Тармақ 1. Осы Конвенцияның 15-бабында айтылған өзгерістерді енгізу тәртібіне қарамастан, Басқарушы Комитет осы Конвенцияның 6-бабына сәйкес Ұсынылатын ережелердің кез келгеніне өзгерістерді енгізу туралы немесе кез келген Арнайы қосымшаға немесе оның Тарауына жаңа Ұсынылатын ережелерді енгізу туралы шешім қабылдауы мүмкін. Әрбір Уағдаласушы Тарапты Кеңестің Бас Хатшысы Басқарушы комитеттің отырысында мәселелерді қарауға қатысу үшін шақырады. Олар бойынша жоғарыда көрсетілген шешім қабылданған кез келген өзгерістердің немесе жаңа Ұсынылатын ережелердің мәтінін Кеңестің Бас Хатшысы Уағдаласушы Тараптарға және осы Конвенцияның Уағдаласушы Тараптары болып табылмайтын Кеңестің мүшелеріне жібереді. 2. Олар бойынша шешім осы Баптың 1-тармағына сәйкес қабылданған кез келген өзгеріс немесе енгізілетін Ұсыным жасалатын жаңа ереже Кеңестің Бас Хатшысы оларды жіберген күнінен бастап алты ай өткен соң күшіне енеді. Өзгерістер немесе Ұсыным жасалатын жаңа ереже енгізілетін Арнайы қосымша немесе оның Тарауы бойынша өзіне міндеттеме қабылдаған әрбір Уағдаласушы Тарап, егер аталған Тарап осы Конвенцияның 12-бабында көзделген тәртіпке сәйкес ескерту жасамаса ғана, осы өзгерістерді немесе жаңа ережені қабылдауға міндетті болып табылады.
Тармақ 1. Осы Конвенцияның шексіз қолданылу мерзімі бар, алайда әрбір Уағдаласушы Тарап осы Конвенцияның 18-бабымен белгіленген тәртіпке сәйкес оның күшіне енгенінен кейін кез келген уақытта өзінің оған қатысудан бас тартуы туралы білдіруге құқылы. 2. Депозитарийге жіберілетін күшін жою туралы өтініш жазбаша құжатпен ресімделеді. 3. Күшін жою депозитарийдің күшін жою туралы тиісті құжатты алған кезінен бастап алты ай өткен соң күшіне енеді. 4. Осы Баптың 2 және 3-тармақтарында белгіленген тәртіп олар бойынша кез келген Уағдаласушы Тарап олардың күшіне енгенінен кейін кез келген уақытта оларды қолдануға өзінің келісімін қайтарып алуға құқылы Арнайы қосымшаларға немесе олардың Тарауларына қатысты да қолданылады. 5. Конвенцияға Бас қосымшаны қолдануға өзінің келісімін қайтарып алған Уағдаласушы Тарап осы Конвенцияның күшін жойған ретінде қарастырылады. Бұл жағдайда осы Баптың 2 және 3-тармақтарында белгіленген тәртіп те қолданылады.
Тармақ 1. Осы Конвенция осы Конвенцияның 8-бабының 1 және 5-тармақтарында аталған субъектілердің бесеуі оған ратификациялау туралы ескерту жасамастан қол қойғанынан және өздерінің ратификациялау немесе қосылу туралы құжаттарын сақтауға тапсырғанынан кейін күшіне енеді. 2. Осы Конвенция әрбір Уағдаласушы Тарап үшін оның осы Конвенцияның 8-бабында көзделген тәртіпке сәйкес Уағдаласушы Тарап болған кезінен кейін үш ай өткен соң күшіне енеді. 3. Осы Конвенцияға кез келген қосымша немесе оның Тарауы тиісті Арнайы қосымшаны немесе тиісті Тарауды бес Уағдаласушы Тарап қабылдаған кезден бастап үш ай өткен соң күшіне енеді. 4. Осы Баптың 3-тармағының ережелеріне сәйкес кез келген Арнайы Қосымша немесе оның Тарауы күшіне енгенінен кейін аталған Арнайы қосымша немесе оның Тарауы кез келген Уағдаласушы Тарап үшін одан оны қабылдағаны туралы хабарлама келіп түскеннен кейін үш ай өткен соң күшіне енеді. Алайда, Арнайы қосымшалардың немесе олардың Тарауларының бірде біреуі Уағдаласушы Тараптардың қандай да бірі үшін осы Конвенция аталған Уағдаласушы Тарап үшін күшіне енген кезге дейін күшіне енбейді.
Тармақ 1. Осы Конвенция, ратификациялау туралы барлық ескертулері бар немесе ескертулерсіз қолтаңбалар, сондай-ақ ратификациялау туралы немесе қосылу туралы барлық құжаттар Кеңестің Бас Хатшысында сақталады. 2. Депозитарий мынадай функцияларды атқарады: а) осы Конвенция мәтіндерінің түпнұсқаларын алады және сақтауға қабылдайды; ә) осы Конвенция түпнұсқаларының куәландырылған көшірмелерін дайындайды және оларды Уағдаласушы Тараптарға және Кеңестің Уағдаласушы Тараптар болып табылмайтын мүшелеріне, сондай-ақ Біріккен Ұлттар Ұйымының Бас Хатшысына жібереді. б) ратификациялау туралы ескертулері бар немесе ондайсыз, ратификациялау немесе осы Конвенцияға қосылу туралы қолтаңбаларды алады, сондай-ақ осы Конвенцияны қабылдауға қатысты кез келген құжаттарды, хабарламаларды және хабарларды сақтауға қабылдайды; в) осы Конвенцияға қатысты құжаттарға, хабарламаларға және хабарларға қол қою немесе оларды ресімдеу тәртібінің сақталуын тексереді және қажет жағдайда Уағдаласушы Тарапқа бұзушылықтардың бар екендігін көрсетеді. г) Уағдаласушы Тараптарды, Кеңестің Уағдаласушы Тараптар болып табылмайтын мүшелерін, және Біріккен Ұлттар Ұйымының Бас Хатшысын: - осы Конвенцияның 8-бабына сәйкес қол қою, ратификациялау, қосылу және Қосымшалар мен Тарауларды қабылдау; - Басқарушы комитет осы Конвенцияға енгізуге Ұсыным жасаған Бас қосымшаның жаңа Тараулары және жаңа Арнайы Ережелер немесе олардың Тараулары; - осы Конвенцияның 18-бабының ережелеріне сәйкес осы Конвенцияның, Бас қосымшаның және әрбір Арнайы қосымшаның немесе оның Тарауының күшіне енетін күні; - осы Конвенцияның 8 , 10 , 11 , 12 және 13-баптарында көзделген негіздемелер бойынша алынған хабарламалар; - Уағдаласушы Тараптардың Қосымшаларды және олардың Тарауларын қолдануға өздерінің келісімін қайтарып алу туралы хабарламалары; - осы Конвенцияның 17-бабында көзделген тәртіппен қатысудан бас тарту; - осы Конвенцияның 15-бабына сәйкес қабылданған кез келген өзгеріс туралы хабардар етеді. 3. Уағдаласушы Тараптардың қандай да біреуі мен депозитарий арасында соңғысының өз функцияларын атқаруына қатысты кез келген келіспеушіліктер пайда болған кезде депозитарий немесе мұндай Уағдаласушы Тарап бұл мәселені басқа Уағдаласушы Тараптардың және осы Конвенцияға қол қойған Тараптардың назарына, немесе жағдайға қарай - Басқарушы комитеттің немесе Кеңестің назарына жеткізеді.
Тармақ 1. 1. Стандарттық ереже Ұғымдардың айқындамалары, осы Қосымшаның Стандарттық ережесі мен Өтпелі мерзімді стандарттық ережесі осы Қосымшада келтірілген кедендік ережелер мен рәсімдерге, сондай-ақ олар қолданылатын дәрежеде Арнайы қосымшалардағы ережелер мен рәсімдерге қолданылады.
Тармақ 1. 2. Стандарттық ереже Осы Қосымшаның, сондай-ақ Арнайы қосымшалардың кедендік ережелері мен рәсімдерін қолдану шарттары мен тәртібі ұлттық заңнамамен айқындалады және мейлінше қарапайым болуға тиіс.
Тармақ 1. 3. Стандарттық ереже Кеден қызметі сыртқы саудаға қатысушылармен ынтымақтастықты дамыту және олардың ұлттық заңнамамен және халықаралық шарттармен келісілген барынша тиімді жұмыс әдістерін енгізуге қатысуына жәрдемдесу мақсатында консультациялық сипаттағы ресми қатынастар орнатады және оларды қолдайды.
Тармақ 3. 1. Стандарттық ереже Кеден қызметі тауарлар көрсетілетін және олардың кедендік ресімделуі жүргізілетін кеден органдарын айқындайды. Өкілеттіктерді және мұндай органдардың орналасқан жерін, олардың жұмыс кестесін белгілеу кезінде белгілі бір факторлар, атап айтқанда, сауда қажеттіліктері ескеріледі.
Тармақ 3. 2. Стандарттық ереже Мүдделі тұлғаның сұрау салуы бойынша және кеден қызметі негізді деп таныған себептер бойынша кеден қызметі қажетті жағдайлар болған кезде белгіленген жерлерден және кеден органының жұмыс уақытынан тыс кеден ережелері мен рәсімдерін қолдану үшін қажетті функцияларды жүзеге асырады. Бұл кезде кеден қызметі алатын барлық төлемдер көрсетілген қызметтердің шамамен алғандағы құнымен шектеледі.
Тармақ 3. 3. Стандарттық ереже Кеден органдары ортақ шекарадағы өткізу пункттерінде орналасқан жағдайда шекаралас кеден қызметтері кеден органдарының жұмыс сағаттары мен өкілеттіктерін келіседі.
Тармақ 3. 4. Өтпелі мерзімді стандарттық ереже Ортақ шекарадағы өткізу пункттерінде шекаралас мемлекеттердің кеден қызметтері бұл мүмкін болатын барлық жағдайларда бірлескен кедендік бақылауды жүзеге асырады.
Тармақ 3. 5. Өтпелі мерзімді стандарттық ереже Егер бір кеден қызметі жаңа кеден органын құруды немесе ортақ шекарадағы өткізу пунктінде бар өткізу пунктін қайта ұйымдастыруды жоспарласа, ол бірлескен бақылауды оңайлату үшін бірлескен өткізу пунктін құру мақсатында бұл мүмкін болатын барлық жағдайларда шекаралас кеден қызметімен өзара іс-қимыл жасайды.
Тармақ 3. 7. Стандарттық ереже Тауарларға билік етуге құқығы бар кез келген тұлға декларант деп танылады.
Тармақ 3. 10. Стандарттық ереже Кеден қызметі бұл үлгілер тауарларға арналған декларацияға тиісті тауар партиясына арналып енгізілуі шартымен, кеден қызметінің рұқсатымен және бақылауымен алынған үлгілерге қатысты тауарларға арналған жеке декларация ұсынуды талап етпейді.
Тармақ 3. 12. Стандарттық ереже Кеден қызметі тауарларға арналған декларацияға енгізуге жататын деректердің тізбесін кедендік баждарды және салықтарды есептеу мен алу, статистиканы қалыптастыру және кеден заңнамасын қолдану мақсаттары үшін қажетті деп танылған мәліметтермен ғана шектейді.
Тармақ 3. 13. Стандарттық ереже Декларанттың кеден қызметі негізді деп таныған себептер бойынша тауарларға арналған декларацияны толтыру үшін қажетті барлық ақпараты болмаған жағдайда, оның кеден қызметі қажетті деп таныған мәліметтерді қамтуы және декларанттың белгіленген мерзімде оны толық толтыруға міндеттеме қабылдауы шартымен тауарларға арналған алдын ала немесе толық емес декларацияны беруге рұқсат етіледі.
Тармақ 3. 14. Стандарттық ереже Егер кеден қызметі тауарларға арналған алдын ала немесе толық емес декларацияны тіркеген жағдайда бұл тауарларға қолданылатын кедендік-тарифтік реттеу шаралары егер басынан бастап тауарларға арналған толық және тиісті үлгіде толтырылған декларация берілгенде қолданылатыннан ерекшеленбеуге тиіс. Төлеуге жататын баждар мен салықтардың алынуын қамтамасыз ету үшін қажетті кепілдіктердің берілуі шартымен тауарларды шығару кешіктірілмейді.
Тармақ 3. 15. Стандарттық ереже Кеден қызметі тауарларға арналған декларацияның түпнұсқасын және ең аз қажетті көшірмелер санын ғана талап етеді.
Тармақ 3. 17. Стандарттық ереже Жекелеген растаушы құжаттарды кеден қызметі негізді деп таныған себептер бойынша тауарларға арналған декларациямен бірге ұсыну мүмкін болмайтын жағдайда, ол мұндай құжаттарды белгілі бір уақыт кезеңі ішінде ұсынуға рұқсат етеді.
Тармақ 3. 18. Өтпелі мерзімді стандарттық ереже Кеден қызметі растаушы құжаттарды электрондық тәсілмен беруге рұқсат етеді.
Тармақ 3. 19. Стандарттық ереже Кеден қызметі бұл тауарларға арналған декларацияны өңдеу үшін қажет болатын жағдайларды қоспағанда, құжаттардағы мәліметтердің аудармасын талап етпейді.
Тармақ 3. 20. Стандарттық ереже Кеден қызметі тауарларға арналған декларацияны кез келген уәкілетті кеден органында ұсынуға рұқсат етеді.
Тармақ 3. 21. Өтпелі мерзімді стандарттық ереже Кеден қызметі тауарларға арналған декларацияны электрондық тәсілмен беруге рұқсат етеді.
Тармақ 3. 22. Стандарттық ереже Тауарларға арналған декларация кеден қызметі белгілеген жұмыс уақытында сатылады.
Тармақ 3. 23. Стандарттық ереже Тауарларға арналған декларацияны беру мерзімі ұлттық заңнамада белгіленген жағдайда бұл мерзім декларантқа тауарларға арналған декларацияны толтыру және талап етілетін растаушы құжаттарды алу үшін жеткілікті болуға тиіс.
Тармақ 3. 24. Стандарттық ереже Декларанттың сұрауы бойынша және кеден қызметі негізді деп таныған негіздемелер бойынша соңғысы тауарларға арналған декларацияны беру үшін көзделген мерзімді ұзартады.
Тармақ 3. 25. Стандарттық ереже Ұлттық заңнамада тауарлар келіп жеткенге дейін тауарларға арналған декларацияны және растаушы құжаттарды беру және тіркеу немесе тексеру тәртібін реттейтін ережелер көзделеді.
Тармақ 3. 26. Стандарттық ереже Кеден қызметі тауарларға арналған декларацияны тіркей алмайтын жағдайларда ол декларантты мұның себептері туралы хабардар етеді.
Тармақ 3. 27. Стандарттық ереже Кеден қызметі декларантқа берілген тауарларға арналған декларацияға өзгерістер енгізуге мұндай сұрау салуды алу сәтінде оның тауарларға арналған декларацияны тексеруді немесе тауарларды қарауды бастамауы шартымен рұқсат береді.
Тармақ 3. 28. Өтпелі мерзімді стандарттық ереже Кеден қызметі, егер сұрау салу тауарларға арналған декларацияны тексеру басталғаннан кейін алынса, декларант көрсеткен себептерді кеден қызметінің негізді деп тануы шартымен берілген тауарларға арналған декларацияға өзгерістер енгізуге рұқсат береді.
Тармақ 3. 29. Өтпелі мерзімді стандарттық ереже Декларантқа тауарларға арналған декларацияны қайтарып алуға және басқа кеден режимін қолдану туралы өтінішпен жүгінуге, бұл туралы өтініш кеден қызметіне тауарлар шығарылғанға дейін, ал себептерін кеден қызметі негізді деп тануы шартымен рұқсат беріледі.
Тармақ 3. 30. Стандарттық ереже Тауарларға арналған декларацияға тексеру бір мезгілде немесе декларация тіркелгеннен кейін мүмкіндігінше қысқа мерзімде жүргізіледі.
Тармақ 3. 31. Стандарттық ереже Кеден қызметі тауарларға арналған декларацияны тексеру мақсатында кеден заңнамасының сақталғандығына көз жеткізу үшін қажетті деп санайтын әрекеттерді ғана қолданады.
Тармақ 3. 32. Өтпелі мерзімді стандарттық ереже Кеден қызметі талаптарын сақтауды және коммерциялық құжатнаманы жүргізудің қанағаттандырарлық жүйесін қолдануды қоса алғанда, кеден қызметі белгілеген талаптарға жауап беретін уәкілетті тұлғалар үшін кеден қызметі мыналарды көздейді: - тауарларды сәйкестендіру үшін қажетті және кейіннен тауарларға аяқталған түпкілікті декларация толтыруға мүмкіндік беретін және ең аз мәліметтерді ұсынуы бойынша тауарларды шығаруды; - тауарларды декларант объектісінде немесе кеден қызметі рұқсат еткен өзге де жерде ресімдеу; және толықтыру ретінде, мүмкіндігінше, басқа да арнайы рәсімдерді, атап айтқанда: - нақ сол тұлға тауарларды бірнеше рет әкелген немесе әкеткен уақыт кезеңі ішінде оларды әкелу немесе әкету кезінде тауарларға арналған бірыңғай декларацияны беруге рұқсат етуді; - осындай уәкілетті тұлғалардың олар төлеуге тиіс баждар мен салықтарды өз бетімен есептеу үшін және қажетті жағдайларда кеден қызметінің басқа да талаптарын сақтауды қамтамасыз ету үшін олардың коммерциялық құжаттама деректерін пайдалануға рұқсат беруді; - кейіннен тауарларға арналған қосымша декларацияның берілуімен уәкілетті тұлғаның коммерциялық құжаттамасына мәліметтер енгізу нысанында тауарларға арналған декларация беруге рұқсат етуді.
Тармақ 3. 34. Стандарттық ереже Тексеруді жоспарлау кезінде тірі жануарларды және тез бұзылатын тауарларды, сондай-ақ кеден қызметі шұғыл сипаттағы деп танитын басқа да тауарларды тексеруге басымдық беріледі.
Тармақ 3. 35 Өтпелі мерзімді стандарттық ереже Тауарларды басқа уәкілетті органдар бақылауға тиіс болатын, ал кеден қызметі де тексеруді жоспарлаған жағдайда, онда кеден қызметі мұндай тексерулерді үйлестіруді және мүмкіндігінше олардың бір мезгілде өткізілуін қамтамасыз етеді.
Тармақ 3. 37. Стандарттық ереже Кеден қызметі орынды деп санаған жағдайларда тексеру жүргізуді оңайлату үшін оған кез-келген қажетті көмек көрсету мақсатында, декларанттың немесе оның өкілінің тауарларды тексеру кезінде қатысуын талап етеді.
Тармақ 3. 39. Стандарттық ереже Кеден қызметі, егер ол қателердің қасақана жасалған болып табылмайтындығына және әдейі адастырудың немесе өрескел ұқыпсыздықтың салдарынан жіберілмегендігіне көз жеткізсе, қателер үшін елеулі санкцияларды қолданбайды. Кеден қызметі осындай қателердің қайталануының алдын алу қажет деп есептеген жағдайда, осы мақсатқа жету үшін қажеттіден көп емес мөлшерде санкциялар қолдануы мүмкін.
Тармақ 3. 40. Стандарттық ереже Тауарларға арналған декларацияда көрсетілген тауарлар тікелей кеден қызметі тексеру жүргізгеннен кейін немесе оларға тексеру жүргізбеу туралы шешім қабылдағаннан кейін: - ешқандай құқық бұзушылықтың анықталмауы; - әкелу немесе әкетуге лицензиялардың немесе басқа кез-келген қажетті құжаттардың ұсынылуы; - нақты рәсімге қатысты барлық рұқсаттардың берілуі; - барлық баждар мен салықтардың төленуі немесе төлемді қамтамасыз ету үшін қажетті шаралардың қабылдануы шарттарында шығарылады.
Тармақ 3. 41. Стандарттық ереже Егер кеден қызметі декларант кейіннен кедендік ресімдеуді аяқтау үшін барлық операцияларды орындайтындығына жеткілікті негіз болса, онда декларант тауарларды кеден қызметі қабылдауы мүмкін тауардың тиісті партиясы туралы негізгі мәліметтері бар коммерциялық немесе ресми құжат ұсынуы шартымен тауарларды шығарады, ал қажет болған жағдайларда - талап етілетін баждар мен салықтар өндіріп алуды қамтамасыз ететін кепілдік береді.
Тармақ 3. 42. Стандарттық ереже Кеден қызметі тауарлардың үлгілеріне/сынамаларына зертханалық талдау жүргізу, толық техникалық құжаттаманың ұсынылуы немесе маманның қорытындысының қажеттігі туралы шешім қабылдаған жағдайда, ол тиісінше зерттеудің нәтижесін алғанға дейін барлық қажетті кепілдіктер ұсынылған және мұндай тауарлар кез-келген тыйым салу немесе шектеуге жатқызылмайтындығы шартында тауарларды шығарады.
Тармақ 3. 43. Стандарттық ереже Құқық бұзушылық анықталған кезде кеден қызметі әкімшілік немесе соттық рәсімдердің аяқталуын күтпестен, тауарлар тәркілеуге жатызылмаса немесе одан әрі заттық айғақ ретінде талап етілмесе, сондай-ақ декларант кедендік баждар мен салықтар төлесе және барлық қосымша баждар мен салықтардың, сондай-ақ салынуы мүмкін айыппұлдың сомасын алынуын қамтамасыз ететін кепілдік ұсынуы шарты негізінде тауарларды шығаруды жүргізеді.
Тармақ 3. 44. Стандарттық ереже Егерде тауарлар еркін айналымға шығарылмаған немесе басқа кедендік режимге жатқызылмаған жағдайларда, ешқандай құқық бұзушылық анықталмауы шартында, осы тұлғаға баждар мен салықтарды төлеу талабы қойылмайды немесе онымен төленген кедендік баждар мен салықтар мынадай жағдайларда қайтарылып беруге жатқызылады: - егерде кеден бақылауындағы мұндай тауарлар мүдделі тұлғаның өтініші бойынша және кеден қызметінің рұқсатымен мемлекетке беріледі немесе жойылса, немесе коммерциялық құндылығының жоғалту жағдайына дейін жеткізілсе, оның үстіне барлық осымен байланысты шығындар мүдделі тұлғаның шотына жатқызылса; - егер мұндай тауарлар апат немесе форс-мажорлық жағдайлар нәтижесінде жойылса немесе қайырымсыз жоғалса, мұндай жойылу немесе жоғалту кеден қызметімен анықталуы және тиісті тәсілмен танылуы шартында; - кеден қызметі үшін қанағаттанатындықтай анықталған табиғи тозуы немесе азаюы шартында табиғи тозуы немесе азаюы. Тауардың жою нәтижесінде пайда болған кез-келген қалдықтар мен шығындарды ішкі нарықта қолдану жағдайында немесе әкетуде осы жағдайда әкелінетін немесе әкетілетін осындай қалдықтарға немесе шығындарға қолданылатын баждар мен салықтар алынады.
Тармақ 3. 45. Өтпелі мерзімді стандарттық ереже Кеден қызметімен белгіленген мерзім ішінде декларацияланбаған немесе шығарылмаған тауарларды іске асырған жағдайда, бірақ құқық бұзушылық анықталмай, оларды іске асырудан түскен түсімді тиісінше баждарды және салықтарды және басқа шығындарды алып тастаған кезде, оны алуға құқығы бар тұлғаларға аударылады, ал ол мүмкін болмаған жағдайда, олар осы тұлғалар үшін арнайы мерзімге резервке алынады.
Тармақ 4. 1. Стандарттық ереже Баждар мен салықтарды төлеу бойынша міндеттемелердің пайда болу шарты ұлттық заңнамамен анықталады.
Тармақ 4. 2. Стандарттық ереже Қолданылатын баждар мен салықтарды есептеу жүргізілетін мерзім ұлттық заңнамамен белгіленеді. Есептеу тауар декларациясын бергеннен кейін мүмкіндігінше қысқа мерзімде немесе баждар немесе салықтар төлеу бойынша өзге де міндеттер пайда болуына қарай жүзеге асырылады.
Тармақ 4. 3. Стандарттық ереже Баждар мен салықтардың сомасын есептеу үшін база болатын элементтер және оны айқындау шарттары ұлттық заңнамамен белгіленеді.
Тармақ 4. 4. Стандарттық ереже Баждар мен салықтардың ставкалары ресми басылымдарда жарияланады.
Тармақ 4. 5. Стандарттық ереже Ұлттық заңнама баждар мен салықтардың ставкасы белгіленген уақыт сәтін анықтайды.
Тармақ 4. 6. Стандарттық ереже Ұлттық заңнама баждар мен салықтардың төлеу нысанын айқындайды.
Тармақ 4. 7. Стандарттық ереже Ұлттық заңнама баждар мен салықтар төлеуге жауапты тұлғаны/тұлғаларды айқындайды.
Тармақ 4. 8. Стандарттық ереже Ұлттық заңнама баждар мен салықтарды төлеу орны мен мерзімін белгілейді.
Тармақ 4. 9. Стандарттық ереже Егерде ұлттық заңнамамен баждар және салықтардың төлеу, тауардың шығарылғанан кейін төлеу мүмкіндігі қарастырылса, оны төлеу мерзімі осындай шығарудан кейін 10 күннен кем болмауы тиіс. Тауардың шығарылған сәтінен бастап және орнатылған төлеу мерзіміне дейінгі уақыттың кезеңдік ағымында пайыз алынбайды.
Тармақ 4. 10. Стандарттық ереже Ұлттық заңнама кеден қызметінің орнатылған мерзімде төленбеген баждар мен салықтарды алу бойынша шаралар қолдануы мүмкін мерзімді белгілейді.
Тармақ 4. 11. Стандарттық ереже Ұлттық заңнама мерзімінде төленбеген баждар мен салықтар сомасына қосымша алынатын төлемдерді есептеу үшін пайыздық ставкаларды және оларды қолдану шарттарын белгілейді.
Тармақ 4. 12. Стандарттық ереже Егер төлеу фактісін басқаша түрде растау мүмкін болмаса, төлеушіге баждар мен салықтарды төлеу кезінде төленгені туралы құжат беріледі.
Тармақ 4. 13. Өтпелі мерзімді стандарттық ереже Ұлттық заңнама одан төмен баждар мен салықтар алынбайтын, баждар мен салықтардың ең төменгі құнын және/немесе ең төменгі сомасын айқындайды.
Тармақ 4. 14. Стандарттық ереже Кеден қызметі тауар декларациясында жіберілген немесе баждар мен салықтарды есептеу кезінде заңнамада белгіленгеннен төмен баждар мен салықтар сомасынан кем алуға немесе өндіріп алуға әкеп соғатын немесе әкеп соққан қателер анықталса, онда қателерді түзеп және төленбеген сомасын алады. Сонымен бірге, егер осы сома ұлттық заңнамамен орнатылған ең төменгі мөлшерінен кем болса, онда кеден қызметі жете төленбеген соманы алмайды және өндіріп алмайды.
Тармақ 4. 15. Стандарттық ереже Ұлттық заңнамада баждар мен салықтардың төленуін кейінге қалдыруы мүмкіндігі көзделген жағдайда, ол осындай кейінге қалдыруды берудің шартын белгілейді.
Тармақ 4. 16. Стандарттық ереже Баждар мен салықтарды алу бойынша кейінге қалдыру кезінде пайыздар мүмкіндігінше алынбайды.
Тармақ 4. 17. Стандарттық ереже Баждар мен салықтарды төлеу бойынша кейінге қалдыру кемінде 14 күнді құрайды.
Тармақ 4. 18. Стандарттық ереже Баждар мен салықтары қайтару баждар мен салықтарды артық төлеу оны есептеу кезінде қате жіберілген жағдайда жүзеге асырылады.
Тармақ 4. 19. Стандарттық ереже Баждар мен салықтарды қайтару әкелінетін немесе әкетілетін тауарларға қатысты, егерде әкелу немесе әкету сәтінде оларда ақаулар табылса, немесе олар қандай да бір басқа түрде келісілген тауар сипаттамасына сәйкес келмей және олар жеткізушіге немесе онымен көрсетілген тұлғаға мынадай шарттарды сақтай отыра қайтарылуы белгіленген: - тауарлар әкелінген елде қолданылмаған және жөндетілмеген және орынды мерзімде кері экспортталған; - тауарлар экспортталған елде қолданылмаған және жөндетілмеген және орынды мерзімде кері импортталған жағдайларда жүзеге асырылады. Тауарларды пайдалану, оған қарамастан, баждар мен салықтарды қайтаруды, мұндай қолдану ақауды табу немесе кері экспорт немесе кері импортқа әкеліп соқтырған басқа да мән-жағдайлар үшін шарасыз деп танылу шартымен жүзеге асыруға кедергі болмайды. Кері импорт немесе кері экспортқа балама ретінде, тауарлар кеден бақылауымен және кеден қызметінің рұқсатымен мемлекеттің кірісіне берілуі немесе жойылуы немесе бұдан әрі коммерциялық қолдану үшін жарамсыз жағдайға әкелінуі мүмкін. Осындай берулер немесе жойылулар мемлекетті қандай да бір шығындарға әкеп соқтырмайды.
Тармақ 4. 20. Өтпелі мерзімді стандарттық ереже Ертеде көрсетілген кедендік режимді кеден қызметінің рұқсатымен өзгерткен жағдайда тауарларды жаңадан таңдалған кеден режиміне жатқызу кезінде баждар мен салықтардың асып түскен сомасынан баждар мен салықтарды қайтару жүзеге асырылады.
Тармақ 4. 21. Стандарттық ереже Қайтару туралы өтініштер бойынша шешім қабылданып жазбаша де мүдделі тұлғаларға мүмкіндігінше қысқа мерзімде хабарлайды. Артық төленген соманы қайтару қысқа мерзімде өтініштің негізділігін тексергеннен жүзеге асырылады.
Тармақ 4. 22. Стандарттық ереже Кеден қызметімен артық төленген сома кеден қызметінің тарабынан баждар мен салықтарды есептеу кезінде орын алған қате нәтижесінде болғанын анықтаған жағдайларда, қайтару қайтару басым тәртіппен жүргізіледі.
Тармақ 4. 23. Стандарттық ереже Оның өтуіне байланысты қайтару туралы өтініш қанағаттандырылмайтын мерзім белгіленген жағдайда, онда мұндай мерзімдер жеткілікті болуы тиіс және әрбір жағдайдың ерекше мән-жайлары ескеріліп, олардың орын алуына қарай баждар мен салықтарды қайтару жүзеге асырылуы мүмкін.
Тармақ 4. 24. Стандарттық ереже Егер ұлттық заңнамамен белгіленген ең төменгі сомадан төмен болса, соманы қайтару жүзеге асырылмайды.
Тармақ 5. 1. Стандарттық ереже Ұлттық заңнама кепілдер ұсынылуын талап ететін жағдайларды көздейді және оны ұсынудың нысандарын белгілейді.
Тармақ 5. 2. Стандарттық ереже Кеден қызметі кепілдің жалпы сомасын белгілейді.
Тармақ 5. 3. Стандарттық ереже Кепілдің ұсынылуы талап етілетін әрбір тұлғаға кепілдің бір нысанын таңдап алуға рұқсат, кеден қызметіне қолайлы болатын шартымен беріледі.
Тармақ 5. 4. Стандарттық ереже Егер ұлттық заңнамамен көзделген жағдайларда, кеден қызметі, егер ол онымен алынған міндеттеме орындалатындығына көзі жетсе, кепілдің ұсынылуын талап етпейді.
Тармақ 5. 5. Стандарттық ереже Кедендік рәсімдерден туатын міндеттеменің орындалуын қамтамасыз ету үшін кепілдің ұсынылуы талап етілген жағдайларда, кеден қызметі басты кепілді қабылдайды, оның ішінде осы кеден аумағында әртүрлі кеден органдарында тауарларды тұрақты декларациялайтын декларанттардан да қабылдайды.
Тармақ 5. 6. Стандарттық ереже Кепілдің ұсынылуы талап етілген жағдайларда, осы кепілдердің жалпы сомасы ең төмен болуы мүмкін және қажет болған жағдайда алынуға жатқызылатын төлеуге қатысты баждар мен салықтар сомасынан аспайды.
Тармақ 5. 7. Стандарттық ереже Кепілдер ұсынылған жағдайларда, осы кепілдер бойынша міндеттемелерден босату кеден қызметінің осы кепілдердің ұсынылуы орындалуын қамтамасыз етудегі міндеттердің тиісінше орындалуына көзі жеткеннен кейін мүмкіндігінше қысқа мерзімде жүзеге асырады.
Тармақ 6. 1. Стандарттық ереже Кеден аумағына әкелінетін немесе одан тысқары әкетілетін барлық тауарлар, көлік құралдарын қоса алғанда, олардан кедендік баждар мен салықтардың алынуына қарамастан кедендік бақылауға жатқызылады.
Тармақ 6. 2. Стандарттық ереже Кедендік бақылау кедендік заңнаманың сақталуын қамтамасыз ету үшін қажетті төменгі мөлшермен ғана шектеледі.
Тармақ 6. 3. Стандарттық ереже Кедендік бақылаудың нысанын таңдау кезінде тәуекелді басқару жүйесі пайдаланылады.
Тармақ 6. 4. Стандарттық ереже Кеден қызметі тексеруге жатқызылатын тұлғаларды және тауарларды, іш құралдарын қоса алғанда және осындай тексерудің дәрежесін анықтау үшін тәуекелді талдау әдісін қолданады.
Тармақ 6. 5. Стандарттық ереже Кеден қызметі тәуекелді басқару жүйесін қолдау мақсатында заңнаманың сақталмауы ықтималдығын бағалау шаралары жүйесіне негізделетін стратегия қабылдайды.
Тармақ 6. 6. Стандарттық ереже Кедендік бақылау жүйесі өзіне аудит әдістеріне негізделген бақылауды қамтиды.
Тармақ 6. 7. Стандарттық ереже Кеден қызметі кедендік бақылауды жетілдіру мақсатында басқа кеден қызметтерімен ынтымақтастық жасауға және өзара көмек туралы келісім жасауға ұмтылады.
Тармақ 6. 8. Стандарттық ереже Кеден қызметі кедендік бақылауды жетілдіру мақсатында сыртқы саудаға қатысушылармен ынтымақтастық жасауға және өзара түсіністік туралы меморандум жасауға ұмтылады.
Тармақ 6. 9. Өтпелі кезеңді стандарттық ереже Кеден қызметі кедендік бақылауды жетілдіру үшін мүмкін болған жерлерде, ақпараттық технологияларды және электрондық коммуникация құралдарын қолданады.
Тармақ 6. 10. Стандарттық ереже Кеден қызметі сыртқы саудаға қатысушылардың кедендік операциялар жүргізу кезінде қолданатын электрондық коммуникациялар жүйесін кеден қызметінің талаптарына олардың сәйкестігін анықтау мақсатында бағалайды.
Тармақ 7. 1. Стандарттық ереже Кедендік операцияларды қамтамасыз ету мақсатында кеден қызметі ақпараттық технологияларды, егер олар кеден қызметі және сыртқы саудаға қатысушылар үшін экономикалық пайдалы және тиімді болған жағдайда қолданады. Кеден қызметі оларды қолдану шарттарын белгілейді.
Тармақ 7. 2. Стандарттық ереже Компьютерлік жүйелерді енгізу кезінде кеден қызметі тиісті халықаралық стандарттарды қолданады.
Тармақ 7. 3. Стандарттық ереже Ақпараттық технологияларды енгізу кезінде мүмкіндігінше, барлық тікелей мүдделі тұлғалармен барынша ауқымды консультациялар жүзеге асырылады.
Тармақ 7. 4. Стандарттық ереже Ұлттық заңнаманың жаңа немесе өзгерген нормалары: - жазбаша құжаттарды ұсыну талабына балама ретінде ақпарат алмасудың электрондық тәсілдерін; - шынайылығын және бірдейлігін растау әдістерінің электрондық және құжаттық дәлме-дәлдігін; - кеден қызметінің кеден мақсатында және қажет жағдайда, басқа кеден қызметтерімен және басқа да барлық тұтынушылармен, егер заңмен рұқсат етілсе, ақпарат алмасудың электрондық әдістерінің көмегімен ақпарат алмасу үшін өзінде ақпаратты қалдыру құқығын көздеуі тиіс.
Тармақ 8. 1. Стандарттық ереже Мүдделі тұлғалар өзінің таңдауы бойына кеден қызметімен жеке немесе оның атынан әрекет ететін уәкілетті үшінші тұлғалар арқылы өзара қатынас жасайды.
Тармақ 8. 2. Стандарттық ереже Ұлттық заңнама, үшінші тұлға мүдделі тұлғаның атынан және тапсырыс бойынша кеден қызметімен өзара қатынаста оны сақтауымен әрекет ететін шартты анықтайды және үшінші тұлғаның кеден қызметі алдында баждар мен салықтарды төлеуде, сондай-ақ әрбір бұзушылыққа жауаптылығын айқындайды.
Тармақ 8. 3. Стандарттық ереже Мүдделі тұлғаның таңдауы бойынша өз атынан жасалатын кедендік операцияларды жүргізу кезінде, осы мүдделі тұлғаға үшінші тұлғамен жасалатын кедендік операцияларды жүргізу кезінде белгіленген және қойылатын талаптардың, қолайлы жағдайлардан төмен болмауы немесе ең қатал талаптар қойылмауы тиіс.
Тармақ 8. 4. Стандарттық ереже Уәкілетті үшінші тұлға оған кеден қызметімен өзара қатынаста өзінің мүддесін білдіруге уәкілеттік беретін тұлғамен бірдей құқықтарға ие болады.
Тармақ 8. 5. Стандарттық ереже Кеден қызметі сыртқы саудаға қатысушылармен ресми консультациялар жүргізу кезінде үшінші тұлғалардың қатысу мүмкіндігін қарастырады.
Тармақ 8. 6. Стандарттық ереже Кеден қызметі үшінші тұлғалардың кедендік операцияларға қатысуға жіберілмеу шарттарын белгілейді.
Тармақ 8. 7. Стандарттық ереже Кеден қызметі үшінші тұлғаны кедендік операцияларға қатыстырудан бас тарту туралы шешімі жөнінде оны жазбаша түрде хабардар етеді.
Тармақ 9. 1. Стандарттық ереже Кеден қызметі кеден заңнамасын қолдану жөніндегі жалпы сипаттағы барлық қажетті ақпаратқа әрбір мүдделі тұлғаның кедергісіз қол жеткізуін қамтамасыз етеді.
Тармақ 9. 2. Стандарттық ереже Егер қол жеткізу қамтамасыз етілген ақпарат, кеден заңнамасының немесе әкімшілік талаптардың және нұсқамалардың өзгеруіне байланысты түзетулерді қажет етсе, онда кеден қызметі алдын ала хабардар ету мүмкін емес жағдайды қоспағанда, мұндай өзгерістер күшіне енгенге дейін, мүдделі тұлғалардың осы өзгерістерді ескеруіне жеткілікті мерзімдерге нақтыланған ақпаратқа кедергісіз қол жеткізуді уақтылы қамтамасыз етеді.
Тармақ 9. 3. Стандарттық ереже Кеден қызметі ақпарат алуға қол жеткізуді жеңілдету мақсатында ақпараттық технологияларды қолданады.
Тармақ 9. 4. Стандарттық ереже Мүдделі тұлғаның сұрау салуы бойынша кеден қызметі мүдделі тұлғаның кеден заңнамасы саласында қойған нақты сұрақтары бойынша мүмкіндігінше қысқа мерзімдерде мүмкіндігінше нақты ақпарат береді.
Тармақ 9. 5. Стандарттық ереже Кеден қызметі сұрау салынған ақпаратты ғана емес, өзі мүдделі тұлғаның назарына жеткізуді орынды деп санайтын, іске қатысты кез келген басқа ақпаратты да береді.
Тармақ 9. 6. Стандарттық ереже Ақпарат берілген жағдайда кеден қызметі, мұндай жария ету ұлттық заңнамада жазылған немесе рұқсат етілген жағдайларды қоспағанда, кеден қызметінің немесе үшінші тұлғалардың мүдделерін қозғайтын жеке және құпия сипаттағы мәліметтердің жария етілмеуін қамтамасыз етуге міндетті.
Тармақ 9. 7. Стандарттық ереже Егер кеден қызметі ақпаратты тегін бере алмаса, төлем мөлшері көрсетілген қызметтің шамамен алғандағы құнымен шектеледі.
Тармақ 9. 8. Стандарттық ереже Кеден қызметі мүдделі тұлғаның жазбаша өтініші бойынша өз шешімін ұлттық заңнамада белгіленген нысанда және мерзімде ұсынады. Егер шешім мүдделі тұлға үшін қолайсыз болса, соңғысына оны шығару себептері хабарланады және шағым беру құқығы түсіндіріледі.
Тармақ 9. 9. Стандарттық ереже Кеден қызметі мүдделі тұлғаның сұрауы бойынша, кеден қызметінің барлық қажетті ақпаратқа ие болуы шартымен, орындау үшін міндетті нұсқамалар шығарады.
Тармақ 10. 1. Стандарттық ереже Ұлттық заңнама кеден мәселелері бойынша шағымдану құқығын көздейді.
Тармақ 10. 2. Стандарттық ереже Құқықтары мен мүдделері кеден қызметінің шешімімен немесе әрекетсіздігімен тікелей қозғалған кез келген тұлғаның шағымдануға құқығы бар.
Тармақ 10. 3. Стандарттық ереже Құқықтары мен мүдделері кеден қызметінің шешімімен немесе әрекетсіздігімен қозғалған тұлғаға оның кеден қызметіне сұрау салуы бойынша және ұлттық заңнамада белгіленген мерзімде шағым беруге әкеп соқтыратын немесе соқтырмайтын мұндай шешімнің немесе әрекетсіздіктің себебі хабарланады.
Тармақ 10. 4. Стандарттық ереже Ұлттық заңнама кеден қызметіне бастапқы шағым беру құқығын көздейді.
Тармақ 10. 5. Стандарттық ереже Шағымды кеден қызметі қанағаттандырусыз қалдырған жағдайда, шағым берушінің кеден қызметіне тәуелсіз органға одан әрі шағымдануға құқығы бар.
Тармақ 10. 6. Стандарттық ереже Шағым беруші соңғы сатыда сот органына жүгінуге құқылы.
Тармақ 10. 7. Стандарттық ереже Шағым жазбаша нысанда беріледі; ол дәлелді болуға тиіс.
Тармақ 10. 8. Стандарттық ереже Кеден қызметінің шешіміне шағым беру үшін шағым берушіге шағымданатын шешімді зерделеу және шағым дайындау үшін жеткілікті уақыт беретін мерзім белгіленеді.
Тармақ 10. 9. Стандарттық ереже Кеден органдарына шағым берілген жағдайда, кеден қызметі сонымен бір мезгілде қандай да бір растау дәлелдемелерін бір мезгілде беруді талап етпейді, бірақ жекелеген жағдайларда мұндай дәлелдемелер беру үшін жеткілікті уақыт бөледі.
Тармақ 10. 10. Стандарттық ереже Кеден қызметі шағым бойынша шешім шығарады және арыз иесіне мүмкіндігінше қысқа мерзімде тиісті жазбаша хабарлама жібереді.
Тармақ 10. 11. Стандарттық ереже Егер кеден қызметі шағымды қанағаттандырудан бас тартса, ол себебін жазбаша нысанда көрсетеді және арыз иесіне оның тиісті әкімшілік немесе тәуелсіз органға одан әрі шағымдану құқығы туралы, сондай-ақ мұндай шағымды беру үшін бөлінген мерзім туралы хабардар етеді.
Тармақ 10. 12. Стандарттық ереже Егер шағым қанағаттандырылса, кеден қызметі мейлінше қысқа мерзімде өз шешімін немесе кеден қызметі мұндай қаулыға шағымданатын жағдайларды қоспағанда, тәуелсіз органның не сот органының қаулысын орындайды.
Тармақ 1. Стандарттық ереже Тауарларға декларация берудің алдындағы кедендік формальдылықтар осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Ұсынылатын ереже Тауарларға декларация берудің алдындағы кедендік формальдылықтар тауарлар шығарылған елден немесе олар жіберілген елден тәуелсіз бірдей қолданылуға тиіс.
Тармақ 5. Стандарттық ереже Тауарларды кедендік аумаққа әкелу тасымалдаушының талап етілетін жерлерде, белгіленген бағыттарды сақтай отырып, оларды кідіріссіз тікелей кеден органына немесе кеден қызметі белгілеген басқа жерге жеткізу міндетін туындатады. Бұл ретте тауарлардың жай-күйін өзгертуге немесе олардың орамын бұзуға, сондай-ақ кедендік пломбаларды бүлдіруге жол берілмейді. Осы Стандарттық ереже кедендік аумақты осы кедендік аумақта орналасқан портта немесе әуежайда тоқтамай кесіп өтетін теңіз немесе әуе кемелерімен тасымалданатын тауарларға қатысты қолданылмайды.
Тармақ 6. Стандарттық ереже Егер тауарларды олар кедендік аумаққа әкелінетін жерлерден уәкілетті кеден органына немесе басқа белгіленген жерге жеткізу аварияның немесе форс-мажорлық жағдайлардың салдарынан тоқтатылатын болса, тасымалдаушы тауарлардың рұқсатсыз пайдаланылуына жол бермеу үшін және кедендік билікті немесе басқа құзыретті органдарды тауарларды жеткізуді тоқтатудың себебі болған аварияның сипаты не басқа жағдайлар туралы хабардар ету үшін барлық оңтайлы шараларды қабылдауға міндетті.
Тармақ 8. Стандарттық ереже Кеден қызметі өзіне тауарлар көрсетілуіне байланысты құжаттарды талап еткен жағдайда бұл құжаттарда қамтылған ақпарат тауарлар мен көлік құралын сәйкестендіру үшін қажетті мәліметтермен ғана шектеледі.
Тармақ 9. Ұсынылатын ереже Кеден қызметі талап етілетін мәліметтерді тасымалдаушының әдеттегі құжаттарында қамтылатындармен шектеуге тиіс және осы мақсаттарда көлік саласына жататын халықаралық келісімдерде көзделген талаптарға сүйенуге тиіс.
Тармақ 10. Ұсынылатын ереже Кеден қызметі әдетте жүк декларациясын тауарларды көрсету үшін талап етілетін жалғыз құжат ретінде қабылдауға тиіс.
Тармақ 11. Ұсынылатын ереже Тауарларды көрсету үшін талап етілетін құжаттарды қабылдауға жауапты кеден органы тауарларға декларация қабылдауға да уәкілетті болуға тиіс.
Тармақ 12. Ұсынылатын ереже Егер кеден қызметіне ұсынылатын құжаттар осы мақсат үшін пайдаланылуы келісілмеген тілде немесе тауарлар әкелінетін елдің тілі болып табылмайтын тілде жасалған болса, кеден қызметі бұл құжаттарда қамтылған егжей-тегжейлі мәліметтердің аудармасын талап етпейді.
Тармақ 14. Ұсынылатын ереже Тасымалдаушының сұрау салуы бойынша және кеден қызметі негізді деп таныған себептер бойынша ол мүмкіндігіне қарай кеден органының жұмыс уақытынан тыс тауарларға декларация берудің алдындағы кедендік формальдылықтарды орындауға рұқсат беруге міндетті.
Тармақ 16. Ұсынылатын ереже Мүдделі тұлғаның сұрауы бойынша және кеден қызметі негізді деп таныған себептер бойынша ол тауарларды осы мақсаттар үшін белгіленгеннен өзге орындарда түсіруді жүзеге асыруға рұқсат беруге міндетті.
Тармақ 18. Ұсынылатын ереже Мүдделі тұлғаның сұрауы бойынша және кеден қызметі негізді деп таныған себептер бойынша ол мүмкіндігіне қарай түсіруді кеден органының жұмысынан тыс уақытта жүзеге асыруына рұқсат етуге міндетті.
Тармақ 19. Стандарттық ереже Мыналарға: - кеден органының жұмысынан тыс уақытта тауарларға декларация берудің алдындағы кедендік формальдылықтарды орындауға; - тауарларды осы мақсаттар үшін белгіленгеннен басқа орындарда түсіруге; немесе - тауарларды кеден органының, жұмысынан тыс уақытта түсіруге байланысты кеден қызметі өндіріп алатын алымдар көрсетілген қызметтердің болжамды құнымен шектеледі.
Тармақ 1. Стандарттық ереже Тауарларды уақытша сақтау осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Кеден қызметі бұл сауда қажеттіліктерін қанағаттандыруды қамтамасыз ету үшін қажет деп санаған барлық жағдайларда уақытша қоймалар құруға рұқсат береді.
Тармақ 3. Ұсынылатын ереже Олардың санына, шығарылған еліне немесе олар жіберілген елге қарамастан, барлық тауарларға қатысты уақытша сақтауға рұқсат етілуге тиіс. Сонымен бірге қауіпті тауарларды, басқа тауарларды бүлдіруі мүмкін тауарларды немесе арнайы сақтау жағдайларын талап ететін тауарларды арнайы жабдықталған және құзыретті органдар оларды қабылдау үшін белгілеген қоймаларда уақытша сақтауға рұқсат етілуге тиіс.
Тармақ 4. Стандарттық ереже Тауарларды уақытша сақтауға орналастыру үшін талап етілетін жалғыз құжат осы тауарлардың сипаттамасын қамтитын және оларды кеден қызметіне ұсынған кезде пайдаланылған құжат болып табылады.
Тармақ 5. Ұсынылатын ереже Осы жүк декларациясында немесе басқа коммерциялық құжатта аталған барлық тауарларды уақытша қоймаға орналастыру шартымен кеден қызметі жүк декларациясын немесе басқа коммерциялық құжатты тауарларды уақытша сақтауға орналастыру үшін қажетті жалғыз құжат ретінде қабылдауға міндетті.
Тармақ 6. Стандарттық ереже Кеден қызметі уақытша қоймаларды құруға, жайластыруға және олардың жұмысын ұйымдастыруға қатысты талаптарды, сондай-ақ тауарларды сақтау, қойма есебі мен есептілігін жүргізу үшін және кедендік бақылауды жүзеге асыру үшін шарттарды белгілейді.
Тармақ 7. Стандарттық ереже Уақытша сақтаудағы тауарларға қатысты кеден қызметі негізді деп таныған себептер бойынша олардың өзгермеген түрде сақталуын қамтамасыз ету үшін қажетті әдеттегі операцияларды жүзеге асыруға рұқсат етіледі.
Тармақ 8. Ұсынылатын ереже Уақытша сақтаудағы тауарларға қатысты кеден қызметі негізді деп таныған себептер бойынша оларды уақытша қоймадан әкетуді және кейіннен тасымалдауды тездету үшін қажетті әдеттегі операцияларды жүзеге асыруға рұқсат етілуге тиіс.
Тармақ 9. Стандарттық ереже Егер ұлттық заңнамада уақытша сақтаудың шектеулі мерзімі белгіленсе, бұл мерзім импорттаушының тауарларды қандай да бір басқа кедендік режимге орналастыру үшін қажетті формальдылықтарды толық орындауға мүмкіндігі болуы үшін жеткілікті болуға тиіс.
Тармақ 10. Стандарттық ереже Мүдделі тұлғаның сұрауы бойынша және кеден қызметі негізді деп таныған себептер бойынша ол бастапқыда белгіленген мерзімді ұзартуға міндетті.
Тармақ 11. Ұсынылатын ереже Уақытша қоймадан әкетілгенге дейін аварияның немесе форс-мажорлық жағдайлардың салдарынан жарамсыз болып алған, бұзылған немесе бүлінген тауарларға қатысты олардың жарамсыздығы, бұзылуы немесе бүлінуі кеден қызметі үшін қанағаттанарлық дәрежеде белгілену шартымен, тауарлар жарамсыз, бұзылған немесе бүлінген жағдайда әкелінгендегідей кедендік ресімдеуге рұқсат етілуге тиіс.
Тармақ 12. Стандарттық ереже Тауарларға билік етуге құқылы кез келген тұлға әрбір жағдайда қолданылатын шарттар мен формальдылықтарды сақтау шартымен оларды уақытша қоймадан әкетуге құқылы.
Тармақ 13. Стандарттық ереже Ұлттық заңнамада тауарлар уақытша қоймадан белгіленген мерзімде әкетілмеген жағдайда ұстану қажет тәртіп белгіленеді.
Тармақ 1. Стандарттық ереже Еркін айналыс үшін шығару осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Ұсынылатын ереже Ұлттық заңнамада тауарларды декларациялаудың стандартты нысанына балама түрде, олардың еркін айналыс үшін шығаруға арналған тауарларға қатысты қажетті деректерді ұсынуды қамтамасыз етуі шартымен тауарларды декларациялау нысандары көзделуге тиіс.
Тармақ 1. Стандарттық ереже Кері импорт осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Әкетілген тауарлардың бір бөлігі ғана кері әкелінген жағдайда да кері импортқа рұқсат етіледі.
Тармақ 3. Стандарттық ереже Бұл жағдайлармен ақталатын болса, тауарларды кері әкелуді оларды әкеткен тұлғадан өзге тұлға жүзеге асырса да кері импортқа рұқсат етіледі.
Тармақ 4. Стандарттық ереже Тауарлар пайдаланылған немесе бүлінген не олар шетелде болған уақытта тозған жай-күйге ұшыраған деген негіздемемен кері импорттан бас тартылмауға тиіс.
Тармақ 5. Стандарттық ереже Тауарлар шетелде болған уақытта олардың сақталуын немесе пайдаланылуын қамтамасыз ету үшін қажетті операцияларға ұшырады деген негіздемемен кері импорттан бас тартылмауға тиіс, алайда мұндай операциялар олардың әкетілген сәтіндегі құнының ұлғаюына алып келмеуі шарт.
Тармақ 6. Стандарттық ереже Кері импорт шетелден тікелей әкелінетін тауарлармен шектелмейді, алайда басқа кедендік режимге орналастырылған тауарлар үшін де кері импортқа жол беріледі.
Тармақ 7. Стандарттық ереже Тауарлар олардың болжамды кері әкелінуі туралы жарияланбай шығарылды деген негіздемемен кері импорттан бас тартылмауға тиіс.
Тармақ 8. Стандарттық ереже Егер аяқталуына қарай кері импортқа жол берілмейтін мерзім белгіленген болса, ол мерзімінің ұзақтығы әрбір жағдайға қатысты әрқилы жағдайларды ескеру үшін жеткілікті болуға тиіс.
Тармақ 9. Стандарттық ереже Мұндай көрсету кері импортқа ықпал ететін жағдайларда ғана кеден қызметі кері импортталатын тауарларды олар әкетілген кеден органына көрсетуді талап етеді.
Тармақ 10. Стандарттық ереже Тауарларды халықаралық тасымалдау үшін пайдаланылатын коммерциялық мақсаттағы орамдардың, контейнерлердің, поддондар мен көлік құралдарының кері импорты үшін тауарларға жазбаша декларация талап етілмейді, тек қана коммерциялық мақсаттағы бұл орамдардың, контейнерлердің, поддондар мен көлік құралдарының әкеткен кезде еркін айналыста болғаны кеден қызметі үшін қанағаттанарлық тәсілмен расталуы шарт.
Тармақ 11. Стандарттық ереже Декларанттың сұрауы бойынша кеден қызметі тауарларды болжамды кері әкелінуі туралы жариялай отырып әкетуге рұқсат береді және олардың кері импортына ықпал ететін барлық қажетті шараларды қабылдайды.
Тармақ 12. Стандарттық ереже Кеден қызметі болжамды кері әкелінуі туралы жариялана отырып әкетілетін тауарларды сәйкестендіруге қатысты талаптарды белгілейді. Бұл ретте кеден қызметі тауарлардың сипатын және қозғалатын мүдделердің маңыздылығын ескереді.
Тармақ 13. Ұсынылатын ереже Болжамды кері әкелінуі туралы жариялана отырып әкетілетін тауарларға қатысты қолданылатын әкету баждары мен салықтардан шартты босату ұсынылуға тиіс.
Тармақ 14. Стандарты ереже Егер тиісті шарттар мен әрбір жағдайда қолданылатын формальдылықтар сақталса, мүдделі тұлғаның сұрауы бойынша кеден қызметі тауарларды болжамды кері әкелінуі туралы жариялай отырып әкетуді түпкілікті әкетуге ауыстыруға рұқсат береді.
Тармақ 15. Ұсынылатын ереже Егер бір және нақ сол тауар болжамды кері әкелу туралы жариялана отырып бірнеше рет әкетілсе, декларанттың сұрауы бойынша кеден қызметі тауарды алғаш әкеткен кезде берілетін, кері әкелу туралы жариялай отырып әкетуге арналған декларацияның кейінгі кері импорт жағдайлары мен бұл тауарды белгілі бір уақыт ішінде әкету үшін жарамды болуына рұқсат етуге міндетті.
Тармақ 1. Стандарттық ереже Еркін айналысқа шығару үшін мәлімделген тауарларға қатысты әкелу баждары мен салықтардан босату осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Ұлттық заңнамада әкелу баждары мен салықтардан босату ұсынылатын жағдайлар айқындалады.
Тармақ 3. Стандарттық ереже Әкелу баждары мен салықтардан босату шетелден тікелей әкелінетін тауарлармен шектелмейді, сондай-ақ басқа кедендік режимге орналастырылған тауарлар үшін де әкелу баждары мен салықтардан босатуға рұқсат етіледі.
Тармақ 4. Ұсынылатын ереже Әкелу баждары мен салықтардан босату, халықаралық шартқа сәйкес мұндай босату өзара келісім шарттарында ұсынылатын жағдайларды қоспағанда, тауарлар шығарылған елден немесе олар жіберілген елден тәуелсіз ұсынылуға тиіс.
Тармақ 5. Стандарттық ереже Ұлттық заңнама әкелу баждары мен салықтардан босату үшін алдын ала рұқсат қажет болатын жағдайлардың тізбесін айқындайды және мұндай рұқсатты беруге уәкілетті органдарды белгілейді. Мұндай жағдайлар барынша аз болуға тиіс.
Тармақ 6. Ұсынылатын ереже Уағдаласушы тараптар халықаралық шарттарда көзделген тауарларға қатысты әкелу баждары мен салықтардан босатуды ұсынған кезде оларда негізі қаланған шарттарды назарға алуға, сондай-ақ мұндай халықаралық шарттарға қосылу мүмкіндігін егжей-тегжейлі зерделеуге міндетті.
Тармақ 7. Ұсынылатын ереже Мынадай тауарларға қатысты әкелу баждары мен салықтардан және экономикалық сипаттағы тыйымдар мен шектеулерден босату төменде көрсетілген шарттарда, сондай-ақ мұндай босатуды ұсыну үшін ұлттық заңнамада көзделген барлық басқа талаптар сақталған кезде ұсынылуға тиіс: а) құзыретті органдар уәкілеттік берген ұйымдарға немесе зертханаларға арналған жағдайларда адамнан алынған емдік препараттар, қан тобын айқындауға арналған реактивтер мен тіндер; б) кеден қызметі құны мардымсыз деп қарастыратын және өзімен бірдей түрдегі тауарларға тапсырыс алу мақсатында ғана пайдаланылуға тиіс коммерциялық құны жоқ үлгілер; в) өнеркәсіптік, коммерциялық немесе ауыл шаруашылығы мақсатындағы қондырғылардан немесе жабдықтан басқа, адамның немесе оның отбасы мүшелерінің жеке және кәсіби мақсаттарда пайдалануына арналған, оның осы елге тұрғылықты мекен-жайға көшуі мақсатында елге осы адаммен бірге немесе одан бөлек әкелінетін жылжымалы мүлік; г) бұрынғы иесі қайтыс болған сәтте әкеліну елінде негізгі тұрғылықты мекен-жайы бар тұлғаға мұраға қалған заттар, бұл жеке мүлік заттарын қайтыс болған иесі жеке мақсаттарда пайдалануы шарт; д) спиртті, алкогольді сусындар мен темекі бұйымдарын қоспағанда, жалпы құны олардың бөлшек саудадағы құнының негізінде ұлттық заңнамада белгіленген мөлшерден аспайтын жеке сыйлықтар; е) мұқтаж адамдарға ұйымның немесе ол бақылай отырып тегін таратуы үшін уәкілетті қайырымдылық немесе филантроптық ұйымға сыйға берілетін тамақ өнімдері, дәрі-дәрмек, киім мен көрпе сияқты тауарлар; ж) кеден қызметі талап ететін растаушы құжаттарды ұсыну шартымен әкелу елінде тұрақты тұратын тұлғаларға сыйлықтар; з) әскери қорымдарды салуға, күтіп ұстауға немесе ресімдеуге арналған материалдар; құзыретті органдар бұған уәкілеттік берген ұйымдар әкелетін табыттар, жерлеу урналары және ресімдеуге арналған жерлеу заттары; и) ұлттық заңнамада айқындалған, коммерциялық құны жоқ құжаттар, бланктер, жарияланымдар, есептер мен өзге де заттар; к) діни табынушылық заттары; және л) мұндай өнімдердің әкелінетін көлемі тестілеу үшін нақты қажетті көлемнен асып түспеу шартымен және тестілеу барысында бұл өнімдердің толық пайдаланылуы немесе оларды кері әкету не қалған өнімдерді кеден қызметінің бақылауымен коммерциялық жарамсыз жай-күйге келтіру шартымен тестілеу үшін әкелінетін өнімдер.
Тармақ 1. Міндетті ереже Түпкілікті әкету осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Ұсынылатын ереже Ұлттық заңнамада олардың түпкілікті әкетуге арналған тауарларға қатысты қажетті деректерді ұсынуды қамтамасыз етуі шартымен тауарларды декларациялаудың стандарттық нысанына балама түрде тауарларға арналған декларациялар көзделуге тиіс.
Тармақ 3. Міндетті ереже Кеден қызметі тауарлардың шет елге келу фактісін міндетті түрде растауды талап етпейді.
Тармақ 1. Стандарттық ереже Кедендік қойма режимі осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Ұсынылатын ереже Ұлттық заңнамада тауарларға билік етуге құқығы бар кез келген тұлғаға қол жетімді кедендік қоймалар (ашық кедендік қоймалар) көзделеді.
Тармақ 3. Стандарттық ереже Ұлттық заңнамада сауданың ерекше қажеттіліктерін қанағаттандыру үшін қажет жағдайларда белгілі бір тұлғалардың ғана пайдалануына арналған кедендік қоймалар (жабық кедендік қоймалар) көзделеді.
Тармақ 4. Стандарттық ереже Кеден қызметі кедендік қоймаларды құруға, жайластыруға және олардың жұмысын ұйымдастыруға, сондай-ақ кедендік бақылау мақсатында қабылданатын шараларға қатысты талаптарды белгілейді. Тауарларды кедендік қоймаларда сақтау жөнінде, есепті және есептілікті жүргізу жөнінде қабылданатын шаралар кеден қызметімен келісілуге тиіс.
Тармақ 5. Ұсынылатын ереже Тауарлардың санына, шығарылған еліне, жіберілген еліне немесе мақсатына қарамастан, ашық кедендік қоймаларда әкелу баждары мен салық салынатын немесе мына: - қоғамдық мораль немесе тәртіп, қоғамдық қауіпсіздік, қоғамдық гигиена немесе денсаулық не ветеринариялық немесе фитосанитарлық ережелер; - патенттер, сауда таңбалары мен авторлық құқықтар бойынша құқықтарды қорғау түсініктеріне негізделе отырып белгіленгендерден басқа тыйымдар мен шектеулер салынатын әкелінетін тауарлардың барлық түрлерін сақтауға рұқсат етілуге тиіс. Қауіпті тауарларды, басқа тауарларды бүлдіруі мүмкін тауарларды немесе арнайы сақтау шарттарын талап ететін тауарларды осындай тауарларды сақтауға арнайы арналған кедендік қоймаларда сақтауға рұқсат етілуге тиіс.
Тармақ 6. Стандарттық ереже Кеден қызметі жабық кедендік қоймаларда сақтауға рұқсат етілетін тауарлардың түрлерін айқындайды.
Тармақ 7. Ұсынылатын ереже Оларға қатысты оларды әкеткен кезде әкелу баждары мен салықтарды қайтару көзделетін тауарлар олардың кейіннен әкетуге арналуы шартымен мұндай қайтаруға құқық алу мақсатында кедендік қоймаларға жіберілуі мүмкін.
Тармақ 8. Ұсынылатын ереже Уақытша әкелу режимімен орналастырылған тауарлар оларды кейіннен әкету немесе оларға басқа да рұқсат етілген билік ету мақсатында осы режим бойынша міндеттемелер тоқтатыла немесе аяқтала отырып, кедендік қоймаларға жіберілуі мүмкін.
Тармақ 9. Ұсынылатын ереже Ішкі баждар мен салықтар салынуға жататын немесе салынған, әкетуге арналған тауарлар олардың кейіннен әкетуге арналуы шартымен босату немесе осындай ішкі баждар мен салықтарды қайтарып алуға құқық алу мақсатында кедендік қоймаларға жіберілуі мүмкін.
Тармақ 10. Стандарттық ереже Кеден қызметі негізді деп таныған негіздемелер болған кезде сақтаудағы тауарларға билік ету құқығы бар кез келген тұлғаға: а) тауарларды тексеруге; б) бұл қолданылатын жерде әкелу баждары мен салықтарды төлей отырып, үлгілер/сынамалар алуға; в) тауарлардың сақталуын қамтамасыз ету үшін қажетті операцияларды жасауға; және г) олардың орамдарын немесе тауарлық сапасын жақсарту үшін не оларды түсіруге дайындау үшін қажетті партияларды бөлшектеу, орамдау орындарын топтастыру, сұрыптау, таңбалау және тауарларды қайта орамдау сияқты тауарларды өңдеу жөніндегі өзге де әдеттегі операцияларды жасауға рұқсат етіледі.
Тармақ 11. Стандарттық ереже Кеден қызметі сауда қажеттіліктерін ескере отырып, тауарларды кедендік қоймада сақтау үшін рұқсат етілген ең ұзақ мерзімді белгілейді; тез бұзылмайтын тауарларға қатысты мұндай мерзім бір жылдан кем болмауға тиіс.
Тармақ 12. Стандарттық ереже Кедендік қоймадағы тауарларға меншік құқығын беруге рұқсат етіледі.
Тармақ 13. Стандартық ереже Кедендік қойма режимінде болған уақытта аварияның немесе форс-мажорлық жағдайлардың нәтижесінде жарамсыз болып қалған немесе бүлінген тауарларға қатысты бұл жарамсыздық немесе бүліну кеден қызметі үшін қанағаттанарлық дәрежеде белгілену шартымен олар жарамсыз, бұзылған немесе бүлінген жағдайда әкелінгендегідей оларды еркін айналыс үшін декларациялауға рұқсат етіледі.
Тармақ 14. Стандарттық ереже Тауарларға билік етуге құқылы кез келген тұлғаға тауарларды басқа кедендік қоймаға ауыстыру немесе оларды өзге кедендік режимге орналастыру үшін әрбір жағдайда қолданылатын шарттар мен формальдылықтарды сақтау шарты мен оларды кедендік қоймадан толық немесе олардың бір бөлігін алуға рұқсат етіледі.
Тармақ 15. Стандарттық ереже Ұлттық заңнамада тауарлар кедендік қоймадан белгіленген мерзімде әкетілмеген жағдайда ұстану қажет тәртіп белгіленеді.
Тармақ 16. Стандарттық ереже Кедендік қойма таратылған жағдайда әрбір жағдайда қолданылатын шарттар мен формальдылықтарды сақтай отырып, мүдделі тұлғаларға тауарларды басқа кедендік қоймаға ауыстыру немесе оларды өзге кедендік режимге орналастыру үшін жеткілікті уақыт берілуге тиіс.
Тармақ 1. Стандарттық ереже Еркін аймақтарға қолданылатын кедендік ережелер осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Ұлттық заңнамада еркін аймақтарды құруға, мұндай аймақтарға жіберілуі мүмкін тауарлар санатына қатысты шарттар айқындалады және тауарлар еркін аймақтарда болған уақытта олармен жасалуы мүмкін операциялардың сипаты көзделеді.
Тармақ 3. Стандарттық ереже Кеден қызметі еркін аймақтарды жайластыруға, құруға және жоспарлауға қатысты тиісті талаптарды қоса алғанда, кедендік бақылауды жүзеге асырудың шарттарын айқындайды.
Тармақ 4. Стандарттық ереже Кеден қызметі кез келген уақытта еркін аймақтағы тауарларды бақылауды жүзеге асыруға құқылы.
Тармақ 5. Стандарттық ереже Еркін аймаққа тікелей шетелден әкелінген тауарлар ғана емес, мүдделі Уағдаласушы тараптың кедендік аумағынан әкелінген тауарлар да жіберіледі.
Тармақ 6. Ұсынылатын ереже Тауарлардың шығарылған еліне, жіберген еліне немесе нысаналы мақсатына қарамастан, шетелден әкелінген тауарларды еркін аймаққа жіберуден тауарларға: - қоғамдық мораль немесе тәртіп, қоғамдық қауіпсіздік, қоғамдық гигиена денсаулық не ветеринариялық немесе фитосанитарлық ережелер; немесе - патенттер, сауда таңбалары мен авторлық құқықтар бойынша құқықтарды қорғау түсініктеріне негізделе отырып белгіленгендерден басқа тыйымдар немесе шектеулер салынған деген негіздемемен бас тартылмауға тиіс. Қауіпті тауарларды, басқа тауарларды бүлдіруі мүмкін тауарларды немесе арнайы сақтау шарттарын талап ететін тауарларды арнайы осындай тауарларды сақтауға арналған еркін аймақтарда сақтауға рұқсат етілуге тиіс.
Тармақ 7. Стандарттық ереже Оларға қатысты әкелу баждары мен салықтардан босату немесе бұл тауарларды әкеткен кезде оларды қайтару көзделетін, еркін аймаққа жіберілетін тауарлар еркін аймаққа орналастырылғаннан кейін осындай босатуды немесе қайтаруды алады.
Тармақ 8. Стандарттық ереже Оларға қатысты ішкі баждар мен салықтардан босату немесе бұл тауарларды әкеткен кезде оларды қайтару көзделетін, еркін аймаққа жіберілетін тауарлар еркін аймаққа орналастырылғаннан кейін осындай босатуды немесе қайтаруды алады.
Тармақ 9. Ұсынылатын ереже Егер тауарларға арналған ілеспе құжаттарда қажетті мәліметтер бар болса, кеден қызметі еркін аймаққа тікелей шетелден әкелінген тауарларға қатысты тауарларға арналған декларация талап етпеуге тиіс.
Тармақ 10. Ұсынылатын ереже Кеден қызметі тауарларды еркін аймаққа жіберу үшін кепілдіктер талап етпеуге тиіс.
Тармақ 11. Стандарттық ереже Еркін аймаққа жіберілген тауарларға қатысты олардың сақталуын қамтамасыз ету үшін қажетті операцияларды, сондай-ақ олардың орамын немесе тауарлық сапасын жақсарту үшін не тауарларды түсіруге дайындау үшін партияларды бөлшектеу, орамдау орындарын топтастыру, сорттау, таңбалау және қайта орамдау сияқты өзге де әдеттегі операцияларды жүргізуге рұқсат етіледі.
Тармақ 12. Стандарттық ереже Егер құзыретті органдар еркін аймақта қайта өңдеу немесе дайындау жөніндегі операцияларды жүзеге асыруға рұқсат берсе, бұл органдар тауарлармен жасалатын қайта өңдеу немесе дайындау жөніндегі операцияларды еркін аймақтың бүкіл аумағында қолданылатын ережелерде не осы операцияларды жүзеге асыратын ұйым беретін рұқсатта жалпылама сипатта немесе егжей-тегжейлі түрде немесе бұл нұсқаларды араластыра отырып көрсетеді.
Тармақ 13. Стандарттық ереже Ұлттық заңнамада еркін аймақта тұтынылатын тауарлар еркін аймаққа баждар мен салықтардан босатыла отырып жіберілуі мүмкін жағдайлардың тізбесі айқындалады және сақталуға тиіс шарттар белгіленеді.
Тармақ 14. Стандарттық ереже Тауарлардың еркін аймақта болу мерзімі ерекше жағдайларда ғана шектеледі.
Тармақ 15. Стандарттық ереже Еркін аймаққа жіберілген тауарларға меншік құқықтарын беруге жол беріледі.
Тармақ 16. Стандарттық ереже Еркін аймаққа жіберілген немесе онда шығарылған тауарларды толық немесе олардың бір бөлігін басқа еркін аймаққа әкетуге немесе қандай да бір кедендік режимге орналастыруға әрбір жағдайда қолданылатын шарттар мен формальдылықтарды сақтай отырып, жол беріледі.
Тармақ 17. Стандарттық ереже Еркін аймақтан әкету кезінде қажетті жалғыз декларация әдетте оларды айқындалған және талап етілетін кедендік режимге орналастыру үшін талап етілетін тауарларға арналған декларация болып табылады.
Тармақ 18. Ұсынылатын ереже Егер еркін аймақтан әкеткеннен кейін тікелей шетелге жіберілетін тауарларға қатысты кеден қызметіне құжаттар ұсынылуға тиіс болса, кеден қызметі тауарларға арналған ілеспе құжаттарда бар мәліметтерден басқа артық мәліметтерді талап етпеуге тиіс.
Тармақ 19. Стандарттық ереже Еркін аймақтан әкеткен кезде еркін айналыс үшін шығарылуы мүмкін тауарлардың құны мен санын, сондай-ақ әкелу немесе ішкі баждар мен салықтарға сәйкес қолданылатын ставкаларды айқындау мақсатында ұлттық заңнамада уақыт сәті белгіленеді.
Тармақ 20. Стандарттық ереже Ұлттық заңнамада еркін аймақта қайта өңдеу немесе дайындау жөніндегі операциялардан кейін еркін айналыс үшін шығарылатын тауарларға салынатын әкелу немесе ішкі баждар мен салықтарға сәйкес соманы айқындау үшін қолданылатын ережелер белгіленеді.
Тармақ 21. Стандарттық ереже Еркін аймақ таратылған жағдайда әрбір жағдайда қолданылатын шарттар мен формальдылықтарды сақтай отырып, мүдделі тұлғаларға тауарларды басқа еркін аймаққа ауыстыру немесе оларды өзге кедендік режимге орналастыру үшін жеткілікті уақыт берілуге тиіс.
Тармақ 1. Стандарттық ереже Кедендік транзит осы Тараудың ережелерімен және қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Кеден қызметі тауарларды кедендік транзит режимімен мына: а) әкелу пунктінен әкету пунктіне дейінгі; б) әкелу пунктінен ішкі кеден органына дейінгі; в) ішкі кеден органынан әкету пунктіне дейінгі; г) бір ішкі кеден органынан басқа ішкі кеден органына дейінгі кедендік аумақ бойынша тасымалдауға рұқсат береді.
Тармақ 3. Стандарттық ереже Кеден қызметі белгілеген шарттар сақталған және кез келген қажетті кепілдіктер ұсынылған жағдайда кедендік транзит режимінде тасымалданатын тауарларға баждар мен салықтар салынбайды.
Тармақ 4. Стандарттық ереже Ұлттық заңнамада кеден қызметінің алдында кедендік транзит режимінен туындайтын міндеттемелердің сақталуы үшін, атап айтқанда тауарларды кеден қызметі белгілеген шарттарға сәйкес өзгермеген жай-күйде межелі жердегі кеден органына көрсетілуін қамтамасыз ету үшін жауапты тұлғалар белгіленеді.
Тармақ 5. Ұсынылатын ереже Кеден қызметі белгілеген шарттардың сақталғанына көз жеткізген уақытта кеден қызметі тұлғаларды уәкілетті жүк жіберушілер немесе уәкілетті жүк алушылар ретінде таниды.
Тармақ 7. Ұсынылатын ереже Егер құжат кеден қызметінің барлық талаптарына жауап беретін болса кеден қызметі тиісті жүкке арналған кез келген коммерциялық немесе көлік құжатын кедендік транзит үшін тауарларға арналған декларация ретінде қабылдауға тиіс. Бұл қабылдау мұндай құжатта белгіленеді.
Тармақ 9. Ұсынылатын ереже Егер бұл басқа халықаралық келісімдерде көзделмеген болса, кеден қызметі әдетте кедендік пломбалар салынған тауарларды тасымалдау үшін көлік бірліктерін алдын ала жіберуді талап етпеуге тиіс.
Тармақ 10. Стандарттық ереже Жүк көлік бірлігімен тасымалданатын және бұл ретте жүкті кеден қызметі пломбалауға тиіс жағдайларда егер ол мынадай: а) кедендік пломбалар қарапайым және сенімді тәсілмен салынуы мүмкін; б) ешқандай тауарлар көзге көрінетін ашу іздерін қалдырмай немесе кедендік пломбаны зақымдамай алынуы немесе көлік бірлігінің пломба салынған бөлігіне салынуы мүмкін емес; в) тауарларды жасыру үшін құпия орындар жоқ; г) тауарлар орналастырылған барлық орындар кедендік қарау үшін қол жетімді түрде құрастырылған және жабдықталған болса, кедендік пломбалар тікелей көлік бірлігіне салынады. Кеден қызметі көлік бірлігі кедендік транзит мақсатын қамтамасыз ететін-етпейтінін шешеді.
Тармақ 11. Ұсынылатын ереже Егер ілеспе құжаттар тауарларды біржақты сәйкестендіруге мүмкіндік берсе, онда оларды тасымалдау әдетте кедендік пломбаларды немесе бекіту құралдарын салмай жүзеге асырылуға тиіс. Алайда, егер: - жіберуші кеден органы тәуекелдерді басқаруды ескере отырып, мұны қажет деп санаса; - бұл тұтастай кедендік транзит операциясын оңайлатуға ықпал ететін болса; немесе - бұл халықаралық келісімде көзделсе, кедендік пломбалар немесе бекіту құралдары талап етілуі мүмкін.
Тармақ 12. Стандарттық ереже Егер жүк негізінен кедендік пломбалармен тасымалдануға тиіс болғанмен, көлік бірлігін сенімді пломбалау мүмкін болмаса, жүкті сәйкестендіруді және санкцияланбаған араласуды тез анықтауды қамтамасыз ету үшін мынадай тәсілдер қолданылады: - нәтижелерін транзиттік құжаттарда ежей-тегжейлі сипаттай отырып, тауарларды толық қарау; - жеке орамдарға кедендік пломбаларды немесе бекіту құралдарын салу; - транзиттік құжаттарға қоса берілетін үлгілерге, схемаларға, суреттерге, фотосуреттерге немесе басқа да егжей-тегжейлі құралдарға сілтеме жасай отырып, тауарларды толық сипаттау; - нақты бағыттар мен мерзімдерді белгілеу; және - кедендік сүйемелдеу. Көлік бірлігіне пломба салудан бас тарту туралы шешімді тек кеден қызметі қабылдайды.
Тармақ 13. Стандарттық ереже Егер кеден қызметі кедендік транзит үшін мерзім белгілесе, ол транзиттік операция мақсаттары үшін жеткілікті болуға тиіс.
Тармақ 14. Стандарттық ереже Мүдделі тұлғаның сұрауы бойынша және кеден қызметі негізді деп таныған негіздемелер бойынша ол бастапқыда белгіленген мерзімді ұзартуға тиіс.
Тармақ 15. Стандарттық ереже Кеден қызметі мұндай шараларды міндетті деп санаған жағдайларда ғана ол: а) тауарларды алдын ала белгіленген бағыт бойынша тасымалдауды; немесе б) тауарларды кедендік сүйемелдеумен тасымалдауды талап етеді.
Тармақ 16. Стандарттық ереже Кедендік транзит үшін пайдаланылатын кедендік пломбалар мен бекіту құралдары осы Тарауға Қосымшада келтірілген міндетті ең аз талаптарға жауап беруге тиіс.
Тармақ 17. Ұсынылатын ереже Мынадай: - олар жеткіліксіз деп саналған; - олар сенімсіз деп саналған; - кеден қызметі тауарларды бақылауды жүргізетін жағдайларды қоспағанда, кедендік транзит операцияларының мақсаттары үшін шетелдік кеден қызметінің кедендік пломбалары мен сәйкестендіру құралдары мойындалуға тиіс. Шетелдік кеден қызметінің кедендік пломбалары мен бекіту құралдары кедендік аумақта мойындалған уақытта олар осы аумақта ұлттық кедендік пломбалар мен бекіту құралдары сияқты құқықтық қорғау пайдалануға тиіс.
Тармақ 18. Ұсынылатын ереже Тиісті кеден органдары кедендік пломбалар мен бекіту құралдарын тексерген немесе тауарларды тексеруді жүргізген уақытта олар мұндай тексерулердің нәтижелерін транзиттік құжатта тіркеуге тиіс.
Тармақ 19. Стандарттық ереже Кеден қызметі алдын ала келісу қажет деп белгілеген жағдайларды қоспағанда, межелі жердегі кеден органын алдын ала хабарлаусыз өзгертуге жол беріледі.
Тармақ 20. Стандарттық ереже Тауарлар кедендік пломбалар мен бекіту құралдарын бұзбау және зақымдамау шартымен бір көлік құралынан басқасына кеден қызметінің рұқсатынсыз қайта тиелуі мүмкін.
Тармақ 21. Ұсынылатын ереже Кеден қызметі тауарларды кедендік транзит режимінде сәйкестендіру мүмкіндігіне және кеден қызметі белгілеген талаптар орындалатынына көз жеткізсе, ол тауарларды кедендік транзит режимінде басқа тауарларды бір уақытта тасымалдаушы көлік бірлігімен тасымалдауға рұқсат беруге тиіс.
Тармақ 22. Ұсынылатын ереже Кеден қызметі мүдделі тұлғадан кедендік транзит операциясына тікелей әсер ететін авария немесе басқа да алдын ала болжанбаған жағдайлар туралы дереу таяудағы кеден органына немесе өзге де құзыретті органдарға хабарлау туралы талап етуге тиіс.
Тармақ 23. Стандарттық ереже Ұлттық заңнамада кез келген белгіленген мерзімде межелі жердегі кеден органына тауарлар мен тауарларға арналған тиісті декларацияны ұсынудан басқа, кедендік транзиттің аяқталуы үшін басқа ешқандай шарттар көзделмейді; бұл ретте тауарлар ешқандай өзгеріске ұшырамауға тиіс, пайдаланылмауға тиіс және кедендік пломбалар мен бекіту құралдары және сәйкестендіру құралдары зақымдалмауға тиіс.
Тармақ 24. Стандарттық ереже Тауарлар межелі жердегі кеден органының бақылауына түскен сәттен бастап бұл орган барлық қажетті шарттардың орындалғанына көз жеткізгеннен кейін кедендік транзит операцияларын аяқтауды дереу жүргізеді.
Тармақ 25. Ұсынылатын ереже Белгіленген бағыттың немесе мерзімдердің сақталмауы кеден қызметінің басқа барлық талаптардың сақталғанына көз жеткізуі шартымен ықтимал төленуге тиіс баждар мен салықтарды өндіріп алуға әкеп соқпауға тиіс.
Тармақ 26. Ұсынылатын ереже Уағдаласушы тараптар кедендік транзитке қатысты халықаралық келісімдерге қосылу мүмкіндігін егжей-тегжейлі талдауға тиіс. Егер мұндай халықаралық келісімдерге қосылу мүмкін болмаса, екі жақты немесе көп жақты келісімдерді жасау кезінде кедендік транзиттің халықаралық схемасын ұйымдастыру мақсатында осы Тарауда баяндалған Стандартты ережелер мен Ұсынылатын ережелерді басшылыққа алған жөн.
Тармақ 1. Стандарттық ереже Қайта тиеу осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Кеден қызметі белгілеген шарттар сақталса, қайта тиеуге жіберілген тауарларға баждар мен салықтар салынбайды.
Тармақ 3. Ұсынылатын ереже Қайта тиеуден тауарларды шығарған, жіберген немесе олар жіберілетін ел негізінде ғана бас тартылмауға тиіс.
Тармақ 5. Стандарттық ереже Қажетті мәліметтер егжей-тегжейлі баяндалған кез келген коммерциялық немесе көлік құжаты қайта тиеу үшін тауарларға арналған декларацияның сипаттамалық бөлігі ретінде қабылданады және бұл қабылдау мұндай құжатта белгіленеді.
Тармақ 6. Стандарттық ереже Егер бұл құжат кеден қызметінің барлық талаптарына жауап беретін болса, кеден қызметі жүкке қатысты кез келген коммерциялық немесе көлік құжатын қайта тиеу үшін тауарларға арналған декларация ретінде қабылдауға бұл қабылдауға тиіс. Бұл қабылдау мұндай құжатта белгіленеді.
Тармақ 9. Ұсынылатын ереже Мүдделі тұлғаның сұрауы бойынша және кеден қызметі негізді деп таныған негіздемелер бойынша кеден қызметі бастапқыда белгіленген мерзімді ұзартады.
Тармақ 10. Ұсынылатын ереже Кеден қызметінің басқа барлық талаптардың сақталғанына көз жеткізуі шартымен белгіленген мерзімдердің сақталмауы әлеуетті төленуге тиіс баждар мен салықтарды өндіріп алуға әкеп соқпауға тиіс.
Тармақ 1. Стандарттық ереже Тауарларды каботаждық тасымалдау режимі осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Кеден қызметінің бұл тауарларды сәйкестендіру мүмкіндігіне және басқа талаптар орындалатынына көз жеткізуі шартымен ол каботаждық тасымалдау режиміндегі тауарларды теңіз (өзен) кемесінің бортында басқа тауарлармен бір уақытта тасымалдауға рұқсат береді.
Тармақ 3. Ұсынылатын ереже Кеден қызметі бұл бақылау мақсаттары үшін қажет деп санаса ғана ол еркін айналыстағы тауарларды каботаждық тасымалдау режимінде теңіз (өзен) кемесінің бортындағы басқа тауарлардан бөлек тасымалдауды талап етуге тиіс.
Тармақ 4. Ұсынылатын ереже Мүдделі тұлғаның сұрауы бойынша және кеден қызметі қажет деп санаған шарттар сақталған кезде ол тауарларды каботаж уақытында шетелдік портта аялдама жасайтын теңіз (өзен) кемесінің бортында каботаждық тасымалдау режимінде тасымалдауға рұқсат етуге тиіс.
Тармақ 5. Ұсынылатын ереже Егер кедендік аумақтың шегінен тыс бір немесе бірнеше пункте аялдауға тиіс теңіз (өзен) кемесіне тауарларды каботаждық тасымалдау режимінде тасымалдауға рұқсат берілген болса, бұл тауарларды алудың немесе бұл тауарларды дереу анықтамай басқа тауарларды қосымша орналастырудың мүмкін болмауын қамтамасыз ету үшін мүдделі тұлғаның сұрауы бойынша немесе кеден қызметі пломба салуды қажет деп санаса, бұл тауарларға пломба салынуға тиіс.
Тармақ 6. Ұсынылатын ереже Тауарларды каботаждық тасымалдау режимінде тасымалдаушы теңіз (өзен) кемесі жоспарланған бағыттан ауытқуға байланысты кедендік аумақтың шегінен тыс пункте аялдама жасаса, кеден қызметінің бұлар бастапқыда осы режимге орналастырылған тауарлардың нақ өзі екендігіне көз жеткізуі шартымен ол бұл тауарларды каботаждық тасымалдау режимінде қалатын тауарлар ретінде қарастыруға тиіс.
Тармақ 7. Стандарттық ереже Кеден заңнамасында каботаждық тасымалдау режиміне орналастырылған тауарларды тиеуді және түсіруді жүргізуге рұқсат берілетін орындар, сондай-ақ осы түсіру немесе тиеу жүзеге асырылуы мүмкін уақыт айқындалады.
Тармақ 8. Ұсынылатын ереже Теңіз (өзен) кемесінің бортында еркін айналыстағы тауарлар ғана тасымалданатын жағдайда мүдделі тұлғаның сұрауы бойынша кеден қызметі каботаждық тасымалдау режиміне орналастырылған тауарларды кез келген жерде және кез келген уақытта тиеуге және түсіруге рұқсат беруге тиіс.
Тармақ 9. Ұсынылатын ереже Теңіз (өзен) кемесі декларацияланбаған әкелінетін тауарларды немесе өзге кедендік режимге орналастырылған тауарларды да тасымалдайтын болса да мүдделі тұлғаның сұрауы бойынша кеден қызметі каботаждық тасымалдау режиміне орналастырылған тауарларды әдетте осы мақсаттар үшін рұқсат берілгеннен өзге пункте тиеуге немесе түсіруге рұқсат беруге тиіс. Бұл ретте өндіріп алынатын кез келген алымдар көрсетілген қызметтердің болжамды құнымен шектеледі.
Тармақ 10. Ұсынылатын ереже Егер тауарларды каботаждық тасымалдау режимімен тасымалдайтын теңіз (өзен) кемесі өз рейсінде бағыттан ауытқитын болса, мүдделі тұлғаның сұрауы бойынша кеден қызметі каботаждық тасымалдау режиміндегі бұл тауарларды бастапқыда жоспарланғаннан өзге пункте түсіруге рұқсат беруге тиіс. Бұл ретте өндіріп алынатын кез келген алымдар көрсетілген қызметтердің болжамды құнымен шектеледі.
Тармақ 11. Стандарттық ереже Тауарларды каботаждық тасымалдау режимінде тасымалдау аварияның немесе форс-мажорлық жағдайлардың салдарынан үзілген жағдайда кеден қызметі капитаннан немесе өзге мүдделі тұлғадан тауарлардың санкцияланбаған айналысы мүмкіндігін болдырмау үшін және кеден қызметін немесе өзге де құзыретті органдарды мұндай аварияның немесе тасымалдауды үзген басқа жағдайлардың сипаты туралы хабардар ету үшін барлық оңтайлы сақтық шараларын қабылдауды талап етеді.
Тармақ 12. Стандарттық ереже Егер тауарларды каботаждық тасымалдау режимімен тасымалдайтын теңіз (өзен) кемесінің бортында декларацияланбаған әкелінетін тауарлар немесе өзге кедендік режимге орналастырылған тауарлар болса, кеден қызметі каботаждық тасымалдау режиміндегі тауарларды кеме тиеу немесе түсіру орнына келгеннен кейін барынша қысқа мерзімде тиеуге және түсіруге рұқсат береді.
Тармақ 13. Стандарттық ереже Кеден қызметі капитаннан немесе өзге мүдделі тұлғадан кеме туралы мәліметтерді, каботаждық тасымалдау режимімен тасымалданатын тауарлардың тізбесін және тауарларды түсіру жүргізілуге тиіс кедендік аумақта орналасқан порттың немесе порттардың атауын қамтитын бір ғана құжатты ұсынуды талап етеді. Кеден қызметі қабылдаған бұл құжат тауарларды каботаждық тасымалдау режимінде тасымалдауға арналған рұқсат болып табылады.
Тармақ 14. Ұсынылатын ереже Кеден қызметі белгілі бір порттар арасында жүйелі сауда рейстерін жасайтын теңіз (өзен) кемелеріне тауарларды каботаждық тасымалдау режимімен тасымалдауға арналған бас рұқсатты беруге міндетті.
Тармақ 15. Ұсынылатын ереже Тауарларды бас рұқсаты бар теңіз (өзен) кемесіне тиеудің алдында кеден қызметі тек каботаждық тасымалдау режимімен тасымалдауға арналған тауарлардың тізбесін ұсынуды талап етуге тиіс.
Тармақ 16. Ұсынылатын ереже Бір жолғы рұқсаты бар кемеден түсірілетін тауарларға қатысты кеден қызметі қапитаннан немесе өзге мүдделі тұлғадан осы портта түсіруге рұқсат берілген тауарлардың тізбесін қамтитын рұқсат көшірмесінің тек бір данасын ұсынуды талап етуге тиіс. Бас рұқсаты бар кемелерге қатысты тек түсірілетін тауарлардың тізбесі талап етілуге тиіс.
Тармақ 17. Стандарттық ереже Кеден қызметі мұны қажет деп санаған жағдайда ғана ол каботаждық тасымалдау режимінде тасымалданатын, әкету кезінде әкету баждары мен салықтар салынуға тиіс не әкетуге шектеулер немесе тыйымдар салынатын еркін айналыстағы тауарларға қатысты кепілдіктер ұсынуды талап етеді.
Тармақ 1. Стандарттық ереже Кедендік аумақта қайта өңдеу режимі осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Кедендік аумақта қайта өңдеу үшін жіберілген тауарлар әкелу баждары мен салықтардан шартты түрде босатылуға жатады. Алайда әкелу баждары мен салықтар қалдықтарды қоса алғанда, кедендік аумақта қайта өңдеу үшін жіберілген тауарларды қайта өңдеу немесе өндіру нәтижесінде пайда болған, әкетілмеген немесе коммерциялық жарамсыз жай-күйге қайта өңделмеген кез келген өнімдерден алынуы мүмкін.
Тармақ 3. Стандарттық ереже Кедендік аумақта қайта өңдеу тікелей шетелден әкелінетін тауарлармен шектелмейді, сондай-ақ басқа кедендік режимге орналастырылған тауарлар үшін де рұқсат етіледі.
Тармақ 4. Ұсынылатын ереже Кедендік аумақта қайта өңдеуден тауарлар шығарылған ел, тауарларды жіберген ел немесе олар жіберілетін ел негізінде ғана бас тартылуы мүмкін емес.
Тармақ 5. Стандарттық ереже Тауарларды кедендік аумақта қайта өңдеу үшін әкелу құқығын пайдаланатын тұлғалар шеңбері әкелінетін тауарлардың иесімен шектелмейді.
Тармақ 6. Ұсынылатын ереже Шетелдік тұлғамен жасалған келісім-шартты орындау шеңберінде қайта өңделуге тиіс тауарларды осы тұлға жеткізетін жағдайларда кедендік аумақта қайта өңдеуден сипаты, сапасы және техникалық сипаттамасы жағынан ұқсас тауарлар әкелу елінің кедендік аумағында бар деген негіздемемен бас тартылуы мүмкін емес.
Тармақ 7. Ұсынылатын ереже Мынадай: а) тауарлар: - жұмсалған ресурстар мен өтемдік өнімдер өндірісінің технологиясы туралы егжей-тегжейлі деректерді ұсыну жолымен; немесе - қайта өңдеу туралы операцияларды жүргізу уақытында кедендік бақылауды жүзеге асыру жолымен сәйкестендірілуі мүмкін; немесе б) режим қайта өңдеу нәтижесінде алынған, сипаты, сапасы және техникалық сипаттамалары жағынан кедендік аумақта қайта өңдеу үшін жіберілген тауарларға ұқсас өнімдерді әкетумен аяқталатын жағдайларда әкелінген тауарлардың өтемдік өнімдерде болуын белгілі мүмкіндігі кедендік аумақта қайта өңдеу үшін қажетті шарт ретінде қаралмауға тиіс.
Тармақ 9. Стандарттық ереже Кедендік аумақта қайта өңдеуге рұқсатта рұқсат етілген операциялар соларға сәйкес кедендік аумақта қайта өңдеу режимімен жүзеге асырылатын тәсілдер көрсетіледі.
Тармақ 10. Ұсынылатын ереже Кедендік аумақта қайта өңдеуге өтініш тауарлар әкелінгеннен кейін берілген және ол тиісті рұқсат беру үшін өлшемдерге сай болған жағдайда, мұндай рұқсат өткен күнмен берілуге тиіс.
Тармақ 11. Ұсынылатын ереже Кедендік аумақта қайта өңдеу жөніндегі жүйелі операцияларды жүзеге асыратын тұлғалардың сұрауы бойынша оларға мұндай операцияларға бас рұқсат берілуге тиіс.
Тармақ 12. Стандарттық ереже Кедендік аумақта қайта өңдеу үшін жіберілген тауарлармен өндіру немесе қайта өңдеу жөніндегі операциялар жасалған жағдайда құзыретті органдар ол жүзеге асырылған нақты жағдайларды ескере отырып, мұндай операция нәтижесінде өнімнің шығу нормасын белгілейді немесе келіседі. Әрқилы өтемдік өнімдердің сипаты, сапасы және саны шығу нормасы белгіленгеннен немесе келісілгеннен кейін айқындалады.
Тармақ 13. Ұсынылатын ереже Кедендік аумақта қайта өңдеу жөніндегі операциялар: - тұрақты дерлік сипаттамасы бар тауарларға жататын; - әдетте нақты айқындалған техникалық шарттарға сәйкес жүзеге асырылатын; және - сапасы өзгермейтін өтемдік өнімдерді шығаруға алып келетін жағдайларда құзыретті органдар мұндай операцияларға қолдануға болатын стандарттық шығу нормаларын белгілуге тиіс.
Тармақ 15. Стандарттық ереже Кеден қызметі кедендік аумақта қайта өңдеу мерзімін әрбір нақты жағдайда белгілейді.
Тармақ 16. Ұсынылатын ереже Мүдделі тұлғаның сұрауы бойынша және кеден қызметі негізді деп таныған себептер бойынша ол бастапқыда белгіленген мерзімді ұзартуға міндетті.
Тармақ 17. Ұсынылатын ереже Әкелінетін тауарлар мен өтемдік өнімдерге меншік құқығы үшінші тұлғаға берілген жағдайда бұл тұлға тиісті рұқсат берілген тұлғаның міндеттемелерін өзіне қабылдайтын болса кедендік аумақта қайта өңдеуді жалғастыру үшін шарттар көзделуге тиіс.
Тармақ 18. Ұсынылатын ереже Құзыретті органдар қайта өңдеу жөніндегі операцияларды кедендік аумақта қайта өңдеуге рұқсат берілген тұлғадан өзге тұлғаның жүзеге асыруына рұқсат беруге тиіс. Кедендік аумақта қайта өңдеуге рұқсат берілген тұлғаның көрсетілген операцияларды жүзеге асырудың бүкіл мерзімі ішінде кеден қызметінің алдында рұқсатта баяндалған шарттардың сақталуы үшін жауапты болып қалуы шартымен кедендік аумақта қайта өңдеуге жіберілген тауарларға меншік құқығын беру міндетті болып табылмайды.
Тармақ 19. Стандарттық ереже Өтемдік өнімдерді кедендік аумақта қайта өңдеу режиміне орналастырылған тауарлар әкелінген кеден органынан басқа кеден органы арқылы әкету мүмкіндігі көзделеді.
Тармақ 21. Стандарттық ереже Мүдделі тұлғаның сұрауы бойынша құзыретті органдар тауарларды олар әкелінгендегідей жай-күйде кері әкетуге рұқсат береді, сол арқылы кедендік аумақта қайта өңдеу режимін аяқтайды.
Тармақ 23. Ұсынылатын ереже Ұлттық заңнамада өтемдік өнімдер әкетілмеген жағдайда қолданылатын әкелу баждары мен салықтар сомасы кедендік аумақта қайта өңдеу үшін әкелінген тауарларға қатысты қолданылатын әкелу баждары мен салықтар сомасынан аспайтыны көзделуге тиіс.
Тармақ 24. Стандарттық ереже Мұндай жоғалу фактісі кеден қызметі үшін қанағаттанарлық дәрежеде белгілену шартымен осы тауарлардың сипатына қарай жоғалған тауарларға қатысты кедендік аумақта қайта өңдеу режимі аяқталатыны көзделеді, өйткені өтемдік өнімдерді әкету орын алады.
Тармақ 25. Ұсынылатын ереже Баламалы тауарларды қайта өңдеу нәтижесінде алынған өнімдер осы Тараудың қолданылу мақсаттары үшін өтемдік өнімдер ретінде қарастырылуға тиіс (баламалы өтем).
Тармақ 26. Ұсынылатын ереже Егер баламалы өтемге жол берілсе, кеден қызметі кедендік аумақта қайта өңдеу үшін тауарлар әкелінгенге дейін өтемдік өнімдерді әкетуге рұқсат беруге тиіс.
Тармақ 1. Стандарттық ереже Кедендік аумақтан тыс қайта өңдеу осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Ұсынылатын ереже Кедендік аумақтан тыс қайта өңдеуден тек тауарлар белгілі бір елде өндірілуге, қайта өңделуге немесе жөнделуге тиіс деген негіздемемен бас тартылуы мүмкін емес.
Тармақ 3. Стандарттық ереже Кедендік аумақтан тыс қайта өңдеу үшін тауарларды уақытша әкетуді бұл тауарлардың меншік иесі болып табылмайтын тұлға жүзеге асыруы мүмкін.
Тармақ 5. Ұсынылатын ереже Кедендік аумақтан тыс қайта өңдеу жөніндегі жүйелі операцияларды жүзеге асыратын тұлғалардың сұрауы бойынша оларға мұндай операцияларға бас рұқсат берілуге тиіс.
Тармақ 6. Ұсынылатын ереже Егер олар мұны қажет деп санаса немесе егер бұл осы операцияны жүзеге асыруға ықпал ететін болса, құзыретті органдар кедендік аумақтан тыс қайта өңдеу жөніндегі операция нәтижесінде өнімнің шығу нормасын белгілеуге тиіс. Әр түрлі орнын толтыратын өнімдердің сипаты, сапасы және мөлшері шығу нормасына белгілегеннен кейін нақты айқындалады.
Тармақ 8. Стандарттық ереже Кеден қызметі әрбір нақты жағдайда кедендік аумақтан тыс қайта өңдеу мерзімін белгілейді.
Тармақ 9. Ұсынылатын ереже Мүдделі тұлғаның сұрауы бойынша және кеден қызметі негізді деп таныған себептер бойынша ол бастапқыда белгіленген мерзімді ұзартуға тиіс.
Тармақ 10. Стандарттық ереже Өтемдік өнімдер кедендік аумақтан тыс қайта өңдеу режиміне орналастырылған тауарлар уақытша әкетілген кеден органынан басқа кеден органы арқылы әкелінуі мүмкін екендігі көзделеді.
Тармақ 11. Стандарттық ереже Өтемдік өнімдер бір немесе бірнеше партиямен әкелінуі мүмкін екендігі көзделеді.
Тармақ 12. Стандарттық ереже Егер кедендік аумақтан тыс қайта өңдеу үшін уақытша әкетілген тауарлар өзгермеген жай-күйде қайтарылатын болса, мүдделі тұлғаның сұрауы бойынша құзыретті органдар бұл тауарларды әкелу баждары мен салықтардан босата отырып кері әкелуге рұқсат береді. Бұл босату тауарларды кедендік аумақтан тыс қайта өңдеу үшін уақытша әкетуге байланысты қайтару немесе босату ұсынылған әкелу баждары мен салықтарға қатысты қолданылмайды.
Тармақ 13. Стандарттық ереже Әрбір жағдайда қолданылатын шарттар мен формальдылықтардың сақталу шартымен ұлттық заңнама кедендік аумақтан тыс қайта өңдеу үшін уақытша әкетілген тауарларды кері әкелуге міндеттейтін жағдайларды қоспағанда, кедендік аумақтан тыс қайта өңдеу режимі тауарларды түпкілікті әкетуге декларациялаумен аяқталуы мүмкін деп көзделеді.
Тармақ 14. Стандарттық ереже Ұлттық заңнамада өтемдік өнімдерді кедендік аумақта еркін айналыс үшін шығару кезінде ұсынылатын әкелу баждары мен салықтардан босатудың көлемі мен оны есептеу тәсілдері белгіленеді.
Тармақ 15. Стандарттық ереже Өтемдік өнімдер үшін көзделген әкелу баждары мен салықтардан босату кедендік аумақтан тыс қайта өңдеу үшін тауарларды уақытша әкетуге байланысты өтеу немесе босату ұсынылған баждар мен салықтарға қатысты қолданылмайды.
Тармақ 16. Ұсынылатын ереже Кедендік аумақтан тыс қайта өңдеу үшін уақытша әкетілген, шетелде тегін жөнделген тауарлар ұлттық заңнамада белгіленген шарттарда әкелу баждары мен салықтардан толық босатыла отырып кері әкелінуі мүмкін деп көзделеді.
Тармақ 17. Ұсынылатын ереже Өтемдік өнімдер еркін айналыс үшін декларацияланға дейін басқа кедендік режимге орналастырылған жағдайда әкелу баждары мен салықтардан босату ұсынылуға тиіс.
Тармақ 18. Ұсынылатын ереже Олар еркін айналыс үшін шығарылғанға дейін өтемдік өнімдерге меншік құқығы үшінші тұлғаға берілген жағдайда әкелу баждары мен салықтардан босату ұсынылуға тиіс.
Тармақ 1. Стандарттық ереже Қайтару режимі осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Ұлттық заңнамада қайтару режимі мәлімделуі мүмкін жағдайлардың тізбесі белгіленеді.
Тармақ 3. Ұсынылатын ереже Ұлттық заңнамада бұларға қатысты әкелу баждары мен салықтар төленген тауарлар әкетілетін тауарларды өндіру үшін пайдаланылған баламалы тауарлармен ауыстырылған уақытта қайтару режимін қолдану үшін шарттар көзделуге тиіс.
Тармақ 4. Стандарттық ереже Кеден қызметі еркін айналыс үшін шығаруға арналған тауарларды әкелу сәтінде әкеткен кезде қайтару туралы мәлімдеу ниеті туралы хабарламады деген негіздемемен ғана қайтаруды төлеуді тоқтатпайды. Сондай-ақ мұндай мәлімдеме тауарларды әкелу сәтінде жасалған жағдайда тауарларды әкету міндетті болып табылмайды.
Тармақ 5. Стандарттық ереже Егер тауарларды әкету үшін ол аяқталғаннан кейін кедендік төлемдерді қайтаруға жол берілмейтін мерзім белгіленген болса, бұл туралы сұрау бойынша бұл мерзім кеден қызметі негізді деп таныған негіздемелер бойынша ұзартылуға тиіс.
Тармақ 6. Ұсынылатын ереже Егер белгіленген мерзім қайтару туралы өтініш қабылданбайтын мерзімнен асып кететін болса, бұл мерзім коммерциялық себептер немесе кеден қызметі негізді деп таныған өзге де негіздемелер бойынша ұзартуға тиіс.
Тармақ 7. Стандарттық ереже Қайтару өтініштің негізділігін тексергеннен кейін барынша ерте жүзеге асырылады.
Тармақ 8. Ұсынылатын ереже Ұлттық заңнамада қайтаруды жүзеге асыру үшін электронды құралдарды пайдалану көзделуге тиіс.
Тармақ 9. Ұсынылатын ереже Қайтару сондай-ақ тауарлар кейіннен әкетуге арналуы шартымен оларды кедендік қоймаға немесе еркін аймаққа орналастыру кезінде де жүзеге асырылуға тиіс.
Тармақ 10. Ұсынылатын ереже Кеден қызметі сұрау бойынша белгілі бір уақыт ішінде әкетілген тауарларға қатысты қайтаруды жүйелі түрде жүзеге асыруға міндетті.
Тармақ 1. Стандарттық ереже Еркін айналыс үшін тауарларды қайта өңдеу осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Еркін айналыс үшін тауарларды қайта өңдеу режимі: - кеден қызметінің еркін айналыс үшін тауарларды қайта өңдеу кезінде жасалған өнімдер әкелінген тауарлардан алынғанына көз жеткізе алуы; және - тауарларды дайындағаннан, қайта өңдегеннен немесе өңдегеннен кейін олар бастапқы жай-күйіне экономикалық жағынан тиімді түрде қалпына келтірілмеу шартымен ұсынылады.
Тармақ 3. Стандарттық ереже Ұлттық заңнамада еркін айналыс үшін тауарларды қайта өңдеу үшін рұқсат етілген тауарлардың санаттары мен операциялар айқындалады.
Тармақ 4. Стандарттық ереже Еркін айналыс үшін тауарларды қайта өңдеу тікелей шетелден әкелінетін тауарлармен шектелмейді, сондай-ақ басқа кедендік режимге орналастырылған тауарлар үшін де рұқсат етіледі.
Тармақ 5. Стандарттық ереже Еркін айналыс үшін тауарларды қайта өңдеу құқығын пайдаланатын тұлғалар шеңбері әкелінетін тауарлардың меншік иесімен шектелмейді.
Тармақ 6. Ұсынылатын ереже Еркін айналыс үшін тауарларды қайта өңдеу жөніндегі жүйелі операцияларды жүзеге асыратын тұлғалардың сұрауы бойынша оларға мұндай операцияларға арналған бас рұқсат берілуі тиіс.
Тармақ 7. Стандарттық ереже Еркін айналыс үшін тауарларды қайта өңдеу жөніндегі операциялар қайта өңдеу кезінде жасалған өнімдерді еркін айналыс үшін кедендік ресімдеумен аяқталады.
Тармақ 8. Стандарттық ереже Бұл жағдайлармен ақталатын болса және мүдделі тұлғаның сұрауы бойынша кеден қызметі әрбір жағдайда қолданылатын шарттар мен формальдылықтарды сақтай отырып, дайындау, қайта өңдеу немесе өңдеу нәтижесінде жасалған өнімдер өзге кедендік режимге орналастырылғаннан кейін режимнің аяқталуымен келіседі.
Тармақ 9. Стандарттық ереже Еркін айналыс үшін тауарларды қайта өңдеу нәтижесінде жасалған қоқыстар мен қалдықтар еркін айналыс үшін кедендік ресімделген жағдайда оларға осы жай-күйде әкелінетін осындай қоқыстар мен қалдықтарға қолданылатын әкелу баждары мен салықтар салынады.
Тармақ 1. Стандарттық ереже Уақытша әкелу осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Ұлттық заңнамада уақытша әкелуге рұқсат берілуі мүмкін жағдайлардың тізбесі айқындалады.
Тармақ 3. Стандарттық ереже Ұлттық заңнамада босату тек ішінара болуы мүмкін деп көзделген жағдайларды қоспағанда, уақытша әкелінген тауарлар әкелу баждары мен салықтардан толық шартты босатуға жатады.
Тармақ 4. Стандарттық ереже Уақытша әкелу тікелей шетелден әкелінетін тауарлармен шектелмейді, сондай-ақ басқа кедендік режимге орналастырылған тауарлар үшін де рұқсат етіледі.
Тармақ 5. Ұсынылатын ереже Уақытша әкелуге рұқсат тауарлар шығарылған елге, жіберген елге немесе олар жіберілетін елге қарамастан ұсынылуға тиіс.
Тармақ 6. Стандарттық ереже Уақытша әкелінген тауарлармен кедендік аумақта болған уақытта олардың сақталуын қамтамасыз ету үшін қажетті операциялар жасалуы мүмкін.
Тармақ 7. Стандарттық ереже Ұлттық заңнамада уақытша әкелу үшін алдын ала рұқсат талап етілетін жағдайлардың тізбесі айқындалады және мұндай рұқсатты беруге уәкілетті органдар белгіленеді. Мұндай жағдайлар барынша аз болуға тиіс.
Тармақ 8. Ұсынылатын ереже Уақытша әкелуге ықпал ететін жағдайларда ғана кеден қызметі тауарларды нақты кеден органына ұсынуды талап етеді.
Тармақ 9. Ұсынылатын ереже Тауарларды кейіннен кері әкетуге қатысты күмән болмаған жағдайларда кеден қызметі тауарларға арналған жазбаша декларациясыз уақытша әкелуге рұқсат беруге тиіс.
Тармақ 10. Ұсынылатын ереже Уағдаласушы тараптар уақытша әкелуге қатысты халықаралық шарттарға қосылу мүмкіндігін егжей-тегжейлі зерделеуге міндетті, бұл олардың ұлттық кедендік құжаттар мен кепілділіктердің орнына халықаралық ұйымдар берген құжаттар мен кепілділіктерді қабылдауына мүмкіндік береді.
Тармақ 11. Стандарттық ереже Уақытша әкелу аяқталған сәтте бұл тауарларды өзінің сәйкестендіре алатынына кеден қызметінің көз жеткізуі шартымен тауарларды уақытша әкелуге жол беріледі.
Тармақ 12. Ұсынылатын ереже Уақытша әкелінген тауарларды сәйкестендіру үшін кеден қызметі сәйкестендірудің коммерциялық тәсілдері жеткілікті болмайтын жағдайларда ғана тауарларды сәйкестендіру жөнінде дербес шаралар қабылдауға тиіс.
Тармақ 13. Стандарттық ереже Кеден қызметі әрбір нақты жағдайда уақытша әкелу мерзімін белгілейді.
Тармақ 14. Ұсынылатын ереже Мүдделі тұлғаның сұрауы бойынша және кеден қызметі негізді деп таныған себептер бойынша ол бастапқыда белгіленген мерзімді ұзартуға міндетті.
Тармақ 15. Ұсынылатын ереже Жеке тұлғалардың талап-арызы бойынша мүлікке тыйым салу жағдайларын қоспағанда, оларға қатысты уақытша әкелуге рұқсат берілген тауарлар оларды тыйым салу нәтижесінде кері әкетілуі мүмкін болмайтын жағдайларда кері әкету туралы міндеттеме тыйым салу мерзіміне тоқтатыла тұруға тиіс.
Тармақ 16. Ұсынылатын ереже Кез-келген басқа тұлғаның: а) белгіленген шарттарға жауап беруі; және б) уақытша әкелу құқығын бастапқыда пайдаланған тұлғаның міндеттемелерін өзіне қабылдауы шартымен кеден қызметі сұрау бойынша уақытша әкелу режимін пайдалану құқығын осы тұлғаға беруге рұқсат беруге міндетті.
Тармақ 17. Стандарттық ереже Тауарлар әкелінгеннен басқа кеден органы арқылы уақытша әкелінген тауарлар кері әкетілуі мүмкін деп көзделеді.
Тармақ 18. Стандарттық ереже Уақытша әкелінген тауарлар бір немесе бірнеше партиямен кері әкетілуі мүмкін деп көзделеді.
Тармақ 19. Ұсынылатын ереже Егер әрбір жағдайда қолданылатын шарттар мен формальдылықтар сақталса, уақытша әкелу әкелінген тауарларды басқа кедендік режимге орналастыру жолымен тоқтатыла тұруы немесе аяқталуы мүмкін деп көзделеді.
Тармақ 20. Ұсынылатын ереже Егер уақытша әкелу сәтінде қолданыста болған тиымдар немесе шектеулер уақытша әкелу құжатының қолданылу мерзімі ішінде жойылса, кеден қызметі еркін айналыс үшін тауарлар шығару жолымен тауарларды уақытша әкелуді аяқтауға арналған сұрауды қанағаттандыруға міндетті.
Тармақ 21. Ұсынылатын ереже Егер кепілдік депозитке ақша қаражатын енгізу нысанында ұсынылса, тауарлар бұл орган арқылы әкелінбесе де оларды қайтаруды кері әкету кедендік органы жүзеге асырады деп көзделеді.
Тармақ 1. Стандарттық ереже Кеден қызметінің кедендік құқық бұзушылықтарды тергеуі, белгілеуі және әкімшілік реттеуі осы Тараудың ережелерімен және бұл қолданылатындай дәрежеде Бас қосымшаның ережелерімен реттеледі.
Тармақ 2. Стандарттық ереже Ұлттық заңнамада кеден құқық бұзушылықтар айқындалады және олар тергелуі, белгіленуі және қажет болғанда әкімшілік реттеу объектісі болуы мүмкін жағдайлар айтылады.
Тармақ 3. Стандарттық ереже Ұлттық заңнамада кедендік құқық бұзушылық жасауына байланысты жауапкершілікке тартылуы мүмкін тұлғалар айқындалады.
Тармақ 4. Стандарттық ереже Ұлттық заңнамада кедендік құқық бұзушылық үшін жауапкершілікке тартудың ұзақтық мерзімі белгіленеді және бұл мерзімнің басталу күні белгіленеді.
Тармақ 5. Стандарттық ереже Ұлттық заңнамада кеден қызметі: - тауарлар мен көлік құралдарын қарауға; - құжаттарды ұсынуды немесе хат алмасуды талап етуге; - автоматтандырылған дерекқорларға қол жеткізуді талап етуге; - тұлғалар мен үй-жайларды тінтуді жүргізуге; және - дәлелдемелерді іздеуге құқылы болатын жағдайлар айқындалады.
Тармақ 6. Стандарттық ереже Кеден мақсаттары үшін жеке тінту контрабандаға немесе маңызды деп қаралатын басқа да кедендік құқық бұзушылықтарды жасағанына күдіктену үшін негізді себептер болған жағдайларда ғана жүргізіледі.
Тармақ 7. Стандарттық ереже Кеден қызметі контрабандаға немесе маңызды деп қаралатын басқа да кедендік құқық бұзушылықтарды жасағанына күдіктену үшін негізді себептер болған жағдайларды қоспағанда, үй-жайларды тінтуді жүргізбейді.
Тармақ 8. Стандарттық ереже Кеден қызметі қысқа мерзімде оған айып тағылған мүдделі тұлғаны, бұзылуы мүмкін болған құқық бұзушылықтың сипаттамасы туралы, заңнаманың ережелері туралы және қажеттілік кезінде ықтимал санкциялар туралы ақпараттандырады.
Тармақ 9. Стандарттық ереже Ұлттық заңнама кеден қызметімен кедендік құқық бұзушылық табылғаннан кейін әрекеттер тәртібін және осы жағдайда қолданылуы мүмкін шараларды анықтайды.
Тармақ 10. Стандарттық ереже Кеден қызметі кедендік құқық бұзушылықтар және қолданылған шаралар туралы толық мәліметтер көрсетілген хаттамалар немесе әкімшілік есептер жасайды.
Тармақ 11. Стандарттық ереже Кеден қызметі тауарларға және/немесе көлік құралдарына тек мына жағдайларда, тыйым салады егер: - олар әкімшілік немесе соттық тәртіпте тәркіленуге жатқызылады; немесе - олардың ұсынылуы іс бойынша өндірістің келесі сатыларында заттық дәлел ретінде керек болуы.
Тармақ 12. Стандарттық ереже Егер кедендік құқық бұзушылық тек жүктің бөлігіне қатысты болса, кеден қызметі жүктің қалған бөлігі тікелей немесе қосымша құқық бұзушылық жасауда қолданбағанына көзі жеткен шартында тыйым салудың немесе ұстаудың объектісі болып нақ осы жүктің бөлігі табылады.
Тармақ 13. Стандарттық ереже Тауарларға және/немесе көлік құралдарына тыйым салған жағдайда немесе оларды ұстауда кеден қызметі мүдделі тұлғаға мынадай: - тыйым салудың немесе ұстаудың нысанасы болған тауарлар немесе көлік құралдарының сипаттамасы мен саны; - тыйым салудың немесе ұстаудың себебі; және - құқық бұзушылықтың сипаттамасы бар құжат ұсынады.
Тармақ 14. Ұсынылатын ереже Кеден қызметі тыйым салудың немесе ұстаудың нысанасы болған тауарларды, осы тауарлар қандай да бір тыйымға немесе шектеуге жатқызылмайтын немесе іс бойынша өндірістің келесі сатыларында заттық дәлел ретінде талап етілмейтін шартымен жеткілікті кепілде шығаруды жүзеге асырады.
Тармақ 15. Ұсынылатын ереже Кеден қызметі кедендік құқық бұзушылықты жасау кезінде пайдаланылған көлік құралдарын тыйым салудан немесе ұстаудан босатуға тиіс, оның көзі мыналарға жеткен жағдайда: - көлік құралдары жасыру мақсатында қандай да бір түрде құрастырылмаған, бейімделмеген, өзгертілмеген, жабдықталмаған; және - көлік құралдары іс бойынша өндірістің келесі сатыларында заттық дәлел ретінде олардың ұсынылуы үшін талап етілмейді; және - қажет болған жағдайда, жеткілікті кепіл берілуі мүмкін.
Тармақ 16. Ұсынылатын ереже Көлік құралдары әкімшілік немесе соттық тәртіпте тек мына жағдайларда тәркіленеді: - меншік иесі, иесі немесе басқа кез-келген көлік құралына жауапты тұлға бұзушылық сәтінде кедендік құқық бұзушылыққа қатысты немесе ол жайында мәліметтің болуы немесе құқық бұзушылықтың жасалуын болдырмау үшін ақылға сыйымды барлық шараларды жасамады; және - көлік құралдарының жасыру мақсатында қандай да бір түрде арнайы құрастырылған, бейімделген, өзгертілген, жабдықталған болуы; немесе - арнайы өзгертілген немесе бейімделген көлік құралдары бұрынғы қалыпты жағдайына келтіру мүмкін емес.
Тармақ 17. Ұсынылатын ереже Тыйым салынған тауарлар немесе ұсталған тауарлар кеден қызметі жағынан әкімшілік немесе соттық тәртіпте тәркілеу туралы шешімінің күшіне ену немесе оларды мемлекетке беру сәтіне дейін, тауарлар тез бұзылатын болып табылатын немесе кеден қызметі осы тауарлардың сипаттамасына байланысты сақтауды жүзеге асыра алмайтын жағдайды қоспағанда, иелік етудің немесе басқа тәсілмен сатудың нысанасы болмауы тиіс.
Тармақ 18. Стандарттық ереже Ұлттық заңнама кеден қызметінің тұлғаларды ұстау бойынша құзыретін анықтайды және осындай ұстаудың шартын, жекелігінде мерзімнің өтуіне байланысты ұстау туралы шешім сот органымен қарастыруға жатқызылады.
Тармақ 19. Стандарттық ереже Кеден қызметі кедендік құқық бұзушылық анықталғаннан кейін қысқа мерзімде бұның қайда қолданылатындығын қамтамасыз ету үшін қажетті шараларды қолданады: - осы құқық бұзушылықты әкімшілік реттеуді бастамашылық ету; және - мүдделі тұлғаны осы реттеудің шарты, шағымдану тәртібі және арыз беру мерзімі туралы ақпараттандырады.
Тармақ 20. Ұсынылатын ереже Кедендік ресімдеу кезінде елеусіз деп қарастырылатын кедендік құқық бұзушылық табылған жағдайда, оны тапқан кеден қызметімен осы құқық бұзушылықты әкімшілік реттеу үшін мүмкіндік жасалуы керек.
Тармақ 21. Ұсынылатын ереже Жолаушымен елеусіз деп қарастырылатын кедендік құқық бұзушылықтың жасалуы жағдайда, оны тапқан кеден қызметімен осы құқық бұзушылықты дереу әкімшілік реттеу үшін мүмкіндік жасалуы керек.
Тармақ 22. Стандарттық ереже Ұлттық заңнама әкімшілік реттеудің пәні бола алатын, кедендік құқық бұзушылықтың әрбір дәрежесіне қатысты қолданылатын санкцияларды орнатады және осы санкцияларды қолдануға құзыретті кеден органдары анықтайды.
Тармақ 23. Стандарттық ереже Кедендік құқық бұзушылықты әкімшілік реттеу кезінде қолданатын қаталдық дәрежесі немесе санкция көлемі, жасалған кедендік құқық бұзушылықтың маңыздылығына немесе ірілік дәрежесіне және кеден қызметімен байланысты мүдделі тұлғаның өткен қызметіне байланысты.
Тармақ 24. Стандарттық ереже Тауар декларациясында дұрыс емес мәліметтер көрсетілген жағдайда және декларант онымен ұсынылған мәліметтердің дұрыстығын қамтамасыз ету үшін барлық қажетті шаралар жасалғанын дәлелдей алса, кеден қызметі санкция салу туралы мәселені шешу кезінде осы жағдайды назарға алады.
Тармақ 25. Стандарттық ереже Кедендік құқық бұзушылықтар форс-мажорлық жағдайлар нәтижесінде немесе мүдделі тұлғаның еркіне байланысты емес басқа жағдайларда болса, және оның жағынан олақтықтың немесе жалған жасауға ниеттің көрінісі жоқ, осы фактілер кеден қызметін қанағаттандыруға қажетті түрде орнатылған шартында санкция қолданылмайды.
Тармақ 26. Стандарттық ереже Тыйым салынған тауарлар немесе ұсталған тауарлар, оларды сатқаннан кейінгі түсімін қандай да баждарды, салықтарды, сондай-ақ барлық басқа жиындарды және шығындар шегерімінен басқасын: - кедендік құқық бұзушылықты аяғына дейін реттегеннен кейін қысқа мерзімде оны алуға құқығы бар тұлғаға қайтарылуы; немесе - бұл мүмкін болмаған жағдайда, осы тұлғалар пайдасына анықталған мерзімге, осы тауарларға қатысты әкімшілік немесе соттық тәртіпте оларды тәркілеу туралы шешім шығарылмаған немесе реттеу нәтижесінде мемлекетке берілмеген шартында резервке алынуы тиіс.
Тармақ 27. Стандарттық ереже Әкімшілік реттеуге жатқызылатын кедендік құқық бұзушылыққа қатысты осы тұлға келісім негізінде реттеумен келіскен жағдайды қоспағанда, кез-келген тұлға кеден қызметіне тәуелсіз органға шағым беруге құқылы.
Тармақ 1. Стандарттық ереже Жеке тұлғаларға қатысты қолданылатын кедендік жеңілдіктер осы тараудың ережесімен Бас қосымшаның ережелерімен қолданылатын дәрежедегідей реттеледі.
Тармақ 2. Стандарттық ереже Осы тарауда қарастырылған кедендік жеңілдіктер олардың азаматтығынан/ұлтынан тәуелсіз жолаушыларға қолданылады.
Тармақ 3. Стандарттық ереже Кеден қызметі жолаушыларға қатысты кедендік формальдылық орындалатын кеден органдарын анықтайды. Осы органдардың құзыретін, орналасу орнын және жұмыс сағатын орнату кезінде кеден қызметі жекелегенде, жолаушы ағымының көлемін және жағрафиялық орнын ескереді.
Тармақ 4. Стандарттық ереже Кедендік бақылаудың тиісілі рәсімдерін сақтау шартында өздерінің жеке пайдаланудағы көлік құралдарында елге келетін немесе одан кететін жолаушыларға, қозғалу үшін олармен қолданылатын көлік құралдарын тастап кетпестен барлық қажетті кедендік формальділікті орындауға рұқсат етіледі.
Тармақ 5. Ұсынылатын ереже Коммерциялық мақсаттағы автокөлік құралдарымен немесе пойызбен елге келетін немесе одан кететін жолаушыларға, қозғалу үшін олармен қолданылатын көлік құралдарын тастап кетпестен барлық қажетті кедендік формальділікті орындауға рұқсат етіледі.
Тармақ 6. Ұсынылатын ереже Екі арналы жүйе жолаушыларды кедендік бақылау және олармен тасымалданатын тауарларды, сондай-ақ тиісті жағдайларда олардың жеке пайдаланудағы көлік құралдарын ресімдеу үшін қолданылуы керек.
Тармақ 7. Ұсынылатын ереже Кеден қызметі өз мақсаты үшін жолаушылардың бөлек тізбесін немесе олармен өткізілетін жүк заттарын қолданылатын көліктің түріне қарамастан талап етпеуі керек.
Тармақ 8. Ұсынылатын ереже Кеден қызметі басқа қызметтермен және сауда қатысушыларымен өзара қатынаста, сәйкесінше халықаралық бірдейлендірілген жолаушылар туралы алдын ала ақпаратты қолдануға, жолаушыларға кедендік бақылауды және олармен тасымалданатын тауарларды ресімдеуді жеңілдету үшін мүмкін болған жағдайда тырысу қажет.
Тармақ 9. Ұсынылатын ереже Жолаушыларға олармен тасымалданатын тауарларды ауызша декларациялау рұқсат етілуі керек. Сонымен қатар, кеден қызметі коммерциялық сипаттағы әкелудің немесе әкетудің объектісі болатын немесе ұлттық заңнамамен орнатылған құндық немесе мөлшерлік шектеуден асатын жолаушылармен тасымалданатын тауарларға жазбаша немесе электрондық түрде ресімделген декларацияны талап етуі мүмкін.
Тармақ 10. Стандарттық ереже Кедендік бақылау мақсаты үшін жолаушыларды жеке қарау тек ерекше жағдайларда және контрабанда немесе басқа құқық бұзушылықтарға күдіктену үшін салмақты негіз болған жағдайда жүргізіледі.
Тармақ 11. Стандарттық ереже Жолаушылармен тасымалданатын тауарлар қоймалауға немесе кеден қызметімен орнатылған жағдайларда сақтауға, олардың ресімделуіне дейін кері әкету сәйкесінше кедендік режиміне немесе ұлттық заңнамамен сәйкес басқа тәсілде иемденуі мынадай жағдайларда жатқызылады: - жолаушының сұрауы бойынша; - тауарларды жедел ресімдеу мүмкін болмаған жағдайда; немесе - тауарларға қатысты осы тараудың басқа ережелері қолданылмаса.
Тармақ 12. Стандарттық ереже Иесімен бірге жөнелтілмейтін багажды ресімдеу (жолаушының кетуіне немесе келуіне дейін әкелінетін немесе әкетілетін багаж) иесімен бірге жөнелтілетін багажға қатысты қолданылатын рәсімдерге қатысты немесе басқа кедендік оңайлатылған рәсімдермен сәйкес жүргізіледі.
Тармақ 13. Стандарттық ереже Кез-келген уәкілетті тұлғаға иесімен бірге жөнелтілмейтін багажды жолаушы атынан ресімдеуге ұсынуға рұқсат етіледі.
Тармақ 14. Ұсынылатын ереже Жолаушыларға кедендік жеңілдіктерге сәйкес еркін айналым үшін декларацияланатын тауарларға қатысты, тауарларды әкелу коммерциялық сипатта емес және құндық жиынтық немесе осы тауарлардың жалпы саны ұлттық заңнамамен орнатылған шектеулерден аспайтын шартымен біртұтас ставка бойынша баждар мен салықтардың есептеу жүйесі қолданылуы керек.
Тармақ 15. Ұсынылатын ереже Барлық мүмкін жерде, кеден қызметінің көрсеткен қызметі, сондай-ақ баждар мен салықтарды төлеу үшін төлем құралы ретінде несиелік кәртішкілердің немесе банктық кәртішкілердің қолданылуы рұқсат етілуі керек.
Тармақ 16. Ұсынылатын ереже Жолаушыларға әкелу бажы мен салығын төлеусіз әкелуге рұқсат етілетін темекі өнімдерінің, шараптың, күшті спирттік сусындардың және иіс сулардың көлемдік шектеулері мынадан төмен болмау керек: а) 200 шылым немесе 50 сигара немесе 250 грамм темекі, немесе осы өнімдер жинағының жалпы салмағы 250 грамм; б) 2 литр шарап немесе 1 литр күшті спирттік сусындар; в) 0,25 туалеттік су және 50 грамм иіс сулары. Алайда, темекі өнімдеріне және алкогольді сусындарға қатысты кедендік жеңілдіктер арнайы жасқа жеткен тұлғалармен берілуі мүмкін және шекарадан жиі өтетін және елде 24 сағаттан кем емес болмаған тұлғаларға тек шектелген көлемде берілуі немесе берілмеуі мүмкін.
Тармақ 17. Ұсынылатын ереже Әкелу бажы мен салығын төлеусіз көлемдік шектеу шегінде әкелуге рұқсат етілетін тұтынылатын тауарлардан басқа жолаушыларға әкелу бажы мен салығын төлеусіз тек коммерциялық сипаттағы емес жалпы құны 75 Шеттен алынған арнайы құқықтан кем емес тауарларды әкелу рұқсат етілуі тиіс (ШАҚ). Бұл құндық жиынтық арнайы жастан жас тұлғалар және шекарадан жиі өтетін немесе елде 24 сағаттан аз болмаған тұлғалар үшін азаюы мүмкін.
Тармақ 18. Стандарттық ереже Елге қайтушы резиденттерге елден шығатын сәтте олармен алынған және осы елде еркін айналымда болған жеке заттарды және жеке пайдаланудағы көлік құралдарын әкелу бажы мен салықтарды төлеусіз әкелуге рұқсат етіледі.
Тармақ 19. Стандарттық ереже Кеден қызметі резидент еместердің жеке заттарының кеден құжатын немесе кепілін уақытша әкелу үшін талап етілмейді, мына жағдайларды қоспағанда: - осы заттардың құны немесе саны ұлттық заңнама орнатқан шектеуден асады; немесе - кеден қызметі осы тауарлар мемлекеттік бюджеттің кірісі үшін тәуекел болатындығына күдіктенеді.
Тармақ 20. Стандарттық ереже Жеке сипаттағы киімнен, туалеттік керек-жарақтар және басқа заттардан басқа резидент еместердің жеке заттары болып мыналар есептеледі: - жеке зергерлік әшекейлер; - ақылға сыйымды фото-, кино-, бейне таспалармен және оларға керек-жарақтарымен фотоаппараттар, кино- және бейне қамералар; - ақылға сыйымды сандық диапозитивтер немесе кино таспалармен бірге тасымалданатын диа- және кинопроектрлар және оларға керек-жарақтар; - дүрбілер; - тасымалданатын музыкалық аспаптар; магнитофондар, шағын-дисктер ойнатқыштар және таспаларымен диктофондар, күйтабақтар және дисктермен тасымалданатын дыбыс шығару құрылғылары; - тасымалданатын радиоқабылдағыштар; - сымсыз немесе мобильді телефондар; - тасымалданатын теледидарлар; - тасымалданатын жазба машинкалары; - тасымалданатын жеке компьютерлер және керек-жарақтар; - тасымалданатын калькуляторлар; - жай және серуендік балалардың арбалары; - мүгедектерге арналған арбалар; - спорттық керек-жабдықтар.
Тармақ 21. Стандарттық ереже Резидент еместердің жеке заттары үшін уақытша әкелу декларациясын беру қажет жағдайында, уақытша әкелу мерзімі егер осы мерзім ұлттық заңнама орнатқан шектеуден аспаған шарты негізінде жолаушының елде болу ұзақтығына жүгініп орнатылады.
Тармақ 22. Стандарттық ереже Жолаушының сұрауы және кеден қызметі негізді деп таныған негіздемелер бойынша резидент еместердің жеке заттарын уақытша әкелудің бастапқы белгіленген мерзімі ұлттық заңнамамен белгіленген шектеуден аспайтын мерзім жағдайында ұзартылады.
Тармақ 23. Стандарттық ереже Резидент еместер олардың жеке пайдаланудағы көлік құралдарына қатысты уақытша әкелу құқығын пайдаланады.
Тармақ 24. Стандарттық ереже Жеке пайдалануға арналған көлік құралының кәдімгі бактарындағы отын әкелім баждары мен салықтардан босатыла отырып әкелінеді.
Тармақ 25. Стандарттық ереже Көлік құралдарына қатысты берілген жеңілдіктер резидент еместерге тиесілі, олардың жалға алған немесе олардың уақытша алған және жолаушының кіруімен бір мезгілде не мұндай берілген кіруге дейін немесе кіруден кейін әкелінген жеке пайдалануындағы көлік құралдарына қолданылады.
Тармақ 26. Ұсынылатын ереже Кеден қызметі резидент еместердің жеке пайдалануындағы көлік құралдарының уақытша әкелінуіне арналған кедендік құжатты немесе кепілді талап етпеуі тиіс.
Тармақ 27. Ұсынылатын ереже Резидент еместердің жеке пайдалануға арналған көлік құралдарын уақытша әкелу үшін кедендік құжат немесе кепіл талап етілгенде, кеден қызметі стандарттық халықаралық құжаттарды және кепілді қабылдауға міндетті.
Тармақ 28. Стандарттық ереже Резидент еместердің жеке пайдалануындағы көлік құралдарын уақытша әкелуге декларацияны беру қажет болған жағдайларда, мұндай мерзім ұлттық заңнамамен белгіленген шектеулерден аспаған жағдайда, уақытша әкелу мерзімі резидент еместің елде болу ұзақтығы негізге алына отырып белгіленеді.
Тармақ 29. Стандарттық ереже Бұл мерзім ұлттық заңнамамен белгіленген шектеулерден аспаған жағдайларда, мүдделі адамның сұрауы бойынша және кеден қызметі негізді деп таныған негіздер бойынша ол резидент еместің жеке пайдалануындағы көлік құралын уақытша әкелудің бастапқы белгіленген мерзімін ұзартады.
Тармақ 30. Стандарттық ереже Уақытша әкелуге құқық елде уақытша орналастырылған, жеке пайдаланудағы көлік құралы үшін қажетті ауыстырушы бөліктерге қатысты беріледі.
Тармақ 31. Стандарттық ереже Кеден қызметі резидент еместердің уақытша әкелінген тауарларын ол арқылы әкелінгеннен өзге кеден органы арқылы қайта әкетулеріне рұқсат етеді.
Тармақ 32. Стандарттық ереже Кеден қызметі резидент еместердің авария немесе форс-мажорлық жағдайлардың нәтижесінде елеулі бүлінген немесе жойылған жеке пайдалануындағы көлік құралдарын немесе олардың жеке заттарын қайта әкетуді талап етпейді.
Тармақ 33. Стандарттық ереже Кететін жолаушыларға қатысты қолданылатын кедендік формальдылықтар барынша оңайлатылуы тиіс.
Тармақ 34. Стандарттық ереже Жолаушыларға қажетті шарттар мен формальдылықтарды сақтау және тиісті әкетілім баждары мен салықтарды төлеу кезінде тауарларды коммерциялық мақсаттар үшін әкетуге рұқсат етіледі.
Тармақ 35. Стандарттық ереже Елден кететін резиденттердің сұрауы бойынша кеден қызметі бұл оларды баждар мен салықтарды төлеместен қайта әкелуге ықпал ететін жағдайларда, жекелеген заттарды сәйкестендіру бойынша шаралар қолданады.
Тармақ 36. Стандарттық ереже Кеден қызметі ерекше жағдайларда ғана елден кететін резиденттерге тиесілі жеке заттар мен жеке пайдалануындағы көлік құралдарын уақытша әкетуге құжатты талап етеді.
Тармақ 37. Ұсынылатын ереже Егер кепіл ақша депозиті нысанында берілген болса, егер осы орган әкелуді жүзеге асырғаннан өзге болса да қайта әкету кеден органында оны қайтару үшін шарттар көзделуі қажет.
Тармақ 38. Стандарттық ереже Транзиттік аймақтан кетпейтін транзиттік жолаушыларға қатысты кедендік бақылау жүргізілмейді. Сонымен қатар кеден қызметіне транзиттік аймақтарда жалпы қадағалауды жүзеге асыруға және кедендік құқық бұзушылықта күдік болған жағдайда кез келген қажетті шаралар қолдануға рұқсат беріледі.
Тармақ 39. Ұсынылатын ереже Жолаушыларға қатысты қолданылатын кедендік жеңілдіктер туралы ақпарат бір тілде немесе мүдделі елдің бірнеше ресми тілдерінде және пайдалы деп есептелген кез келген басқа тілде берілуі тиіс.
Тармақ 1. Стандарттық ереже Почта жөнелтілімдеріне қатысты кедендік формальдылық осы Тараудың ережелерімен және қолданылатын дәрежесінде - Бас қосымшаның ережелерімен реттеледі.
Тармақ 2. Стандарттық ереже Ұлттық заңнама почта жөнелтілімдеріне қатысты кеден рәсіміне байланысты кеден қызметінің және почта қызметінің тиісті жауапкершілігі мен міндеттерін белгілейді.
Тармақ 3. Стандарттық ереже Почта жөнелтілімдерін ресімдеу қысқа мерзімдерде жүргізіледі.
Тармақ 5. Стандарттық ереже Тауарларды почта жөнелтілімдерінде әкелуге осы тауарлардың еркін айналыс үшін шығаруға немесе қандай да бір басқа кедендік режимде орналастыруға арналғанына қарамастан рұқсат беріледі.
Тармақ 7. Стандарттық ереже Кеден қызметі егер мұндай жөнелтілімдерде: - әкетілуі расталуы қажет тауарлар; - әкетуге тыйым салуға немесе шектеулерге жататын не әкетілім баждары мен салықтар салынатын тауарлар; - құны ұлттық заңнамамен белгіленген сомадан асатын тауарлар; - таңдаулы немесе кездейсоқ тексерулер негізінде кедендік бақылау үшін іріктеп алынған тауарлар болса кедендік бақылау мақсаттары үшін оған әкетілетін почта жөнелтілімдерін ұсынуды талап етпейді.
Тармақ 8. Ұсынылатын ереже Кеден қызметі, жалпы ереже ретінде оған әкелінетін почта жөнелтілімдерінің мынадай санаттарын ұсынуды талап етпеуі тиіс: а) почта открыткалары мен өте жеке сипаттағы хаттар; б) соқырларға арналған әдебиет; в) әкелінім баждары мен салықтар салынбайтын баспа басылымдары;
Тармақ 10. Стандарттық ереже Кедендік формальдылық транзиттік почта жөнелтілімдеріне қолданылмайды.
Тармақ 11. Стандарттық ереже Кеден қызметі почта жөнелтілімдеріндегі тауарларға қатысты баждар мен салықтарды өндіріп алуды мүмкіндігінше барынша оңайлатуға арналған шараларды көздейді.
Тармақ 1. Стандарттық ереже Коммерциялық мақсаттағы көлік құралдарына қолданылатын кедендік формальдылықтар осы Тараудың ережелерімен және қолданылатын дәрежеде - Бас қосымшаның ережелерімен реттеледі.
Тармақ 2. Ұсынылатын ереже Коммерциялық мақсаттағы көлік құралдарына қолданылатын кедендік формальдылықтар осы көлік құралдарының тіркелген еліне, олардың меншік иесінің тұратын жеріне, жөнелтуші елге немесе межелі елге қарамастан, тең қолданылуға тиіс.
Тармақ 3. Ұсынылатын ереже Коммерциялық мақсаттағы жүк тиелген немесе бос көлік құралдарын мұндай коммерциялық мақсаттағы тауарларды уақытша әкелу елінің кедендік аумағындағы ішкі тасымалдарда пайдаланбау шартымен, әкелінім баждары мен салықтардан шартты түрде босатыла отырып, кедендік аумаққа уақытша әкелуге рұқсат етілуге тиіс. Олар пайдалану, жағармай мен отынды дағдылы пайдалану, сондай-ақ қажетті жөндеуді жүзеге асыру нәтижесінде табиғи тозудан басқа, ешқандай өзгерістерге ұшырамай қайта әкетуге арналуы тиіс.
Тармақ 4. Стандарттық ереже Шетелде тиісті түрде тіркелген коммерциялық мақсаттағы көлік құралдарын уақытша әкелу туралы кепіл немесе құжатты кеден қызметі кедендік бақылау мақсаттары үшін оны елеулі түрде қажет деп есептегенде ғана талап етеді.
Тармақ 5. Стандарттық ереже Кеден қызметі коммерциялық мақсаттағы көлік құралдарын қайта әкету үшін мерзімді белгілеген жағдайларда, ол күтілетін кедендік операцияларды жүзеге асырумен байланысты барлық жағдайларды назарына алады.
Тармақ 6. Ұсынылатын ереже Мүдделі тұлғаның сұратуы бойынша және кеден қызметі негізді деп таныған себептер бойынша ол бастапқы белгіленген мерзімді ұзартуға міндетті.
Тармақ 7. Ұсынылатын ереже Осы коммерциялық мақсаттағы көлік құралдарымен бірге әкелінетін және оның коммерциялық мақсаттағы көлік құралдарынан бөлек пайдаланылуы немесе пайдаланылмауы мүмкін екеніне қарамастан, олармен қайта әкетілу үшін арналатын, жүктерді тиеуге, түсіруге, өңдеуге және қорғауға арналған арнайы жабдықтарды әкелінім баждары мен салықтардан шартты түрде босата отырып, кедендік аумаққа уақытша әкелуге рұқсат берілуі тиіс.
Тармақ 8. Ұсынылатын ереже Осыған дейін кедендік аумаққа уақытша әкелінген, коммерциялық мақсаттағы көлік құралының ішіне салынған немесе онда пайдаланылатын бөлшектер мен жабдықтарды ауыстыру мақсатында жөндеу немесе техникалық қызмет көрсету кезінде пайдалануға арналған қосалқы бөлшектер мен жабдықтарды әкелінім баждары мен салықтардан шартты түрде босата отырып, осы аумаққа уақытша әкелуге рұқсат берілуі тиіс.
Тармақ 9. Стандарттық ереже Егер коммерциялық мақсаттағы көлік құралы кірген кезде кеден қызметіне кіру декларациясының ұсынылуы талап етілсе, осы декларацияда көрсетілуге тиіс ақпарат кеден заңнамасын сақтауды қамтамасыз ету үшін қажетті неғұрлым аз мәліметтермен шектеледі.
Тармақ 10. Стандарттық ереже Кеден қызметі оған ұсынылуы тиіс кіру декларациясы даналарының санын мүмкін болғанынша қысқартуға міндетті.
Тармақ 11. Стандарттық ереже Коммерциялық мақсаттағы көлік құралдары кіретін елдің шетелдік өкілдерінің коммерциялық мақсаттағы көлік құралдарының кіруімен байланысты кеден қызметіне ұсынылатын немесе берілетін құжаттарды заңдастыруы, растауы, түпнұсқаларын куәландыруы немесе оларды алдын ала қарау талап етілмейді.
Тармақ 12. Стандарттық ереже Коммерциялық мақсаттағы көлік құралдары басқа елде аралық аялдамаларда тоқтамастан, кедендік аумақтағы келесі пункттерде тоқтауды жүзеге асырса, қолданылатын кедендік формальдылықтар бұрын қабылданған кедендік бақылау шаралары ескеріле отырып, барынша оңайлатылуы тиіс.
Тармақ 13. Стандарттық ереже Коммерциялық мақсаттағы көлік құралдарының кедендік аумақтан шығуы кезінде қолданылатын кедендік формальдылықтар: а) оның қажет болған кезінде шығу декларациясын уәкілетті кеден органына белгіленген тәртіппен ұсынуын; б) қажет жағдайда кедендік пломбаларды салуын; в) бақылау мақсаттары үшін бұл қажет болған жағдайларда, кеден қызметінің ұйғарған бағыттары бойынша жүруін; және г) коммерциялық мақсаттағы көлік құралдарының рұқсатсыз ұсталмастан шығуын жүзеге асыруды қамтамасыз ететін шаралармен шектеледі.
Тармақ 14. Ұсынылатын ереже Олардың шығу үшін пайдаланылатындығы нақты көрсетілген жағдайда, кеден қызметі шығу декларацияларының нысандарын шығу декларациясы үшін ұйғарылған ұқсас нысандармен бірдей пайдалануға рұқсат беруге міндетті.
Тармақ 15. Стандарттық ереже Коммерциялық мақсаттағы көлік құралдарын олардың кіруі жүзеге асырылғаннан өзге кеден органы арқылы кедендік аумақтан шығаруға рұқсат етіледі.
Тармақ 1. Стандарттық ереже Керек-жарақтарға қатысты кедендік рәсім осы Тараудың ережелерімен және қолданылатын дәрежеде - Бас қосымшаның ережелерімен реттеледі.
Тармақ 2. Ұсынылатын ереже Керек-жарақтарға қатысты кедендік рәсім теңіз (өзен) және әуе кемелерінің не поездардың тіркелген еліне немесе ұлтына қарамастан, бірдей шарттарда қолданылуы тиіс.
Тармақ 4. Ұсынылатын ереже Халықаралық экспресс-поездарда тамақ өнімдері ретінде әкелінетін, жолаушылар мен экипаж мүшелерінің тұтынуына арналған керек-жарақтар әкелінім баждары мен салықтардан: (а) бұл тауарлар осы халықаралық поезд аумақтарынан өткен елдерде ғана сатып алынған; және (б) бұл тауарларға қатысты тиісті баждар мен салықтар олардың сатып алынған елдерінде төленген жағдайда босатылуы тиіс.
Тармақ 5. Стандарттық ереже Теңіз (өзен) және әуе кемелерін, сондай-ақ поездарды пайдалану және оларға техникалық қызмет көрсету үшін қажетті, кедендік аумаққа келетін осы көлік құралдарының бортында орналасқан керек-жарақтар әкелінім баждары мен салықтардан олар осы көлік құралдарының кедендік аумақта болуы кезінде аталған кемелердің бортында немесе поезда қалған жағдайда босатылады.
Тармақ 7. Ұсынылатын ереже Теңіз (өзен) кемесі кедендік аумаққа келген соң кеден қызметіне Ұсынылатын керек-жарақтар декларациясында кеменің бортында орналасқан керек-жарақтардан кеден қызметінің рұқсатымен берілетін керек-жарақтардың саны ескерілуі тиіс; бұл ретте кеден қызметіне осы керек-жарақтарға қатысты жеке нысанды ұсыну міндетті болып табылмайды.
Тармақ 8. Ұсынылатын ереже Кеден қызметі талап еткен керек-жарақтар декларациясында олардың кедендік аумақта болу кезінде кемелерге қойылған керек-жарақтардың саны ескерілуі тиіс.
Тармақ 9. Стандарттық ереже Кеден қызметі әуе кемелерінің бортында қалатын керек-жарақтарға жеке декларацияны талап етпейді.
Тармақ 11. Ұсынылатын ереже Кеден қызметі теңіз (өзен) кемесін докта немесе верфьте жөндеу кезінде бортта орналасқан, экипаж мүшелерінің тұтынуына арналған керек-жарақтарды оның докта немесе верьфте болу ұзақтығы негізді деп танылған жағдайда беруге рұқсат етуі тиіс.
Тармақ 12. Стандарттық ереже Әуе кемесі кедендік аумақтағы бір немесе бірнеше әуежайларға жоспарлы қонған жағдайда, кеден қызметі әуе кемесінің мұндай аралық әуежайларда тұрған кезінде және олардың арасында ұшу кезінде бортта орналасқан, тұтынуға арналған керек-жарақтарды беруге рұқсат етуі тиіс.
Тармақ 14. Стандарттық ереже Кеден қызметі көлік құралдарының кедендік аумақта болуы кезінде керек-жарақтарды басқа жерде сақтау үшін оларды теңіз (өзен) немесе әуе кемесінің бортынан немесе поездан шығаруды, ол бұл шараны қажетті деп санаған жағдайларда ғана талап етеді.
Тармақ 15. Стандарттық ереже Шетелдегі соңғы межелі пунктіне кететін теңіз (өзен) және әуе кемелеріне: а) кеден қызметі жолаушылар мен экипаж мүшелерінің санын, рейстің немесе ұшудың ұзақтығын, сондай-ақ бортта осыған дейін болған мұндай керек-жарақтардың санын ескере отырып, негізді деп саналған мөлшердегі керек-жарақтарды; және б) негізді деп танылған мөлшерде оларды пайдалануды және техникалық қызмет көрсетуді қамтамасыз ету үшін, рейс немесе ұшу кезінде пайдалану, және техникалық қызмет көрсету үшін қажетті, сондай-ақ бортта осыған дейін болған мұндай керек-жарақтардың санын ескере отырып, тұтынуға арналған керек-жарақтарды баждар мен салықтардан босата отырып, бортқа қабылдауға рұқсат беріледі.
Тармақ 16. Стандарттық ереже Кедендік аумаққа келген және кедендік аумақтағы соңғы межелі пунктіне дейін жүру үшін өз керек-жарақтарын толықтыруды қажет ететін теңіз (өзен) және әуе кемелерімен керек-жарақтарды толықтыруға баждар мен салықтардан босата отырып, жол беріледі.
Тармақ 17. Стандарттық ереже Кеден қызметі теңіз (өзен) және әуе кемелеріне олардың кедендік аумақта болу кезінде жеткізілген, тұтынуға арналған керек-жарақтарды олардың келген кезінде теңіз (өзен) және әуе кемелерінде осыған дейін орналасқан, тұтынуға арналған керек-жарақтарға осы Тарауда қолданылатын шарттармен беруге рұқсат етеді.
Тармақ 18. Ұсынылатын ереже Теңіз (өзен) кемесі кедендік аумақтан кеткен кезде жабдықтарға декларация талап етілмейді.
Тармақ 19. Стандарттық ереже Егер кеден қызметі кедендік аумақтан кететін теңіз (өзен) немесе әуе кемелерінің бортына тиелген керек-жарақтарға декларацияны талап еткен жағдайда, осы декларацияда көрсетілуі тиіс ақпарат кедендік бақылау үшін қажетті мәліметтердің барынша аздығымен шектеледі.
Тармақ 20. Стандарттық ереже Кедендік аумаққа келген теңіз (өзен) және әуе кемелерінің бортында, сондай-ақ поездарда орналасқан керек-жарақтарды: а) егер әрбір жағдайда қолданылатын шарттар мен формальдылықтар сақталса, кедендік аумақта еркін айналыс үшін шығаруға немесе басқа кедендік режимге орналастыруға; немесе б) кеден қызметінің алдын ала рұқсатымен тиісінше басқа халықаралық тасымалдарда пайдаланылатын теңіз (өзен) және әуе кемелеріне немесе поездарға қайта тиеуге рұқсат беріледі.
Тармақ 1. Стандарттық ереже Жәрдем жүктерін кедендік ресімдеу осы Тараудың ережелерімен және қолданылатын дәрежеде - Бас Қосымшаның ережелерімен реттеледі.
Тармақ 2. Стандарттық ереже Жәрдем жүктерін әкету, оның транзиті, оларды уақытша әкелу және әкелу үшін кедендік ресімдеу басым тәртіппен жүзеге асырылуы тиіс.
Тармақ 3. Стандарттық ереже Жәрдем жүктеріне қатысты кеден қызметі: - декларацияны белгілі бір мерзім ішінде толтыру шартымен, тауарларға оңайлатылған декларацияны не тауарларға уақытша немесе толық емес декларацияны беруді; - тауарлар келгенге дейін тауарларға декларацияны және ілеспе құжаттарды беруді, тіркеуді немесе тексеруді және оларды келген кезде шығаруды; - осымен байланысты барлық алымдардан босата отырып, кеден органдарының жұмыс уақытына тыс немесе орналасқан жерінен тыс кедендік ресімдеуді; және - айрықша жағдайлар кезінде ғана тауарларды қарау және/немесе үлгілері мен сынамаларын алуды көздейді.
Тармақ 4. Ұсынылатын ереже Жәрдем жүктерін кедендік ресімдеу шығарушы, жөнелтуші немесе межелі еліне қарамастан, жүзеге асырылуы тиіс.
Тармақ 5. Ұсынылатын ереже Жәрдем жүктеріне қатысты экономикалық сипаттағы әкетуге тыйымдар немесе шектеулер, сондай-ақ басқа жағдайларда төлеуге жататын әкетілім баждары мен салықтар қолданылмауы тиіс.
Тармақ 6. Ұсынылатын ереже Уәкілетті ұйымдар сыйға алған және осы ұйымдардың немесе олардың бақылауымен пайдалануға, не олардың немесе олардың бақылауымен тегін таратуға арналған жәрдем жүктері әкелінім баждары мен салықтарсыз қабылдануы және экономикалық сипаттағы әкелуге тыйымдар немесе шектеулерден босатылуы тиіс.
Тармақ 1. Стандарттық ереже Тауарларды әкелу және әкету кезінде Кеден қолдануға міндетті шараларды жүзеге асыру үшін қажетті тауарлардың шығуын анықтау ережелері осы Тараудың ережелеріне және қолданылатын дәрежеде - Жалпы қосымшаның ережелеріне сәйкес белгіленеді. (D,1)
Тармақ 2. Стандарттық ереже Белгілі бір елде толығымен өндірілген тауарлар осы елде шығарылған жері бар ретінде қарастырылады. Белгілі бір елде толығымен өндірілген тауарлар мынадай өлшемдерді ғана қамтуы мүмкін: (а) осы елдің жер қойнауларынан, аумақтық суларынан немесе оның теңіз түбінен шығарылған пайдалы қазбалар; (b) осы елде өсірілген немесе жиналған өсімдік тектес өнім; (с) осы елде туған және өсірілген жануарлар; (d) осы елде жануарлардан алынған өнім; (е) осы елдегі аңшылық немесе балық аулау кәсіпшілігінің өнімі; (f) осы елдің теңіз балық аулау кәсіпшілігінің өнімі және кеме кәсіпшілігінің нәтижесінде алынған басқа да теңіз өнімі; (g) осы елдің балықты қайта өңдеуші кемесінің бортында жоғарыдағы (f) тармағында аталған өнімдердің түрлерінен ғана алынған өнім; (h) аталған елдің мұндай теңіз түбін немесе жер қойнауын игеруге эксклюзивті құқықтары болған жағдайда, осы елдің аумақтық суларының тысқары жердегі теңіз түбінен немесе жер қойнауынан алынған өнім; (ij) осы елде жиналған және шикізатты қайта өңдеу үшін ғана жарамды өндірістік және қайта өңдеу сынықтары мен қалдықтары, сондай-ақ пайдалануда болған бұйымдар; (k) осы елде жоғарыдағы (а)-(ij) тармақтарында көрсетілген өнімдерден ғана дайындалған тауарлар. (1) (D1,2)
Тармақ 3. Ұсынылатын ереже Тауарларды өндіру кемінде екі елдің қатысуы кезінде жүзеге асырылған жағдайларда, осы тауарлардың шығуы елеулі қайта өңдеу өлшемдеріне сәйкес анықталуы тиіс. (D1,3)
Тармақ 4. Ұсынылатын ереже Елеулі қайта өңдеу өлшемдерін қолданған кезде Тауарларды сипаттау мен кодтаудың үйлестірілген жүйесі туралы халықаралық конвенцияны пайдалану қажет. (D1,4)
Тармақ 5. Ұсынылатын ереже Елеулі қайта өңдеу өлшемдері тауарлардың жалпы құнына проценттік қатынаста көрінген жағдайларда ескерілуі қажет құнның мәндері мыналарды қамтиды: - әкелінетін материалдармен болған жағдайда - әкелу кезінде баж салынатын баға, не шығуы анықталмаған материалдармен болған жағдайда, - олар дайындалған елдің аумағында олар үшін төленген, алғашқы құжатпен расталған баға; және - өндірілген тауарлармен болған жағдайда - франко-завод бағасы немесе ұлттық заңнаманың ережелеріне сәйкес әкету кезіндегі баға. (D1,5)
Тармақ 6. Ұсынылатын ереже Тауарлардың негізгі сипатамаларын немесе қасиеттерін алуды қамтамасыз етпейтін не оларды шамалы ғана дәрежеде қамтамасыз ететін, және, атап айтқанда, төменде аталған тізім ішіндегі бір немесе бірнеше операцияларды қамтитын операциялар тауарларды өндіру немесе қайта өңдеу бойынша елеулі операциялар ретінде қарастырылмауы тиіс: (а) тасымалдау немесе сақтау кезінде тауарлардың сақталуын қамтамасыз ету үшін қажетті операциялар; (b) сусымалы жүктерді бөлшектеуді, орамаларды топтауды, сұрыптауды және жіктеуді, қайта орауды қамтитын, тауарларды орауды немесе олардың коммерциялық жарамдылығын жақсарту немесе оларды тасымалдауға дайындау жөніндегі операциялар; (с) қарапайым жинақтау операциялары; (d) алынған өнімнің сипаттамалары араластырылатын тауарлардың сипаттамаларынан негізінен ерекшеленбеген жағдайда, әр тектес тауарларды араластыру. (D1,6)
Тармақ 7. Ұсынылатын ереже Машиналарда, құрылғыларда, агрегаттарда немесе көлік құралдарында пайдаланылатын керек-жарақтардың, қосалқы бөлшектердің және құрал-саймандардың шығуы оларды аталған машиналармен, құрылғылармен, агрегаттармен немесе құралдармен жиынтықта әкелу мен сату және олардың әдетте пайдаланылатын керек-жарақтарға, қосалқы бөлшектерге және құрал-саймандарға жинақтылығы мен саны бойынша сәйкес келу шартымен, аталған машиналардікіндей болып есептелуі тиіс. (D1,7)
Тармақ 8. Ұсынылатын ереже Көлік немесе өндірістік сипаттағы себептер бойынша оны бір тауар легімен әкелу тиімсіз болғандықтан, кемінде екі тауар легімен әкелінетін, құрастырылмаған немесе бөлшектелген тауар бұйымдары импорттаушының сұратуы бойынша оның шығуын анықтау мақсаттары үшін бір бұйым ретінде қарастырылуы тиіс. (D1,8)
Тармақ 9. Ұсынылатын ереже Кедендік тарифті ұстау үшін әкелу елінің ұлттық заңнамасында олардың жеке декларациялануы көзделген жағдайларды қоспағанда, шығуын анықтау мақсаттары үшін орамалардың шығуы олардың ішіндегі тауарлардікіндей болып есептелуі тиіс. Бұл жағдайда орамалардың шығуы тауарлардың шығуынан бөлек анықталуы тиіс. (D1,9)
Тармақ 10. Ұсынылатын ереже Тауарлардың шығуын анықтау мақсаттары үшін орамалардың шығуы тауарлардікіндей болып есептелген жағдайларда, әсіресе, проценттік арақатынасты анықтау әдісі қолданылған жағдайларда, бөлшек сауда кәсіпорындары әдетте осы тауарларды өткізетін орамаларды ғана ескеру қажет. (D1,10)
Тармақ 11. Стандарттық ереже Тауарлардың шығуын анықтау мақсаттары үшін тауарларды өндіру немесе қайта өңдеу үшін пайдаланылатын энергияның, машиналардың және құрал-саймандардың шығуы ескерілмейді. (D1,11)
Тармақ 12. Ұсынылатын ереже Тауарларды шығарылған елінен тікелей тасымалдаудың белгіленген ережесі болған жағдайларда, олардан бас тартуға рұқсат беріледі. Мұндай бас тартулар географиялық себептер бойынша (мысалы, барлық жақтары құрлықпен қоршалған елдермен болған жағдайда), сондай-ақ үшінші елдердегі Кедендік бақылаудағы тауарлармен болған жағдайда (мысалы, жәрмеңкелерде немесе көрмелерде көрсетілетін немесе Кедендік қоймаларға орналастырылған тауарлармен болған жағдайда) мүмкін. (D1,12)
Тармақ 13. Стандарттық ереже Тауарлардың шығуын анықтау ережелеріндегі немесе оларды қолдану тәртібіндегі өзгерістер мүдделі тұлғаларға экспорттық рыноктарда да, тауарларды жеткізуші елдерде де жаңа ережелермен танысуға мүмкіндік беретін тиісті хабарламаларды жібергеннен кейін күшіне енеді. (D1,14)
Тармақ 1. Стандарттық ереже Тауарлардың шығуын растайтын кұжаттарға берілетін сұратуларды ресімдеу, мұндай құжаттарды жасау және беру осы Тараудың ережелерімен және қолданылатын дәрежеде Жалпы қосымшаның ережелерімен реттеледі. (D2,1)
Тармақ 2. Ұсынылатын ереже Тауарлардың шығуын растайтын құжаттарды беру бұл бір жақты тәртіппен не екі жақты немесе көп жақты келісімдерге сәйкес қолданылатын жеңілдетілген Кедендік баждарды, экономикалық немесе сауда сипатындағы шараларды, не халық денсаулығын немесе қоғамдық тәртіпті қамтамасыз ету мақсатында қолданылатын шараларды қолдану үшін қажет болған жағдайларда ғана міндетті болып табылады. (D2,2)
Тармақ 3. Ұсынылатын ереже Тауарлардың шығуын растайтын құжаттарды беру тауарлардың мынадай санаттары үшін міндетті болып табылмайды: (а) осы әкелінетін тауарлардың коммерциялық емес сипаты болған, ал олардың жиынтық құны 100 АҚШ долларынан кем емес сомадан аспаған жағдайда, жеке тұлғалардың мекен-жайына ұсақ тауар легімен жіберілетін немесе жеке тұлғалардың багажында өткізілетін тауарлар; (b) құнының жиынтығы кемінде 60 АҚШ долларын құрайтын сомадан аспайтын коммерциялық мақсаттағы тауарлардың легі; (с) уақытша әкелу объектісі болып табылатын тауарлар; (d) Кедендік транзит режимінде өткізілетін тауарлар; (е) аймақтық атау туралы куәлікпен жабдықталған тауарлар, сондай-ақ екі жақты немесе көп жақты келісімдерге сәйкес жеткізуші елдердің сақтауына жататын осы тауарларға қатысты шарттар олардың шығуын растайтын құжаттарды беруді талап етпеген жағдайларда, белгілі бір тауарлар. (D2,3)
Тармақ 4. Ұсынылатын ереже Тауарлардың шығуын растайтын құжаттарды беру қажеттілігін айқындайтын ережелер бір жақты тәртіппен белгіленген жағдайларда, шаруашылық және коммерциялық қызметтің олар енгізілген шарттарындағы өзгерістер саласында олардың барабарлық дәрежесі анықталуы үшін олар үш жылда кемінде бір рет қайта қаралуы тиіс. (D2,4)
Тармақ 5. Ұсынылатын ереже Осы тауарлардың шығарылған елінің құзыретті органдарының тауарларды шығуын растайтын құжаттарды беруі әкелу елінің Кеденінде алаяқтықтағы сезік үшін негіздеме болған жағдайларда ғана міндетті болып табылады. (D2,5)
Тармақ 7. Ұсынылатын ереже Тауарлардың шығуы туралы куәліктің бланкілері әкету елінің тілінде (тілдерінде), және, егер ағылшын да, француз да тілдері осы елдің тілдері болып табылмаған жағдайда, ағылшын немесе француз тілдерінде де басылуы тиіс. (D2,7)
Тармақ 8. Ұсынылатын ереже Тауарлардың шығуы туралы куәлік әкелу елінің тілі болып табылмайтын тілде ресімделген жағдайларда, осы елдің Кедені, әдетте, тауарлардың шығуы туралы куәлікте келтірілген мәліметтердің аудармасын талап етпеуі тиіс. (D2,8)
Тармақ 9. Стандарттық ереже Осы Тараудың ережелерін сақтауға міндеттенген Уағдаласушы тараптар тауарлардың шығуы туралы куәлікті беруге уәкілетті мемлекеттік ұйымдарды немесе органдарды көрсетуі, міндеттеме туралы өз хабарламасында немесе одан әрі осы Тараудың ережелерін сақтауы тиіс. (D2,9)
Тармақ 10. Ұсынылатын ереже Тауарлар олардың шығарылған елінен тікелей әкелу объектісі болып табылмаған, ал үшінші елдің аумағы арқылы жіберілетін жағдайларда, олардың шығарылған елінде бұрын берілген, көрсетілген тауарлардың шығуы туралы куәліктердің негізінде аталған үшінші елде мұндай куәліктерді беруге уәкілетті мемлекеттік ұйымдардың немесе органдардың осы тауарлардың шығуы туралы куәліктерді ресімдеуіне рұқсат берілуі тиіс. (D2,10)
Тармақ 11. Ұсынылатын ереже Тауарлардың шығуы туралы куәліктерді беруге уәкілетті мемлекеттік ұйымдар немесе органдар тауарлардың шығуы туралы өздері берген куәліктерге берілген өтініштерді немесе аталған куәліктердің бақылау даналарын кемінде екі жыл ішінде сақтауға міндетті. (D2,11)
Тармақ 13. Стандарттық ереже Тауарлардың шығуын растайтын құжатты алу мақсатында дұрыс емес ақпарат қамтылған құжатты дайындайтын, немесе мұндай құжатты дайындауды ұйымдастыратын кез келген тұлғаға қатысты санкцияларды қолдану үшін жағдайлар көзделуі қажет. (D2,13)
Тармақ 1. Тауар жөнелтуші 2. Нөмірі (атауы, мекенжайы, елі) ТАУАРДЫҢ ШЫҒУЫ ТУРАЛЫ КУӘЛІК
Тармақ 3. Тауар алушы 6. Салмағы бруто 7. (атауы, мекенжайы, елі)
Тармақ 4. Көлік туралы ақпарат (қажет болған кезде) 5. Белгілер мен нөмірлер: орамалардың саны мен түрі: Тауарлардың сипаты
Тармақ 8. Басқа да ақпарат Осымен жоғарыда аталған тауарлардың шығарылған елі: ___________________________ болып табылатындығы куәландырылады.
Тармақ 1. Куәлік Стандарттау жөніндегі халықаралық ұйым (МОС) (310 х 297 мм, 8,27 х 11, 69 дюйм) әзірлеген А4 форматындағы халықаралық үлгідегі бланкіде ресімделген болуы тиіс. Бланкінің жоғарғы жиегі 10 мм және тігу үшін қалдырылған сол жақ жиегі 20 мм болуы тиіс. Аралық биіктігі еселік 4,24 мм (1/6 дюйм), ал аралық ені - еселік 2,54 мм (1/10 дюйм) болуы тиіс. Материалды құрастыру Еуропаға арналған Еуропа комиссиясының I Қосымшада берілген (ЕЕК) тұрпатты үлгісіне сәйкес келуі тиіс. Егер олар бланкіні ресімдейтін елдегі ерекше жағдайлардан, мысалы, метрлік жүйеден өзгешеленетін шаралар жүйелерінің болуынан елдегі құжаттарды және ресімдеудің қолданыстағы біркелкі жүйесінің ерекшеліктерінен және тағы басқалардан туындайтын болса, стандарттық өлшемнен шамалы ауытқуларға жол беріледі. 2. Тауарлардың шығуы туралы куәліктерге сұратуларды ресімдеуді қамтамасыз ету қажет болған жағдайларда, оларды бір уақытта ресімдеу үшін сұратудың бланкісі мен куәліктің бланкісі бір-біріне сәйкес келуі тиіс. 3. Елдер бланкілерді дайындау үшін бір шаршы метр қағаз салмағының стандарттарын белгілеуі және жасандылықты болдырмау үшін оған арнайы белгілер қоюы мүмкін. 4. Пайдаланушылардың мәліметі үшін тауарлардың шығуы туралы куәлікті ресімдеу ережелері куәліктің келесі жағына басылуы мүмкін. 5. Өзара әкімшілік жәрдем көрсету туралы келісімге сәйкес тексеру жүргізуге сұратулар өткен күнмен берілген жағдайларда тиісті белгілер үшін куәліктің келесі жағында қалуы мүмкін. 6. тұрпатты бланкінің бағандары бойынша ескертулер төменде келтірілген: N1 баған: "экспорттаушы" термині "тауарды жөнелтуші", "өндіруші", "жеткізуші" және т.б. терминдеріне ауыстырылуы мүмкін. N2 баған: Тауарлардың шығуы туралы куәлік жалғыз түпнұсқалық данада ғана ресімделуі тиіс, бұл жағдайда, құжат атауының жанында "Түпнұсқа" деген сөз көрсетіледі. Егер тауарлардың шығуы туралы куәлік оның жоғалған түпнұсқасының орнына берілсе, жаңа куәлікте атаудың жанында "Телқұжат" деген сөз көрсетіледі. Куәліктің түпнұсқасының немесе телқұжаттың көшірмелерінде, атаудың жанында "көшірме" деген сөз көрсетіледі. Осы баған куәлікті беретін мемлекеттік ұйымның атауын (логотип, эмблема және т.б.) көрсетуге де арналған, және ресми сипаттағы басқа да мәліметтерді енгізу үшін орынды қамтуы тиіс. N3 баған: Осы бағанда көрсетілетін мәліметтер "сұратылсын" деген жазбамен ауыстырылуы мүмкін және межелі ел көрсетілуі ықтимал. N4 баған: Осы баған көлік құралы, бағдары және т.б. туралы қосымша ақпаратты енгізу үшін пайдаланылуы мүмкін, олар мысалы, куәлікті ресімдейтін мемлекеттік органның қарауы бойынша көрсетілуі мүмкін. N5 баған: Егер "Бұйымның нөмірін" көрсету қажет болса, ол мүмкіндігінше бағанның жиектерінде немесе бағанның әрбір жолының басында көрсетілуі мүмкін. "Белгілер мен нөмірлер" бағанасы "Орамалардың саны мен түрі" және "Тауарлардың сипаты" бағаншаларынан тік сызықпен бөлініп тұруы мүмкін. мұндай сызық болмағанда бұл мәліметтер тиісті жоларалықтармен бөлінуі тиіс. Тауарлардың сипаты, мүмкіндігінше бағананың оң жақ бөлігінде Тауарлардың номенклатурасы туралы Брюссель конвенциясының қолданылатын тармағының нөміріне сілтемемен толықтырылуы мүмкін. Тауарлардың шығуын анықтау өлшемдері туралы мәліметтер қажеттілік кезінде осы бағанда көрсетілуі және басқа ақпараттан тік сызықпен бөлініп тұруы тиіс. N6 баған: Әдетте, брутто салмағын көрсету (1) тауарларды бірдейлендіру үшін жеткілікті болуы тиіс. N7 баған: Осы баған толтырылмайды және кез келген қосымша мәліметтерді енгізуге, талап етілуі мүмкін, мысалы габариттер, немесе басқа құжаттарға сілтемелер жасауға (мысалы, коммерциялық шоттар) арналған. NN6 Экспорттаушы тауарларды бірдейлендіруге жәрдем беру үшін және 7 көрсетуі мүмкін басқа да сандық көрсеткіштер жағдайларға бағандар: байланысты 6-бағанда немесе 7-бағанда келтіріледі. N8 баған: Осы баған уәкілетті органның куәлікті куәландыруы туралы мәліметтер (куәландыратын жазбалар, мөртаңбалар, қолтаңбалар, берілген күні мен орны және т.б.) үшін қалдырылады. Нақты тұжырымдар және т.б. куәлікті ресімдейтін мемлекеттік ұйымның қарауына қалдырылады. Тұрпатты бланкіде пайдаланылатын тұжырымдар үлгі ретінде ғана келтіріледі. Осы баған экспорттаушының (не жеткізушінің не дайындаушының) жазбаша өтініші үшін де пайдаланылуы мүмкін.
Тармақ 1. Стандарттық ереже Тауарлардың шығуын растайтын құжаттарды тексеруде әкімшілік жәрдем беру тәртібі осы Тараудың ережелерімен және қолданылатын дәрежеде Жалпы қосымшаның ережелерімен реттеледі. (D3,1)
Тармақ 2. Стандарттық ереже Тексеру жүргізуге сұратуды алған Уағдаласушы тараптың құзыретті мемлекеттік ұйымы, егер Уағдаласушы тараптар орындарын ауыстырған жағдайда осы сұратуды жіберген Уағдаласушы тараптың құзыретті мемлекеттік ұйымы мұндай жәрдем беруге қабілетсіз болып шықса, оны орындауға міндетті емес. (D3,2)
Тармақ 3. Ұсынылатын ереже Осы Тараудың ережелерін сақтауға міндеттенген Уағдаласушы тараптың Кеден әкімшілігі осы Тараудың ережелерін сақтауға міндеттенген Уағдаласушы тараптың құзыретті мемлекеттік органына, және тауарлардың шығуын растайтын құжат ресімделген аумақта мынадай жағдайларда: (а) егер құжаттың түпнұсқасына күмәнданатын негіз жеткілікті болса; (b) егер аталған құжатта келтірілген мәліметтердің дұрыстығына күмәнданатын негіз жеткілікті болса; (с) таңдаулы тексеру жүргізу үшін осы құжатқа тексеру жүргізуге сұратумен жүгінуі мүмкін. (D3,3)
Тармақ 4. Стандарттық ереже Жоғарыдағы 3 (с) Ұсынылған әдісте көзделген таңдаулы тексерулерді жүргізуге сұратулар тиісті нұсқауларды қамтуы және тексерулердің барабарлығын қамтамасыз ету үшін қажетті ең аз мөлшерге келуі тиіс. (D3,4)
Тармақ 5. Стандарттық ереже Тексерулер жүргізуге сұратулар: (а) таңдаулы тексерулер жүргізуге сұратуларды жіберу жағдайларын қоспағанда, мұндай сұратуды жіберген Кеден әкімшілігі олар бойынша берілген құжаттың түпнұсқалығына немесе онда келтірілген мәліметтердің дұрыстығына күмәнданған себептерге нұсқауды қамтуы; (b) (қажет болған жағдайда) әкелу елінде тауарларға қатысты қолданылатын тауарлардың шығуын анықтау ережелеріне, және осы елде сұратылатын кез келген қосымша ақпаратқа нұсқауды қамтуы; (с) Тауарлардың шығуын растайтын, тексеруге жататын құжатпен, немесе оның ксерокөшірмесімен және қажет болғанда, тексеру жүргізуге ықпал етуі мүмкін шоттар, хат-хабарлар және т.б. сияқты кез келген басқа да құжаттармен ілесіп жүруі тиіс. (D3,5)
Тармақ 6. Стандарттық ереже Осы Тараудың ережелерін сақтауға міндеттенген Уағдаласушы тараптан тексеру жүргізуге сұратуды алған кез келген құзыретті мемлекеттік ұйым өз бетінше қажетті тексерулер жүргізгеннен кейін немесе тиісті өкілеттіктер берілген мемлекеттік әкімшілік ұйымдар немесе орган қажетті тексеру жүргізгеннен кейін осы сұратуға жауап беруі тиіс. (D3,6)
Тармақ 7. Стандарттық ереже Тексеру жүргізуге сұратуды алған мемлекеттік ұйым осы сұратуды жіберген Кеден әкімшілігі қойған сауалдарға жауап беруге және ол аталған сұратуға қатысты деп санауы мүмкін кез келген басқа да ақпаратты беруге міндетті. (D3,7)
Тармақ 8. Стандарттық ереже Тексеру жүргізуге сұратуларға жауаптар ұзақтығы алты айдан аспайтын белгіленген мерзім ішінде берілуі тиіс. Егер сұратуды алған мемлекеттік ұйым оған алты ай ішінде жауап бере алмаса, ол сұратуды жіберген Кеден әкімшілігін ақпараттандыруға міндетті. (D3,8)
Тармақ 9. Стандарттық ереже Тексеру жүргізуге сұратулар, төтенше жағдайларды қоспағанда, сұратуды жіберген Уағдаласушы тараптың Кеден пунктіне сұратылған құжаттың берілген күнінен бастап бір жылдан аспайтын белгіленген мерзім ішінде жіберілуі тиіс. (D3,9)
Тармақ 10. Стандарттық ереже Олар тауарларды әкелуге тыйым салуларға немесе шектеулерге жатады деп есептелмеген және алаяқтықта күмән болмаған жағдайда, тексеру жүргізуге сұрату тауарларды шығаруға кедергі жасамауы тиіс. (D3,10)
Тармақ 11. Стандарттық ереже Осы Тараудың ережелеріне сәйкес хабарланатын кез келген ақпарат құпия ретінде қарастырылуы және Кеден мақсаттары үшін ғана пайдаланылуы тиіс. (D3,11)
Тармақ 12. Стандарттық ереже Тауарлардың шығуын растайтын, құзыретті мемлекеттік ұйымдар немесе уәкілетті органдар берген құжаттарды тексеру үшін қажетті құжаттар оларда тауарлардың шығуын растайтын құжаттардың берілген күнінен бастап кемінде екі жылды құрауы тиіс баламалы мерзім ішінде сақталуы мүмкін. (D3,12)
Тармақ 13. Стандарттық ереже Осы Тараудың ережелерін сақтауға міндеттенетін Уағдаласушы тараптар тексеру жүргізуге сұратуларды қабылдауға уәкілетті мемлекеттік ұйымдарды көрсетуі және олардың мекен-жайларын осы Тараудың ережелерін сақтауға міндеттенген басқа Уағдаласушы тараптардың назарына осы ақпаратты жеткізуге міндетті Кеңестің Бас хатшысына хабарлауға тиіс. (D3,13)
Тармақ 1973. жылғы 18 мамырда Киото қаласында жасалған Кедендік рәсімдерді оңайлату және үйлестіру туралы халықаралық конвенцияның (өзгертілген редакцияда) бұл куәландырылған көшірмесінің дәлдігін куәландырамын.