465, 466, 467 (бірінші-үшінші, бесінші бөліктері), 468 (екінші бөлігі), 469, 471 (бірінші және екінші бөліктері), 477 (үшінші бөлігі), 484, 501, 518, 521, 524" деген сөздер "461 (3-1-бөлігі), 463 (екінші, үшінші бөліктері), 463-3 (бесінші бөлігі), 464-1 (бірінші және екінші бөліктері), 465 (екінші бөлігі), 466 (екінші бөлігі), 467, 468 (бірінші және екінші бөліктері), 469, 471 (1-2 және екінші бөліктері), 473 (үшінші бөлігі), 474, 475, 477 (үшінші бөлігі), 484, 501, 514 (461-471-баптарда көзделген құқық бұзушылықтар бөлігінде), 518, 521, 524 (461-471-баптарда көзделген құқық бұзушылықтар бөлігінде)" деген сөздермен ауыстырылсын;
- 26) 638-баптың бесінші бөлігінде: "құқық бұзу фактісін және құқық бұзушының жеке басын дұрыс анықтауға мүмкіндік беретін" деген сөздер алып тасталсын;
- 27) 639-бапта: бірінші бөліктің бірінші абзацындағы "құқық бұзушылық жасау фактісін мойындаса" деген сөздерден кейін "және осы баптың 1-1-бөлігінде көзделген жағдайларда" деген сөздермен толықтырылсын;
- 28) 650-бап мынадай мазмұндағы 1-1-бөлікпен толықтырылсын: "1-1. Көлік құралын жүргізушіні жол жүрісі ережелерін білуін тексеруге арналған емтиханды тапсыруға жіберген кезде жол жүрісі ережелерін білуін тексеруге жіберу туралы қаулы шығарылады, оның көшірмесі емтихан тапсыруға жіберілген адамға беріледі.";
- 29) 707-баптың бірінші бөлігі: "қаулы шығарған" деген сөздерден кейін ", айыппұл төлеу қажеттігі туралы нұсқама берген" деген сөздермен толықтырылсын;
- 30) 708-баптың бірінші, үшінші және төртінші бөліктері "айыппұл салу туралы қаулыны", "айыппұл салу туралы қаулы" деген сөздерден кейін тиісінше ", айыппұл төлеу қажеттігі туралы нұсқаманы", ", айыппұл төлеу қажеттігі туралы нұсқама" деген сөздермен толықтырылсын.
Тармақ 2. "Жол жүрісі қауіпсіздігі туралы" 1996 жылғы 15 шілдедегі Қазақстан Республикасының Заңына (Қазақстан Республикасы Парламентінің Жаршысы, 1996 ж., N 14, 273-құжат; 2001 ж., N 24, 338-құжат; 2003 ж., N 10, 54-құжат; N 12, 82-құжат; 2004 ж., N 23, 142-құжат; 2005 ж, N 7-8, 23-құжат; 2006 ж, N 1, 5-құжат; N 24, 148-құжат; 2007 ж, N 2, 18-құжат):
- 1) 1-бап мынадай мазмұндағы екінші абзацпен толықтырылсын: "автомагистраль - бір-бірінен бөліп тұратын жолақпен, ал ол болмаған жағдайда, жол қоршауымен бөлінген, жүрістің әрбір бағыты үшін жүру бөліктері бар, басқа жолдарды, теміржолдарды немесе трамвай жолдарын, жаяу немесе велосипедпен жүретін жолдарды бір деңгейде кесіп өтпейтін жол.";
- 2) 6-баптың жетінші абзацы алып тасталсын;
- 3) 7-бап мынадай мазмұндағы он бірінші абзацпен толықтырылсын: "жолдарды жобалау, салу, жөндеу, күтіп ұстау және басқару кезінде тапсырыс беруші ұсынған нормативтік, жобалық және техникалық құжаттаманы келісу;";
- 4) 10-баптың 2-тармағы алып тасталсын;
- 5) 16-баптың 1-тармағы мынадай редакцияда жазылсын: "1. Көлік құралдарын жүргізу құқығының тоқтатылуына: 1) жүргізуші куәлігінің белгіленген қолданылу мерзімінің бітуі; 2) жүргізуші денсаулығының көлік құралдарын қауіпсіз жүргізуге кедергі келтіретіндей нашарлап, оның медициналық қорытындымен расталуы негіздемелер болып табылады. Көрінеу психикалық бұзылулар мен мінез-құлықтың бұзылуы, көру органы дамуының кемістігі, көру функциясын бұзатын жаңадан пайда болған қатерсіз ісіктер, органның туа біткен кемістігі немесе органнан не бүлінген органның қызметін бұзатын оның бір бөлігінен жүре келе айырылу, олардың көлік құралдарын толыққанды жүргізуге кедергі келтіруі көлік құралдарын жүргізуге жарамдылықты растау үшін медициналық куәландыруға жіберуге негіздемелер болып табылады; 3) жүргізушінің жол жүрісі ережелерін білуін тексеруге жіберу туралы қаулыны алған күннен бастап екі ай ішінде жол жүрісі ережелерін білуін тексеруге арналған емтиханды тапсырмауы; 4) көлік құралдарын жүргізу құқығынан айыру негіздеме болып табылады. Осы тармақтың 2) және 3) тармақшаларында көзделген негіздемелер бойынша көлік құралдарын жүргізу құқығының тоқтатылуы уәкілетті органның (лауазымды адамның) талап арызы бойынша, азаматтық іс жүргізу заңнамасында көзделген тәртіппен сот шешімі бойынша жүзеге асырылады. Көлік құралын жүргізу құқығы тоқтатылған кезде осы құқық: осы тармақтың 1) тармақшасында көзделген негіздеме бойынша - жол жүрісі ережелерін білуін тексеруге арналған емтихан тапсырғаннан және медициналық тексеруден өткеннен кейін; осы тармақтың 2) тармақшасында көзделген негіздеме бойынша - егер көлік құралдарын жүргізу құқығын тоқтатудың себептері жойылатын болса, сот шешімі бойынша; осы тармақтың 3) тармақшасында көзделген негіздеме бойынша - осы Заңның 15-бабында белгіленген тәртіппен; осы тармақтың 4) тармақшасында көзделген негіздеме бойынша - емтихан тапсырғаннан және көлік құралын басқару құқығынан айыру мерзімі аяқталғаннан кейін қайта қалпына келтіріледі.".