Бап 6 О ратификации Соглашения о едином таможенно-тарифном регулировании

Тармақ 1. Үшінші елдерден Тараптар мемлекеттерінің бірыңғай кедендік аумағына әкелу кезінде:

• 1) жүктерді, қол жүктері мен жолаушыларды, сондай-ақ материалдық-техникалық жабдықтау заттары мен жарақтарды, отын, азық-түлік және оларды жол жүру уақытында, аралық аялдамаларда қалыпты пайдалану үшін қажетті немесе осы көлік құралдарының авариясын (сынуын) жоюға байланысты шетелде сатылып алынған басқа да мүліктің халықаралық тасымалын жүзеге асыратын көлік құралдары;
• 2) Тараптар мемлекеттерінің кемелері, сондай-ақ Тараптар мемлекеттерінің заңды және жеке тұлғалары жалға алған (жалданған) кемелері теңіз кәсіпшілігінің өнімі;
• 3) үшінші елдер өкілдерінің, Тараптар мемлекеттерінің халықаралық шарттары немесе олардың заңнамалары негізінде мұндай заттарды баж салығынсыз әкелуге құқығы бар жеке тұлғалардың ресми немесе жеке пайдалануы үшін әкелінетін тауарлар;
• 4) Тараптар мемлекеттерінің валютасы, үшінші елдердің валютасы (нумизматтық мақсаттар үшін пайдаланылатыннан басқа), сондай-ақ Тараптар мемлекеттерінің заңнамасына сәйкес бағалы қағаздар;
• 5) гуманитарлық көмек ретінде және (немесе) авариялар мен апаттардың, дүлей зілзалалардың салдарын жою мақсатында әкелінетін тауарлар;
• 6) өтеусіз көмек (жәрдемдесу) ретінде, сондай-ақ үшінші елдер, халықаралық ұйымдар, үкіметтер желісі бойынша қайырымдылық, оның ішінде техникалық көмек (жәрдем) көрсету мақсатында әкелінетін, акцизделетіндерден басқа (медициналық мақсаттарға арнайы арналған жеңіл автокөліктерді қоспағанда), тауарлар;
• 7) кедендік реттеу саласындағы құқықтық актілермен белгіленетін және кедендік әкелу баждарын салудан босатуды көздейтін кедендік режимдер шеңберінде әкелінетін тауарлар;
• 8) кедендік реттеу саласындағы құқықтық актілерге сәйкес өндірістік немесе өзге де кәсіпкерлік қызметке арналмаған, әкелуге тыйым салынбағандарды қоспағанда, жеке тұлғалар әкелетін тауарлар;
• 9) олардың заңнамасында көзделген жағдайда Тараптар мемлекеттерінің меншігіне айналуы тиіс тауарлар кедендік әкелу бажын төлеуден босатылады.

Тармақ 2. Тараптар өзге жағдайларда тарифтік жеңілдіктерді беру туралы, оларды бірізге салу не бір жақты тәртіппен қолдану туралы қосымша уағдаласады.

Тармақ 3. Кедендік баж төлеуден босатуды қолдану тәртібін Комиссия белгілейді.