Тармақ 1. Тергеу жүргізетін орган осы Келісімнің 29-бабының 12-тармағында көрсетілген мерзім аяқталғанға дейін тергеуді бастау туралы немесе оны жүргізуден бас тарту туралы шешім қабылдайды.
Тармақ 2. Тергеу жүргізуден бас тарту туралы шешім қабылдау кезінде тергеу жүргізетін орган жазбаша нысанда осындай шешім қабылдау күнінен бастап күнтізбелік 10 күннен аспайтын мерзімде өтініш берушіге тергеу жүргізуден бас тартудың себебі туралы хабарлайды.
Тармақ 3. Тергеуді бастау туралы шешім қабылдау кезінде тергеу жүргізетін орган экспорттаушы шетел мемлекетінің уәкілетті органына, сондай-ақ оған белгілі басқа да мүдделі тұлғаларға қабылдаған шешім туралы жазбаша нысанда хабарлайды және тергеуді бастау туралы шешім қабылдау күнінен бастап 10 жұмыс күнінен аспайтын мерзімде тергеуді бастау туралы хабарламаны ресми басылымдарда жариялауды қамтамасыз етеді.
Тармақ 3-1. Тергеудің басталғаны туралы хабарламаның Кеден одағы комиссиясының ресми сайтында жарияланған күні тергеу басталған күн болып есептеледі.
Тармақ 4. Тергеу жүргізетін орган тергеуді бастау туралы шешімді, оның ішінде өз бастамасы бойынша, егер оның иелігінде өспелі импорттың және осыдан туындаған елеулі залалдың немесе Тараптар мемлекеттерінің экономика саласына елеулі залал келтіру қаупінің бар екендігінің не демпингтік немесе субсидияланған импорттың және осыдан туындаған материалдық залалдың, материалдық залал келтіру қаупінің немесе Тараптар мемлекеттерінің экономика саласының құрылуын елеулі тежеудің бар екендігінің дәлелдемесі бар болған жағдайда қабылдай алады.
Тармақ 4-1. Арнайы қорғау, демпингке қарсы немесе өтемақы шарасын қолданудың алдындағы тергеу кезеңін тергеуді жүргізетін орган белгілейді.
Тармақ 5. Мүдделі тұлғалар өзінің тергеуге қатысу ниеті туралы жазбаша нысанда және осы Келісімге сәйкес белгіленген мерзімде өтініш білдіруге құқылы. Олар тергеу жүргізетін органға тергеуге қатысу ниеті туралы өтініш берген күннен бастап тергеуге қатысушылар болып танылады.
Тармақ 6. Мүдделі тұлғалар тергеу барысын бұзбайтын мерзімдерде тергеу жүргізу үшін қажетті мәліметтерді, оның ішінде мұндай мәліметтерді алу көздерін көрсете отырып, құпия ақпаратты беруге құқылы.
Тармақ 7. Тергеу жүргізетін орган мүдделі тұлғадан тергеу мақсаттары үшін қосымша мәліметтер сұратуға құқылы.
Тармақ 8. Егер мүдделі тұлға тергеу жүргізетін органға қажетті ақпаратты беруден бас тартса, оны белгіленген мерзімде ұсынбаса немесе тергеу жүргізуді елеулі қиындататын анық емес ақпаратты ұсынған жағдайда, мұндай мүдделі тұлға бірлесе жұмыс істемейтін болып танылады және тергеу жүргізетін орган қолда бар ақпараттар негізінде алдын ала немесе түпкілікті қорытынды жасай алады.
Тармақ 9. Тергеу жүргізетін орган тергеуге қатысушыларға өтініштің көшірмесін немесе, егер де өтініште құпия ақпарат болған жағдайда, оның құпия емес нұсқасын жібереді.
Тармақ 10. Тергеу жүргізетін орган мүдделі тұлғалардың сұрау салулары бойынша жүргізілген тергеу мәні бойынша консультациялар жүргізеді.
Тармақ 11. Тергеу барысында барлық мүдделі тұлғаларға өз мүдделерін қорғауға мүмкіндік беріледі. Осы мақсатта тергеу жүргізетін орган олардың сұрау салулары бойынша барлық мүдделі тұлғаларға олар қарама-қайшы көзқарастарын білдіруі және теріске шығаруға ұсыныс жасауы үшін кездесу мүмкіндігін қамтамасыз етеді. Мұндай мүмкіншілік құпия ақпараттарды сақтау қажеттігін ескере отырып, беріледі. Кездесуде барлық мүдделі тұлғалар қатысуға міндетті емес және қандай да бір мүдделі тұлғаның қатыспауы оның мүддесіне залал келтіруге алып келмейді.
Тармақ 12. Тергеу объектісі болып табылатын тауарды өнім өндірісінде пайдаланатын болса тұтынушылар, тұтынушылардың қоғамдық бірлестіктерінің өкілдері, мемлекеттік билік органдары (басқармалары), жергілікті өзін өзі басқару органдары, сондай-ақ өзге тұлғалар тергеуге қатысы бар мәліметті тергеу жүргізетін органға беруге құқылы.
Тармақ 13. Тергеу жүргізу мерзімі:
Тармақ 14. Тергеуді жүргізу тергеу объектісі болып табылатын тауарды кедендік рәсімдеуге бөгет болмауға тиіс.
Тармақ 15. Кеден одағы комиссиясының тергеу қорытындылары бойынша баяндамасын және осы Келісімнің 3-бабының 6-тармағында көрсетілген Кеден одағы комиссиясы шешімінің жобасын қарау күні тергеудің аяқталу күні болып табылады.
Тармақ 16. Егер тергеу басталған күннің алдындағы тiкелей екі жыл iшiнде осы Келісімнің 29-бабы 1-тармағында көрсетілген өтінішті қолдаған бір өндірушіге (оның 2010 жылғы 9 желтоқсандағы Бәсекелестiктiң бiрыңғай қағидаттары мен қағидалары туралы келiсiм түсінігіндегі тұлғалар тобына енуін ескере отырып) ұқсас немесе тікелей бәсекелес тауардың (арнайы қорғау шараларын қолданудан бұрын тергеу жүргізген кезде) немесе Кеден одағы комиссиясының шешімімен бекітілетін бәсекелестік жағдайын бағалау әдістемесіне сәйкес Кеден одағының тиісті тауар нарығында осы өндірушінің (тұлғалар тобына енуін ескере отырып) жағдайы үстем жағдай деп танылуы мүмкін, Бірыңғай экономикалық кеңістіктің бірыңғай бәсекелестік қағидаттарының сақталуын бақылау саласындағы уәкілетті орган тергеу жүргізетін органның сұранымы бойынша Кеден одағының тиісті тауар нарығында бәсекелестікке арнайы қорғау, демпингке қарсы немесе өтемақы шараларының ықпал етуі салдарларын бағалауды жүзеге асырады.