Тармақ 1. 1999 жылғы 13 шілдедегі Қазақстан Республикасының Азаматтық іс жүргізу кодексіне (Қазақстан Республикасы Парламентінің Жаршысы, 1999 ж., N 18, 644-құжат; 2000 ж., N 3-4, 66-құжат; N 10, 244-құжат; 2001 ж., N 8, 52-құжат; N 15-16, 239-құжат; N 21-22, 281-құжат; N 24, 338-құжат; 2002 ж., N 17, 155-құжат; 2003 ж., N 10, 49-құжат; N 14, 109-құжат; N 15, 138-құжат; 2004 ж., N 5, 25-құжат; N 17, 97-құжат; N 23, 140-құжат; N 24, 153-құжат; 2005 ж., N 5, 5-құжат; N 13, 53-құжат; N 24, 123-құжат; 2006 ж., N 2, 19-құжат; N 10, 52-құжат; N 11, 55-құжат; N 12, 72-құжат; N 13, 86-құжат; 2007 ж., N 3, 20-құжат; N 4, 28-құжат; N 9, 67-құжат; N 10, 69-құжат; N 13, 99-құжат):
- 1) 24-баптың екінші бөлігі мынадай редакцияда жазылсын: "2. Соттар азаматтық (корпоративтік дауларды қоса алғанда), отбасылық, еңбек, тұрғын үй, әкімшілік, қаржы, шаруашылық, жер құқықтық қатынастарынан, табиғи ресурстарды пайдалану және қоршаған ортаны қорғау жөніндегі қатынастар мен басқа да құқықтық қатынастардан, оның ішінде бір тараптың екінші тарапты билікпен бағындыруына негізделген қатынастардан туындайтын даулар бойынша талап қоюды қарайды. Корпоративтік дауларға: 1) заңды тұлғаның қайта ұйымдастырылуына немесе таратылуына байланысты; 2) акционерлердің (қатысушылардың, мүшелердің) мүдделерін қозғайтын заңды тұлға органдарының шешімдеріне әрекеттеріне (әрекетсіздігіне) дау айту туралы заңды тұлға акционерлерінің (қатысушыларының, мүшелерінің) талаптарынан туындайтын, сондай-ақ Қазақстан Республикасының заңнамалық актілерінде және (немесе) заңды тұлғаның құрылтай құжаттарында белгіленген мәміле жасасу тәртібін бұзуға байланысты; 3) бағалы қағаздар нарығының кәсіби қатысушыларының акцияларға және өзге де бағалы қағаздарға құқықтарды есепке алуына байланысты қызметінен туындайтын; 4) акциялар шығаруды мемлекеттік тіркеудің, сондай-ақ эмитент акцияларды орналастыру, иемдену, сатып алу процесінде жасаған мәмілелердің жарамсыз деп танылуына байланысты заңды тұлғалар (коммерциялық емес ұйымдардың арасындағы дауларды қоспағанда) арасындағы даулар, сондай-ақ даулардың тарапы заңды тұлға және (немесе) оның акционерлері (қатысушылары, мүшелері) болып табылатын даулар жатады.";
- 2) 30-баптың бірінші бөлігі "даулар жөніндегі" деген сөздерден кейін ", сондай-ақ корпоративтік даулар жөніндегі" деген сөздермен толықтырылсын;
- 3) 66-баптың алтыншы бөлігі мынадай мазмұндағы үшінші сөйлеммен толықтырылсын: "Корпоративтік даулар бойынша дәлелдемелерді сот қана талап етуге және олар тікелей сотқа жіберілуге тиіс.";
- 4) 159-бап мынадай мазмұндағы үшінші бөлікпен толықтырылсын: "3. Талап қоюды қамтамасыз ету шаралары талап қоюшының мәлімдеген талаптарына шамалас болуға тиіс.".
Тармақ 2. "Шаруашылық серіктестіктері туралы" 1995 жылғы 2 мамырдағы Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1995 ж., N 7, 49-құжат; N 15-16, 109-құжат; Қазақстан Республикасы Парламентінің Жаршысы, 1996 ж., N 14, 274-құжат; N 19, 370-құжат; 1997 ж., N 12, 183, 184-құжаттар; N 13-14, 205, 210-құжаттар; 1998 ж., N 5-6, 50-құжат; N 17-18, 224-құжат; 2003 ж., N 11, 56-құжат; N 24, 78-құжат; 2007 ж., N 4, 28-құжат):