Тармақ 1. Тауарлардың импорты кезінде арнайы қорғау, демпингке қарсы немесе өтемақы шарасын енгізу алдында осы Келісімге сәйкес өткізілетін тергеу болады.
Тармақ 2. Осы баптың 1-тармағында көрсетілген тергеу:
Тармақ 3. Алдын ала арнайы, алдын ала демпингке қарсы немесе алдын ала өтемақы бажын енгізу және қолдануды қоса алғанда, арнайы қорғау, демпингке қарсы немесе өтемақы шарасын енгізу және қолдану туралы, арнайы қорғау, демпингке қарсы немесе өтемақы шарасын қайта қарастыру немесе күшін жою туралы не осы Келісімнің 40-бабының ережелеріне сәйкес шара қолданбау туралы шешімді Кеден одағының комиссиясы қабылдайды.
Тармақ 4. Тергеу жүргізуге жауапты органды (бұдан әрі – тергеу жүргізетін орган) Кеден одағының комиссиясы айқындайды.
Тармақ 5. Тергеу жүргізетін орган өзіне осы Келісімде және осы Келісімге және (немесе) Кеден одағын қалыптастыру аясында жасалған Тараптардың өзге халықаралық шарттарына сәйкес қабылданатын Кеден одағы органдарының шешімдерінде берілетін өкілеттіктер шеңберінде әрекет етеді.
Тармақ 6. Тергеу жүргізетін орган тергеу нәтижелері бойынша Кеден одағы комиссиясына арнайы қорғау, демпингке қарсы немесе өтемақы шарасын енгізу мен қолданудың немесе арнайы қорғау, демпингке қарсы немесе өтемақы шарасын қайта қарастыру немесе күшін жоюдың орындылығы туралы ұсынысы бар, Кеден одағы комиссиясының тиісті шешімінің жобасы қоса берілген баяндаманы ұсынады.
Тармақ 7. Осы Келісімнің 6 , 14 және 24-баптарында көзделген жағдайларда тергеу жүргізетін орган тергеу аяқталғанға дейін Кеден одағының комиссиясына алдын ала арнайы, алдын ала демпингке қарсы немесе алдын ала өтемақы бажын енгізу мен қолданудың орындылығы туралы ұсынысы бар баяндаманы ұсынады.
Тармақ 8. Тергеуге қатысты дәлелдемелер, мәліметтер мен хат алмасулар тергеу жүргізетін органға орыс тілінде ұсынылуға тиіс, ал шетел тілінде жасалған құжаттардың түпнұсқалары ұсынылған аудармасы растала отырып, орыс тіліне аударылуға тиіс.