Тармақ 1. Егер тергеу нәтижелері бойынша Кеден одағының бірыңғай кеден аумағына осындай тауардың импорты Тараптар мемлекеттерінің экономика саласына материалдық залал келтіретіндігі, осындай залалды келтіру қаупін тудыратыны немесе Тараптар мемлекеттерінің экономика саласының құрылуын елеулі түрде тежейтіндігі белгіленсе демпингтік импорттың мәні болып табылатын тауарға демпингке қарсы шара қолданылуы мүмкін.
Тармақ 2. Тауар, егер осындай тауардың экспорттық бағасы тауардың қалыпты құнынан төмен болса, демпингтік импорттың мәні болып табылады.
Тармақ 3. Осы бөлімнің мақсаттары үшін тергеу кезеңі, әдетте тергеу жүргізу туралы өтініш берілген күннің алдындағы 12 айға тең мерзімге белгіленеді, бірақ кез келген жағдайда 6 айдан кем болмауға тиіс.