"Ақпараттандыру туралы" 2007 жылғы 11 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2007 ж., N 2, 13-құжат):
- 1) 1-бапта : мынадай мазмұндағы 10-1) тармақшамен толықтырылсын: "10-1) ақпараттандыру саласындағы уәкілетті ұйым - Қазақстан Республикасы Үкіметінің шешімі бойынша құрылған, электрондық ақпараттық ресурстардың, ақпараттық жүйелердің мемлекеттік тіркелімін және депозитарийін жүргізуді ұйымдастыруды, мемлекеттік ақпараттық жүйелер мен мемлекеттік ақпараттық ресурстардың ақпараттық қауіпсіздігін техникалық қамтамасыз етуді жүзеге асыратын заңды тұлға;"; 11) тармақшадағы "мемлекет атынан меншік иесі", "және олардың қауіпсіздігін қамтамасыз ету" деген сөздер алып тасталсын; 15) тармақша алып тасталсын; мынадай мазмұндағы 18-1) және 18-2) тармақшалармен толықтырылсын: "18-1) интернет-ресурс - ашық ақпараттық-коммуникациялық желіде жұмыс істейтін электрондық ақпараттық ресурс, оны жүргізу және (немесе) пайдалану технологиясы, сондай-ақ ақпараттық өзара іс-қимылын қамтамасыз ететін ұйымдық құрылым; 18-2) интернет-ресурстың меншік иесі - интернет-ресурсты иелену, пайдалану және оған билік ету құқықтарын толық көлемде іске асыратын субъект;";
- 2) 5-бапта : 14) тармақша мынадай редакцияда жазылсын: "14) мемлекеттік ақпараттық жүйелерді және мемлекеттік ақпараттық жүйелермен интеграцияланатын мемлекеттік емес ақпараттық жүйелерді олардың ақпараттық қауіпсіздік талаптарына және Қазақстан Республикасының аумағында қабылданған стандарттарға сәйкестігіне аттестаттау жүргізу тәртібін бекіту;"; 15) тармақшадағы "веб-сайттарында" деген сөздер "интернет-ресурстарында" деген сөздермен ауыстырылсын; 15) тармақшадағы "айқындау жатады." деген сөздер "айқындау;" деген сөзбен ауыстырылып, мынадай мазмұндағы 16) тармақшамен толықтырылсын: "16) ақпараттандыру саласындағы уәкілетті ұйымды айқындау жатады.";
- 3) 6-бапта : 15) тармақша мынадай редакцияда жазылсын: "15) бағдарламалық өнімдерді, бағдарламалық кодтарды сынақтан өткізу, оларды және нормативтік құжаттаманы тіркеу, беру, сақтау, депозитке берудің толықтығын қамтамасыз ету және оларды тіркеу, депозитарийге беру мен сақтау туралы мәліметтерді ұсыну тәртібін бекіту;"; 16) тармақша мынадай редакцияда жазылсын: "16) мемлекеттік органдардың электрондық ақпараттық ресурстары мен ақпараттық жүйелерін, сондай-ақ ақпараттық-коммуникациялық желілерін пайдалану және олардың өзара іс-қимыл жасау ережелерін әзірлеу және бекіту;"; 17) тармақшадағы "веб-сайтын" деген сөздер "интернет-ресурстарын" деген сөздермен ауыстырылсын;
- 4) 9-бапта : 6) және 10) тармақшалар алып тасталсын; 7) тармақшадағы "веб-сайты", "веб-сайттарының" деген сөздер тиісінше "интернет-ресурсы", "интернет-ресурстарының" деген сөздермен ауыстырылсын;
- 5) мынадай мазмұндағы 9-1-баппен толықтырылсын:
- 6) Ақпараттандыру саласындағы уәкілетті ұйым: 1) мемлекеттік ақпараттық жүйелерді және мемлекеттік ақпараттық жүйелермен интеграцияланатын мемлекеттік емес ақпараттық жүйелерді ақпараттық қауіпсіздік талаптарына және Қазақстан Республикасының аумағында қабылданған стандарттарға сәйкестігіне аттестаттауға қатысады; 2) мемлекеттік ақпараттық жүйелердің бағдарламалық өнімдерін, бағдарламалық кодтарын сынақтан өткізеді және олардың нормативтік-техникалық құжаттамасына сараптама жүргізеді; 3) ақпараттық жүйелерді, бағдарламалық өнімдерді, бағдарламалық кодтарды және нормативтік-техникалық құжаттаманы депозитке беруді жүзеге асырады; 4) мемлекеттік органдардың Интернет желісіне қол жеткізудің бірыңғай шлюзін сүйемелдеуді және дамытуды жүзеге асырады; 5) мемлекеттік ақпараттық ресурстар мен ақпараттық жүйелердің ақпараттық қауіпсіздік талаптарына сәйкестігін тексеруге қатысады; 6) өз құзыреті шегінде мемлекеттік органдарға консультациялық және тәжірибелік көмек көрсетеді; 7) "электрондық үкімет" ақпараттық қауіпсіздігін қамтамасыз ету жөніндегі жұмыстарды жүргізу кезінде мемлекеттік электрондық ақпараттық ресурстар мен мемлекеттік ақпараттық жүйелердің қорғалуын ұйымдастыруды жүзеге асырады; 8) электрондық ақпараттық ресурстар мен ақпараттық жүйелердің мемлекеттік тіркелімін және депозитарийін жүргізуді техникалық қамтамасыз етуді жүзеге асырады; 9) мемлекеттік электрондық ақпараттық ресурстарды құруға және техникалық сүйемелдеуге қатысады.";
- 6) 17-баптың 3-тармағы мынадай редакцияда жазылсын: "3. Мемлекеттік ақпараттық жүйені пайдалануға беру оның ақпараттық қауіпсіздік талаптарына және Қазақстан Республикасының аумағында қабылданған стандарттарға сәйкестігіне аттестаттаудың нәтижелері бойынша және сынақ зертханасында мемлекеттік ақпараттық жүйелердің бағдарламалық өнімдеріне, бағдарламалық кодтарына сынақтардың және олардың нормативтік-техникалық құжаттамасына сараптаманың оң нәтижесі болған кезде жүзеге асырылады.";
- 7) 19-бап мынадай мазмұндағы 3-тармақпен толықтырылсын: "3. Мемлекеттік ақпараттық жүйелермен интеграцияланатын мемлекеттік емес ақпараттық жүйелер оның ақпараттық қауіпсіздік талаптарына және Қазақстан Республикасының аумағында қабылданған стандарттарға сәйкестігіне аттестаттауға жатады.";
- 8) 21-бап мынадай мазмұндағы 3 және 4-тармақтармен толықтырылсын: "3. Сот ақпараттық-коммуникациялық желілер бойынша таратылатын ақпаратты осы Заңның және Қазақстан Республикасының басқа да заңнамалық актілерінің талаптарына қайшы келеді деп таныған жағдайда, уәкілетті мемлекеттік органдар, байланыс операторлары, интернет-ресурстардың меншік иелері бұқаралық ақпарат құралы өнімінің Қазақстан Республикасының аумағында таратылуын не бұқаралық ақпарат құралының шығарылуын тоқтата тұруға не тоқтатуға міндетті. 4. Интернет-ресурс бұқаралық ақпарат құралы болып табылған жағдайда, бұқаралық ақпарат құралының өнімін таратуды не бұқаралық ақпарат құралын шығаруды тоқтата тұру туралы сот шешімі үш айдан аспайтын мерзімге сол атаумен немесе қайталанатын атаумен домендік атауды пайдалануға тыйым салуға әкеп соғады. Интернет-ресурс бұқаралық ақпарат құралы болып табылған жағдайда, бұқаралық ақпарат құралының өнімін таратуды не бұқаралық ақпарат құралын шығаруды тоқтату туралы сот шешімі домендік атаудың тіркелуінің күшін жоюға және тіркелуінің сот шешімімен бұрын күші жойылған сол атаумен немесе қайталанатын атаумен домендік атауды бір жыл бойы пайдалануға тыйым салуға әкеп соғады.";
- 9) 23-баптың 10 және 11-тармақтарындағы "ұлттық операторға", "Ұлттық оператор" деген сөздер тиісінше "ақпараттандыру саласындағы уәкілетті ұйымға", "Ақпараттандыру саласындағы уәкілетті ұйым" деген сөздермен ауыстырылсын;
- 10) 24-баптың 1 және 6-тармақтарындағы "ұлттық оператор" деген сөздер "ақпараттандыру саласындағы уәкілетті ұйым" деген сөздермен ауыстырылсын;
- 11) 25-баптың 5 және 6-тармақтарындағы "ұлттық оператор", "Ұлттық оператордың", "Ұлттық оператор" деген сөздер тиісінше "ақпараттандыру саласындағы уәкілетті ұйым", "Ақпараттандыру саласындағы уәкілетті ұйымның", "Ақпараттандыру саласындағы уәкілетті ұйым" деген сөздермен ауыстырылсын.