"Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңына (Қазақстан Республикасы Жоғарғы Кеңесінің Жаршысы, 1995 ж., N 3-4, 23-құжат; N 12, 88-құжат; N 15-16, 100-құжат; N 23, 141-құжат; Қазақстан Республикасы Парламентінің Жаршысы, 1996 ж., N 2, 184-құжат; N 11-12, 262-құжат; N 19, 370-құжат; 1997 ж., N 13-14, 205-құжат; N 22, 333-құжат; 1998 ж., N 11-12, 176-құжат; 1999 ж., N 20, 727-құжат; 2000 ж., N 3-4, 66-құжат; N 22, 408-құжат; 2001 ж., N 8, 52-құжат; N 10, 123-құжат; 2003 ж., N 15, 138, 139-құжаттар; 2004 ж., N 11-12, 66-құжат; N 16, 91-құжат; N 23, 142-құжат; 2005 ж., N 14, 55-құжат; N 23, 104-құжат; 2006 ж., N 4, 24-құжат; N 13, 86-құжат; 2007 ж., N 2, 18-құжат; N 3, 20-құжат; N 4, 33-құжат; 2009 ж., N 8, 44-құжат):
- 1) 8-бапта : д) тармақшасындағы "Қазақстан Ұлттық Банкі Басқармасының шешімі бойынша" деген сөздер алып тасталсын; д-1) тармақшадағы "жеке және заңды тұлғалардың металл шоттарын ашу және жүргізу" деген сөздер "банктердің жеке және заңды тұлғалардың металл шоттарын ашуы және жүргізуі" деген сөздермен ауыстырылсын; д-2) тармақша мынадай редакцияда жазылсын: "д-2) Қазақстан Республикасының заңдарында белгіленген жағдайларда, банктерге қаржы нарығы мен қаржы ұйымдарын реттеу және қадағалау жөніндегі уәкілетті мемлекеттік органда (бұдан әрі - уәкілетті орган) банк операцияларын және өзге де операцияларды жүргізуге арналған лицензияны алу үшін қорытынды береді, сондай-ақ осындай қорытынды берудің тәртібін айқындайды;"; мынадай мазмұндағы ж-1), ж-2) және ж-3) тармақшалармен толықтырылсын: "ж-1) Қазақстан Ұлттық Банкінде жеке және заңды тұлғалармен кассалық операциялар жүргізу тәртібін белгілейді; ж-2) Қазақстан Ұлттық Банкінің Басқармасы айқындайтын тізбеге сәйкес Қазақстан Республикасы Ұлттық валютасының шетел валюталарына ресми бағамын белгілейді; ж-3) халықаралық есеп айырысуларды ұйымдастырады, шетелдермен валюталық-қаржылық және кредиттік-есеп айырысу қатынастарын жетілдіреді;"; з) тармақшасындағы "төлем жүйелерінің жұмыс істеуін ұйымдастырады, сондай-ақ қадағалауды жүзеге асырады" деген сөздер "төлем жүйелерін қадағалауды (оверсайт) ұйымдастырады, сондай-ақ жүзеге асырады" деген сөздермен ауыстырылсын; л-2) және л-3) тармақшалар мынадай редакцияда жазылсын: "л-2) уәкілетті органмен келісім бойынша қаржылық есептіліктің халықаралық стандарттарына сәйкес келетін нысандарын не нысандарға қойылатын талаптарды, қаржылық есептіліктің тізбесін, оны табыс етудің мерзімдері мен тәртібін, сондай-ақ барлық қаржы ұйымдарының қаржылық есептілікті жариялау тәртібі мен мерзімдерін белгілейді; л-3) валюталық реттеу және бақылау, сондай-ақ ақша төлемі мен аударымы мәселелері бойынша есептілікті және мәліметтерді табыс ету тәртібін, нысандарын және мерзімдерін белгілейді;"; о) тармақшасында: "қолма-қол банкноттар мен тиындарды" деген сөздер "банкноттарды, монеталарды және құндылықтарды" деген сөздермен ауыстырылсын; "банкноттар мен тиындарды", "банкноттар мен тиындардың" деген сөздер тиісінше "банкноттарды, монеталарды және құндылықтарды", "банкноттардың, монеталардың және құндылықтардың" деген сөздермен ауыстырылсын; мынадай мазмұндағы о-1) тармақшамен толықтырылсын: "о-1) банкноттарды, монеталарды және құндылықтарды инкассациялау жөніндегі операцияны жүргізуге Ұлттық Банктің лицензиясы бар ұйымдар жүзеге асыратын банкноттарды, монеталарды және құндылықтарды қайта санау, сұрыптау, орау, сақтау, сондай-ақ оларды банктерге және банктердің тапсырмасы бойынша олардың клиенттеріне беру жөніндегі қызметке қойылатын талаптарды белгілейді;"; п) және р) тармақшалары мынадай редакцияда жазылсын: "п) өзінің бухгалтерлік балансын жасайды және оны үнемі жариялап отырады; р) елдің төлем балансын, халықаралық инвестициялық ұстанымын және жалпы сыртқы борышын қоса алғанда, елдің сыртқы секторының статистикасын қалыптастырады, төлем балансын болжамдық бағалауды әзірлеуге қатысады;"; мынадай мазмұндағы р-2), р-3) және р-4) тармақшалармен толықтырылсын: "р-2) Қазақстан Республикасының аумағында қызметін жүзеге асыратын резидент еместердің валюталық операцияларының мониторингін (валюталық мониторингті) жүзеге асырады; р-3) мемлекеттік емес сыртқы қарыздар бойынша шарттардың мониторингін жүзеге асырады; р-4) қаржы ұйымдарының сыртқы борышын реттеуге қатысады;"; у-5) тармақша мынадай редакцияда жазылсын: "у-5) банк шоттарының құқықтық режимін және құрылымын белгілейді;"; у-6) тармақшадағы "ең төменгі резервтік талаптардың нормативтерін" деген сөздер "ең төменгі резервтік талаптарды, олардың нормативтерін" деген сөздермен ауыстырылсын; у-10) тармақша мынадай редакцияда жазылсын: "у-10) қаржы ұйымдары қаржылық есептіліктің халықаралық стандарттарын және банк қызметі, ақша төлемі мен аударымы, валюталық операцияларды, бухгалтерлік есепті және бухгалтерлік есепті жүргізуді автоматтандыратын жүйелерге қойылатын талаптарды жүзеге асыру мәселелері бойынша нормативтік құқықтық актілерді бұзған жағдайда, оларға өз құзыреті шегінде Қазақстан Республикасының банк заңнамасында, сондай-ақ Қазақстан Республикасының валюталық реттеу және валюталық бақылау, сақтандыру және сақтандыру қызметі, зейнетақымен қамсыздандыру, бағалы қағаздар рыногы туралы заңнамасында көзделген ықпал ету шараларын және санкциялар қолдану тәртібін айқындайды және қолданады;";
- 2) 11-бапта : бірінші бөлікте: "бөлінбеген таза" деген сөздер "таза" деген сөзбен ауыстырылсын; "(алтын-валюта активтерін қайта бағалау шотына жатқызылатын іске асырылмаған кірістің пайда болған сомасын қоспағанда)" деген сөздер алып тасталсын; екінші бөлік мынадай редакцияда жазылсын: "Алтын-валюта активтерін қайта бағалау шотына жатқызылатын бағамдық қайта бағалау сомасын қоспағанда, банк активтері бойынша құрылған жалпы провизиялардың (резервтердің) сомасына азайтылған, сондай-ақ негізгі құралдар мен материалдық емес активтерді қайта бағалау сомасына түзетілген Қазақстан Ұлттық Банкінің таза кірісі Қазақстан Ұлттық Банкінің бөлінбеген таза кірісі болып табылады. Бөлінбеген таза кіріс Қазақстан Ұлттық Банкінің Басқармасы белгілеген мөлшерде жарғылық және (немесе) резервтік капиталдарды ұлғайтуға жіберіледі.";
- 3) 15-бапта : е) тармақшасы алып тасталсын; ж) тармақшасы мынадай редакцияда жазылсын: "ж) банктерге арналған ең төменгі резервтік талаптардың нормативтерін, банктерге арналған ең төменгі резервтік талаптар туралы нормативтік құқықтық актіні бекіту;"; у-3) тармақшадағы "банктерге және банк операцияларының жекелеген түрлерін жүзеге асыратын ұйымдарға" деген сөздер "қаржы ұйымдарына" деген сөздермен ауыстырылсын; мынадай мазмұндағы у-4) тармақшамен толықтырылсын: "у-4) Қазақстан Республикасының аумағында қызметін жүзеге асыратын резидент еместердің валюталық операцияларының мониторингін жүзеге асыру ережелерін, сондай-ақ резиденттердің экспорт және импорт бойынша мәмілелер паспорттарын ресімдеу ережелері мен шарттарын және экспорттық-импорттық валюталық бақылауды жүзеге асыру тәртібін бекіту;";
- 4) 47-1-бап алып тасталсын;
- 5) 48-бапта : бірінші бөліктің 1) тармақшасындағы "төлем нұсқауларының" деген сөздер "нұсқаулардың" деген сөзбен ауыстырылсын; мынадай мазмұндағы үшінші бөлікпен толықтырылсын: "Төлем жүйелерін қадағалау (оверсайт) - Қазақстан Республикасының заңнамасында белгіленген тәртіппен төлем жүйелерінің тиімді, қауіпсіз және үздіксіз жұмыс істеуін қамтамасыз ету мақсатында жүзеге асырылатын Қазақстан Ұлттық Банкінің қызметі."; үшінші бөлік мынадай редакцияда жазылсын: "Қазақстан Ұлттық Банкі төлем жүйелерін қадағалауды (оверсайтты) жүзеге асыру мақсатында: 1) төлем жүйелеріне қадағалау (оверсайт) жүргізу тәртібін белгілеуге; 2) төлем жүйелерін ұйымдастырудың және олардың жұмыс істеуінің шарттары мен тәртібін айқындайтын нормативтік құқықтық актілерді қабылдауға; 3) төлем жүйелерінің мониторингін жүзеге асыруға; 4) төлем жүйелерінің ұйымдастырылуын және олардың жұмыс істеуін тексеруге; 5) ақша төлемдері мен аударымдары, төлем жүйелерінің жұмыс істеуі мәселелері бойынша төлем жүйелерінің қатысушыларынан және операторларынан ақпарат алуға; 6) төлем жүйелері қатысушыларының қызметін тексеруді жүзеге асыруға құқылы.";
- 6) 49-бапта : "шоттардың түрлерін және құқықтық тәртібін, банктік" деген сөздер "банк шоттарының түрлерін, құқықтық режимін және құрылымын," деген сөздермен ауыстырылсын; "пайдалану" деген сөз "жүргізу" деген сөзбен ауыстырылсын;
- 7) 60-бап алып тасталсын;
- 8) 61-бапта : бірінші бөліктегі "банктерге және банк операцияларының жекелеген түрлерін жүзеге асыратын ұйымдарға" деген сөздер "қаржы ұйымдарына" деген сөздермен ауыстырылсын; үшінші бөлік мынадай редакцияда жазылсын: "Қазақстан Ұлттық Банкі Қазақстан Республикасының заңнамалық актілерінде көзделген жағдайларды қоспағанда, қаржы ұйымдарының қызметіне араласпайды.";
- 9) 62-баптың екінші бөлігінің 2-1) тармақшасындағы "уәкілетті органға" деген сөздер "банктерге" деген сөзбен ауыстырылсын;
- 10) 62-3-бапта : 2-тармақта: 1) тармақша мынадай редакцияда жазылсын: "1) жоспарлы - Қазақстан Ұлттық Банкінің тексеру жоспарларына сәйкес жылына бір реттен асырмай жүргізілетін тексеру;"; мынадай мазмұндағы 3) тармақшамен толықтырылсын: "3) рейдтік - бір мәселе, бір негіз бойынша бір мезгілде бірнеше субъектілердің қызметін қамтитын, алты айда бір реттен жиі жүргізілмейтін тексеру."; 4-тармақтың екінші бөлігі алып тасталсын; 5-тармақта: бірінші бөлік мынадай редакцияда жазылсын: "5. Тексеру Қазақстан Ұлттық Банкі Төрағасының орынбасары не Қазақстан Ұлттық Банкі аумақтық филиалының басшысы бекіткен Қазақстан Ұлттық Банкінің тексеру тағайындау туралы актісінің негізінде жүргізіледі."; екінші бөліктің 5) тармақшасындағы "(жоспарлы, жоспардан тыс)" деген сөздер алып тасталсын; мынадай мазмұндағы үшінші бөлікпен толықтырылсын: "Рейдтік тексеру тағайындау туралы актіде, осы тармақтың 4) тармақшасында көзделген мәліметтерді қоспағанда, осы тармақта көзделген мәліметтер көрсетіледі, сондай-ақ тексеруге тартылатын тұлғалар тізімінің бар екені туралы мәлімет көрсетіледі. Рейдтік тексеру тағайындау туралы актіге осы тармақтың 4) тармақшасында көзделген мәліметтер көрсетіле отырып, тексеруге тартылатын тұлғалар тізімі қоса беріледі."; 6 және 7-тармақтар мынадай редакцияда жазылсын: "6. Тексеру тағайындау туралы акт және тексерілетін тұлғалардың оған қоса берілетін тізімі рейдтік тексеруді жүзеге асыру кезінде өз құзыреті шегінде құқықтық статистика және арнайы есепке алу саласында статистикалық қызметті жүзеге асыратын мемлекеттік органда Қазақстан Республикасының заңнамасында белгіленген тәртіппен тіркеу үшін екі данада (түпнұсқасы және көшірмесі) табыс етіледі. 7. Тексерілетін тұлғаға тексеру тағайындау туралы тіркелген актіні ұсынған сәт, рейдтік тексеруді қоспағанда, тексеру жүргізудің басталуы болып саналады. Тексерілетін тұлғаға тексеру тағайындау туралы тіркелген актінің түпнұсқасын танысу үшін ұсынған және оның көшірмесін тапсырған сәт рейдтік тексеру жүргізудің басталуы болып саналады. Түпнұсқада көшірмемен танысқаны туралы және оны алғаны туралы белгі қойылады."; 13-тармақ мынадай мазмұндағы үшінші бөлікпен толықтырылсын: "Рейдтік тексеру кезінде тексеруге тартылатын тұлғалар тізімінде көрсетілген бір тұлғаны тексеру мерзімі бес жұмыс күнінен аспауға тиіс. Рейдтік тексеру мерзімі ұзартылған жағдайда, тексеруге тартылатын тұлғалар тізімінде көрсетілген бір тұлғаны тексеру мерзімі ұзартылуы мүмкін, бірақ ол бес жұмыс күнінен аспауға тиіс.";
- 11) 66-баптың үшінші бөлігіндегі "кірістері мен шығыстары" деген сөздер "пайдалары мен шығындары" деген сөздермен ауыстырылсын;
- 12) 68-баптың бірінші бөлігі мынадай редакцияда жазылсын: "Қазақстан Ұлттық Банкі Басқармасының шешімі бойынша Қазақстан Ұлттық Банкінің қаржылық есептілігінің аудитін Экономикалық ынтымақтастық және даму ұйымына (ЭЫДҰ) мүше мемлекеттің немесе Тәуелсіз Мемлекеттер Достастығы (ТМД) елдерінің орталық банкіне аудит жүргізу тәжірибесі бар аудиторлық ұйым жыл сайын жүргізеді.";
- 13) 70-баптағы "банкте, банк операцияларының жекелеген түрлерін жүзеге асыратын ұйымдарда шоты бар Қазақстан Республикасы аумағындағы кез келген жеке және заңды тұлғадан қажетті ақпарат" деген сөздер "кез келген жеке және заңды тұлғалардан, сондай-ақ мемлекеттік органдардан қажетті ақпаратты, оның ішінде қызметтік, коммерциялық, банктік және заңмен қорғалатын өзге де құпияны құрайтын мәліметтерді өтеусіз" деген сөздермен ауыстырылсын.