"Асыл тұқымды мал шаруашылығы туралы" 1998 жылғы 9 шілдедегі Қазақстан Республикасының Заңына (Қазақстан Республикасы Парламентінің Жаршысы, 1998 ж., N 16, 220-құжат; 2001 ж., N 23, 318-құжат; 2004 ж., N 23, 142-құжат; 2006 ж., N 1, 5-құжат; N 3, 22-құжат; 2008 ж., N 15-16, 60-құжат):
- 1) 10-бап мынадай мазмұндағы 19) тармақшамен толықтырылсын: "19) "Жеке кәсіпкерлік туралы" Қазақстан Республикасының Заңына сәйкес ведомстволық статистикалық есептіліктің, тексеру парақтарының нысандарын, тәуекел дәрежесін бағалау критерийлерін, жыл сайынғы тексерулер жоспарларын әзірлейді және бекітеді.";
- 2) 11-бапта : тақырып мынадай редакцияда жазылсын: "11-бап. Асыл тұқымды мал шаруашылығы саласындағы мемлекеттік бақылау"; 2-тармақта: 1) тармақша мынадай редакцияда жазылсын: "1) асыл тұқымды мал шаруашылығының аттестатталған субъектілеріндегі малды асылдандыру жұмысының, оны есепке алудың және оның есептілігінің жай-күйін мемлекеттік бақылауды жүзеге асыруға;"; 2) тармақшадағы "сәйкестігін тексеруге" деген сөздер "сәйкестігіне мемлекеттік бақылауды жүзеге асыруға" деген сөздермен ауыстырылсын; 3) тармақшадағы "сапасын тексеруге" деген сөздер "сапасына мемлекеттік бақылауды жүзеге асыруға" деген сөздермен ауыстырылсын; 2-1-тармақ мынадай редакцияда жазылсын: "2-1. Асыл тұқымды мал шаруашылығы саласындағы мемлекеттік бақылау тексеру нысанында және өзге де нысандарда жүзеге асырылады. Тексеру "Жеке кәсіпкерлік туралы" Қазақстан Республикасының Заңына сәйкес жүзеге асырылады. Мемлекеттік бақылаудың өзге де нысандары осы Заңға сәйкес жүзеге асырылады.".