Тармақ 1. Тергеу жүргізетін органға мүдделі тұлға беретін ақпарат осы тұлға, оның ішінде осындай ақпаратты жария ету үшінші тұлғаға бәсекелік артықшылық беретінін не осындай ақпаратты берген тұлға үшін немесе осындай ақпаратты алған тұлға үшін қолайсыз салдарға әкеліп соғатындығын куәландыратын негіздемелер берген кезде құпия ретінде қарастырылады.
Тармақ 2. Құпия ақпаратты берген мүдделі тұлғалар онымен бірге осындай ақпараттың құпия емес нұсқасын беруге міндетті.
Тармақ 3. Егер тергеу жүргізетін орган мүдделі тұлға берген негіздемелер берілген ақпаратты құпия ақпаратқа жатқызуға мүмкіндік бермейтіндігін белгілеген жағдайда, не мүдделі тұлға құпия ақпараттың құпия емес нұсқасын бермеген болса, құпия ақпаратты құпия емес нұсқада жазу мүмкін еместігінің негіздемесін бермеген немесе құпия ақпаратты құпия емес түрде берудің мүмкін еместігінің негіздемесі болып табылмайтын мәліметті берген болса тергеу жүргізетін орган бұл ақпаратты есепке алмауы мүмкін.
Тармақ 4. Өтініш берушілердің, тергеуге қатысушылардың, мүдделі тұлғалар немесе Тараптар мемлекеттерінің құзыретті органдары тергеу жүргізу мақсаты үшін тергеу жүргізетін органға ұсынған құпия ақпаратты жария еткені, жеке басының пайдасы үшін пайдаланғаны үшін, өзге мақсатты емес жағдайларда пайдаланғаны үшін тергеу жүргізетін органның лауазымды тұлғалары және органның қызметкерлері 2001 жылғы 31 мамырдағы Еуразия экономикалық қауымдастығының артықшылықтары мен иммунитеттері туралы конвенцияда көзделген артықшылықтар мен иммунитеттерден айырылуы және Кеден одағының комиссиясы бекітетін тәртіппен және ережелер бойынша жауапкершілікке тартылуы мүмкін.