"Лицензиялау туралы" 2007 жылғы 11 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2007 ж., N 2, 10-құжат; N 20, 152-құжат; 2008 ж., N 20, 89-құжат; N 23, 114-құжат; N 24, 128, 129-құжаттар; 2009 ж., N 2-3, 16, 18-құжаттар; 2009 жылғы 8 мамырда "Егемен Қазақстан" және 2009 жылғы 9 мамырда "Казахстанская правда" газеттерінде жарияланған "Қазақстан Республикасының кейбір заңнамалық актілеріне тауар биржалары мәселелері бойынша өзгерістер мен толықтырулар енгізу туралы" 2009 жылғы 4 мамырдағы Қазақстан Республикасының Заңы ):
- 1) 26-бап мынадай редакцияда жазылсын:
- 2) Қызметтің мына түрлерімен айналысу үшін лицензияның болуы талап етіледі: 1) медициналық қызмет. Қызметтің бұл түрі мынадай кіші қызмет түрлерін қамтиды: алғашқы медициналық-санитариялық көмек: дәрігерге дейінгі, білікті, жедел медициналық көмек; диагностика: радиологиялық, рентгенологиялық, ультрадыбыстық, функционалдық, эндоскопиялық, патологиялық анатомия; зертханалық диагностика: бактериологиялық, биохимиялық, иммунологиялық зерттеулер, адамның иммун тапшылығы вирусының зертханалық диагностикасы (АИТВ-диагностикасы), жалпы клиникалық, серологиялық, цитологиялық зерттеулер; қан мен оның компоненттерін дайындау, консервациялау, қайта өңдеу, сақтау және өткізу; санитариялық-гигиеналық және эпидемияға қарсы медициналық қызмет: халықты гигиеналық оқыту, дезинфекциялау, дезинсекциялау, дератизациялау құралдары мен препараттарының санитариялық-эпидемиологиялық сараптамасы, оларды өндіру, қайта өңдеу және өткізу, сондай-ақ оларды пайдаланумен байланысты жұмыстар мен көрсетілетін қызметтер түрлерін өткізу; санитариялық-гигиеналық және зертханалық зерттеулер: бактериологиялық; вирусологиялық зерттеулер, физикалық факторларды (шуды, дірілді, электр-магниттік өрісті және басқаларды) өлшеу, паразитологиялық зерттеулер, радиометрия және дозиметрия, санитариялық-химиялық, токсикологиялық зерттеулер; ересектерге және (немесе) балаларға мына мамандықтар бойынша консультациялық-диагностикалық және (немесе) стационарлық медициналық көмек: акушерлік және гинекология; педиатрия; инфекциялық аурулар; терапия: жалпы терапия, невропатология, кардиология, ревматология, гастроэнтерология, нефрология, пульмонология, эндокринология, аллергология (иммунология), гематология, кәсіптік патология, отбасылық дәрігер; хирургия: жалпы хирургия, трансплантология, кардиохирургия, ангиохирургия, пластикалық хирургия, жақ-бет сүйегі хирургиясы, нейрохирургия, оториноларингология, офтальмология, трансфузиология, урология, травматология және ортопедия; дерматовенерология (дерматокосметология); психиатрия: наркология, психотерапия, сексопатология, медициналық психология; фтизиатрия; онкология; стоматология; дәстүрлі медицина: гомеопатия, гирудотерапия, мануалдық терапия, рефлексотерапия, фитотерапия және табиғи текті құралдармен емдеу; сараптама: сот-медициналық, психиатриялық (оның ішінде сот-психологиялық-психиатриялық, наркологиялық және сот-наркологиялық); медициналық реабилитология: физиотерапия, массаж, емдік дене шынықтыру; спорттық медицина; еңбекке уақытша жарамсыздық пен кәсіптік жарамдылық сараптамасы; анестезиология және реаниматология; 2) фармацевтикалық қызмет. Қызметтің бұл түрі мынадай кіші қызмет түрлерін қамтиды: дәрілік заттарды өндіру; медициналық мақсаттағы бұйымдарды өндіру; медициналық техниканы өндіру; дәрілік препараттарды дайындау; медициналық мақсаттағы бұйымдарды дайындау; дәрілік заттарды көтерме саудада өткізу; медициналық мақсаттағы бұйымдарды көтерме саудада өткізу; медициналық техниканы көтерме саудада өткізу; дәрілік заттарды бөлшек саудада өткізу; медициналық мақсаттағы бұйымдарды бөлшек саудада өткізу; медициналық техниканы бөлшек саудада өткізу.";
- 2) 33-баптың 2) тармақшасындағы "дәрі-дәрмек препараттарының" деген сөздер "дәрілік заттардың, медициналық мақсаттағы бұйымдар мен медициналық техниканың" деген сөздермен ауыстырылсын.